+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Qazaqy oıý-órnekpen bezendirilgen alyp kıiz úı jasaldy - Sheteldegi qazaqtildi BAQ-qa sholý

2019 jylǵy 31 tamyz 12:15
Bólisińiz:
Qazaqy oıý-órnekpen bezendirilgen alyp kıiz úı jasaldy - Sheteldegi qazaqtildi BAQ-qa sholý

NUR-SULTAN. QazAqparat - «QazAqparat» HAA shet elde qazaq tilinde taraıtyn aqparat kózderine aptalyq sholýyn usynady.

Uqsas jańalyqtar

Álemdegi eń úlken qazaq kıiz úıi Qulja qalasynda boı kóterdi - Qytaıdyń «Ortalyq halyq radıosy» (CNR)


Qulja qalasyndaǵy «Ortalyq Azııa qaqpasy» atalatyn etnoparktyń ortalyq alańyna qazaqy oıý-órnekpen bezendirilgen alyp kıiz úı tigildi, dep jazady Qytaılyq kazakcnr.com saıty.


Atalǵan aqparat kóziniń málimetinshe, QHR-dyń Іle Qazaq avtonomııaly oblysynyń ortalyǵy Qulja qalasynda boı kótergen alyp kıiz úı óziniń kólemimen qatar, qazaqtyń qol óner mádenıetin áıgileıtin jasaý-jabdyqtarymen de jurtty tamsandyrýda. Kórgen adamnyń kózin arbaıtyn erekshe kıiz úı «Іle jibek joly shuǵylasy» JShS-nyń qarjylandyrýymen jasalǵan. Al ondaǵy ulttyq qolóner jabdyqtaryn «Іle tasbulaq ulttyq kıimder» kásiporny daıyndaǵan.


«Qazaq halqy han, sultandarǵa arnalǵan at ústinen shańyraq kóterip, ýyq shanshyp tigetin, 30 qanatty kıiz úıdi «Altyn orda» dep ataıdy. Al Qulja qalasyndaǵy etnoparktyń ortalyq alańyna tigilgen kıiz úı - bıiktigi 10,2 metr, ishki radıýsy 20 metr, aýmaǵy 350 sharshy metr bolatyn – záýlim orda. Alyp kıiz úıdiń qańqasy bolat shybyqtan turǵyzylǵannan keıin, úıdiń syrtqy týyrlyq, úzik, túńiligine deıin qolmen basylǵan kıizben jabylǵan. Sonymen birge úıdiń ishki baýlary, basqury, oraýly shıi sııaqty barlyq jabdyqtary túgel qolóner buıymdarymen tolyǵyp qazaqtyń naǵyz dástúrli kıiz úı mádenıetiniń mýzeıin qalyptastyrǵan. Bul erekshe mádenı nysan ashylǵannan keıingi az ýaqyttardyń ishinde dańqy alysqa tarap, Іle jerine aıaq basqan týrısterdiń asyǵyp jetetin, qyzyǵa tamashalaıtyn ornyna aınalǵan», - dep jazady CNR.






Qazaqstanda Azııa qalamgerleriniń forýmy ótedi - «Fars» aqparat agenttigi


Qazaqstannyń Jazýshylar odaǵy QR Prezıdenti Ákimshiligi men Mádenıet jáne sport mınıstrliginiń qoldaýymen 2019 jyldyń 4-6 qyrkúıek aralyǵynda Nur-Sultan qalasynda Azııa qalamgerleriniń I forýmyn ótkizedi, dep habarlaıdy parstoday aqparat agenttigi.

«Bul forýmdy ótkizýdegi maqsat Azııa elderi arasynda ádebı-mádenı qarym-qatynasty nyǵaıtý, Qazaqstanyń ádebıeti men rýhanı qundylyqtaryn pash etý, ádebı úderisti damytý úshin Azııa elderimen tájirıbe almasý bolyp tabylady. Forýmǵa Azııadaǵy 44 eldiń halyqaralyq jáne otandyq syılyqtarǵa ıe 100-den asa aqyn-jazýshysy, Jazýshylar odaqtary men qaýymdastyqtardyń tóraǵalary qatysady», - dep jazady parstoday.

Semeıdegi alǵashqy atomdyq synaq jarylysyna 70 jyl boldy - TRT


Qazaqstannyń shyǵysy Semeı oblysynda jasalǵan alǵashqy atomdyq synaq jarylysyna 70 jyl boldy, dep jazady Túrkııa Radıo Televızııa portaly.

«Keńes Odaǵynyń atomdyq synaq alańy bolǵan Semeı polıgonynda alǵashqy atomdyq bomba 1949 jyly 29 tamyz kúni jarylǵan. 40 jylda Semeı aımaǵynda 456 atomdyq jarylys jasaldy. Olardyń kúshi Hırosımaǵa atylǵan bombadan 2500 ese qýatty. Semeı polıgony 42 jyldan soń, 1991 jyly 29 tamyzda jabyldy. Bul sheshim Keńes Odaǵy áli ydyramaǵan kezde Qazaqstan Kóshbasshysy Nursultan Nazarbaevtyń talpynysymmen jasaldy. Aımaqta atomdyq synaqtardan týyndaǵan radıatsııanyń zııany áli de baıqalýda», - dep jazady TRT.

Donald Tramptyń uly Mońǵolııadaǵy demalysynan alǵan áserimen bólisti - kaznews.mn


AQSh Prezıdentiniń uly kishi Donald Tramp Jýnıor /Jr/ Mońǵolııanyń batysynda ornalasqan Baıan-Ólgeı aımaǵyna saıahattap, 25 tamyzda eline qaıtty, dep jazady Mońǵolııanyń KAZNEWS aqparattyq portaly.

Atalǵan BAQ-tyń jazýynsha, Tramp Jýnıor Mońǵolııaǵa kelgen bette Baıan-Ólgeı aımaǵyna ushyp, Besboǵda taýyndaǵy Húıten shyńyn baǵyndyryp, ulymen birge ásem tabıǵatta balyq aýlap, at minip, kóshpendilerdiń salt-dástúrin tamashalaǵan.


Keıin Mońǵolııadaǵy demalysynan alǵan áserimen Instagram-daǵy óz paraqshasynda bólisken.

«Jigitter, ulym Donnımen birge kıiz úıde ótken ómirdi de kórdik. Ótken aptada Mońǵolııany zertteýge shyqqan edik. Uzaq shaqyrymdardy atpen, keıin 4WD-men basyp óttik. Jýyq arada áli de fotolardy salamyn. Shynynda da, bul – men kórgen eń kórkem jerlerdiń biri. Adamdardan jylylyq pen meıirimdilik esip tur. Osynaý keremet tájirıbeden keıin áleýmettik jelige qaıtyp kelgen birtúrli eken», - dedi Donald Tramp Jýnıor.


Montsame saıtynyń habarlaýynsha, Ulanbatyrdaǵy AQSh elshiligi bul, memlekettik mańyzdaǵy sapar bolmaǵandyqtan, qosymsha aqparattan beıhabar ekenin málimdegen.

Al Mońǵolııa prezıdenti Haltmagıın Battýlga Donald Tramptyń 13 jastaǵy uly Berron Trampqa tulpar syılaǵany týraly da sheteldik BAQ kózderi jarysa jazdy.

Qytaılyq qandasymyz tamaq ishpeı 5 myń shaqyrym jaıaý júrdi - Qytaıdyń «Ortalyq halyq radıosy» (CNR)


Shyńjańnyń Tarbaǵataı aımaǵynan 5 myń shaqyrym shalǵaıda jatqan Shanhaı qalasyna jaıaý attanǵan Serik Zeıneluly sońǵy márege jeńispen jetti, dep jazady qytaılyq kazakcnr.com saıty.

Atalǵan aqparat kóziniń dereginshe, Serik Zeıneluly Tarbaǵataıdan Shanhaıǵa deıingi 5 myń shaqyrym aralyqty tamaq ishpeı, tek sýmen ǵana nár alyp júrip ótken. Marafonshynyń tamaq ishpegenin dáleldeý úshin boıyna arnaıy apparat taǵylyp, kamera ornatylǵan. Densaýlyǵyn qadaǵalap otyrý úshin inisi arnaıy komanda jasaqtaǵan.

«Ol alǵashqy 29 kúnde 1019 kılometr jol júrip, Álemdik rekordtardy sertıfıkatsııalaý agenttiginiń (World Record Certification Agency) «tamaq ishpeı eń uzaq jaıaý júrgen sportshy» degen sertıfıkatyn enshiledi (Farthest distance walked while fasting). Munymen toqtamaǵan Serik Zeıneluly tamaq ishpesten taǵy 4 myńǵa jýyq shaqyrymdy artqa tastap, Shanhaı qalasyna jetedi. S. Zeıneluly jas kezinde sportpen aınalysqan. Qazir jeke kásipker», - dep jazady CNR.




Qaısarlyǵymen álemdik rekordty jańartqan qandasymyz BAQ-qa bergen suhbatynda, qatań talap qoıyp, ózin jeńe bilgen adamnyń almaıtyn bıigi joq ekenin aıtady.

«Meni qoldap qýattaǵan barlyqtaryńyzǵa kóp rahmet! Qazir meniń densaýlyǵym erekshe jaqsy. Alǵash saparǵa attanarda jergilikti memlekettik organdarǵa josparymyzdy aıttyq. Alaıda, olar tamaq ishpeı bulaı uzaq júrý adam ómirine erekshe qaýipti ekenin aıtyp, bizdi qoldamaǵan edi. Áıtse de, biz óz komandamyzdy jasaqtap, jolǵa attanyp kettik. Basty maqsatym - adam balasynyń erekshe múmkindigin dáleldeý, qatań talap qoıyp, ózin jeńe bilgen adamnyń almaıtyn bıigi joq ekenin búkil álemge pash etý», - deıdi sportshy.

ıÝNESKO-nyń bas dırektory Buharaǵa bardy - «ÓzA» aqparattyq agenttigi


Ózbekstan Táýelsizdiginiń 28 jyldyǵyna oraı on ekinshi márte ótip jatqan Samarqandaǵy «Shyǵys áýenderi» mýzykalyq festıvaline arnaıy kelgen ıÝNESKO-nyń bas dırektory Odre Azýle hanym, osy sapary aıasynda jáne bir tarıhı qala Buharaǵa bardy, dep jazady Ózbekstannyń «ÓzA» memlekettik aqparattyq agenttigi.

Atalǵan BAQ-tyń jazýynsha, Buhara qalasynda ıÝNESKO-nyń Búkilálemdik mádenı muralar tizimine engen jalpyǵa ortaq qundylyqtaǵy túrli dáýirge tıisti 300-den astam sáýlet eskertkishi bar.

Atap ótilgendeı, Buhara ejelden dinı toleranttylyq qalyptasqan orta bolyp ulyqtalyp keledi. BUU-nyń bilim, ǵylym jáne mádenıet máselesi boıynsha uıym basshysy (ıÝNESKO Bas dırektory) Odre Azýle hanym Buharadaǵy kóne Ark qalasyna jasaǵan sapary aıasynda Ismoıl Somanıı kesenesi, Mırnoraı Kalon, Mır Arab medresesi men Masjıdı Kalon jádigerlerin óz ishine alǵan Poıı Kalon kesheni men Myrza Ulyqbek medresesin aralap, mundaǵy qolónershilerdiń jasaǵan týyndylarymen keńinen tanysty.




Bizdiń kanalymyzǵa jazylyńyz:

Basty sózder: BAQ, Álem,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT