Qazaqtyń ulttyq «Orteke» bıi ıÝNESKO-nyń tizimine engiziledi
2022 jylǵy 24 maýsym 22:00

Qazaqtyń ulttyq «Orteke» bıi ıÝNESKO-nyń tizimine engiziledi

NUR-SULTAN. QazAqparat – Qazaqtyń ulttyq bıi - «Orteke» ıÝNESKO-nyń tizimine engiziledi. Bul málimetti QazAqparat tilshisiniń saýalyna jaýap bergen Mádenıet jáne sport mınıstrliginiń baspasóz qyzmeti habarlady.

Mınıstrlik málimetinshe, sarapshylardan quralǵan komıssııa ulttyq bıdi ıÝNESKO-nyń tizimine qosý usynysyn 2019 jyly jasaǵan.

«Qandaı da bir murany atalǵan uıymnyń tizimine engizý úshin qatysýshy el birqatar talaptardy oryndaýy kerek. Eń aldymen memleket tanystyrý beınerolıgin aǵylshyn jáne frantsýz tilderinde túsirip ıÝNESKO-nyń bas shtabyna usynys joldaıdy. Materıaldyq emes mádenı murany saqtaý jónindegi úkimetaralyq komıtet músheleri usynysty qarastyryp, sheshimdi daýys berý arqyly qabyldaıdy. Máselen, biz «Orteke» bıin Úkimetaralyq komıtet qaraýyna 2019 jyly usyndyq. Degenmen ony ıÝNESKO tarapynan ilgeriletý protsessi bıyl ǵana bastaldy», - dep málim etti mınıstrliktiń baspasóz qyzmeti agenttik tilshisiniń saýalyna oraı.

Sondaı-aq vedomstvo ókilderi ıÝNESKO nelikten ultymyzdyń osy ónerine qyzyǵýshylyq tanytqanyn aıtty.

«Qazaqtyń etnomýzyka jáne etnoteatr salasyndaǵy zertteýlerinde «Orteke» óneri týraly derekter az. Degenmen keıbir ǵalymdardyń eńbekterinde «Ortekeniń» 3 myń jyldan astam ýaqyt buryn paıda bolǵany kórsetilgen. Belgili mýzykatanýshy ǵalym Ahmet Jubanov qazaqtyń qýyrshaq teatry óz bastaýyn osy ónerden alatynyn atap ótken. Sonymen qatar bul týraly ǵalym Álkeı Marǵulannyń, belgili kúıshi jáne zertteýshi Abdýlhamıt Raıymbergenovtiń, Murat Óskembaevtyń jazbalarynda kezdesedi. Budan basqa «Orteke» ejelgi qoldanbaly óner sheberleriniń eńbekterine arqaý bolǵan. Oǵan dálel Tamǵaly, Eshkiólmes, Kúljabasy sııaqty eń kóne eskertkishterde beınelengen petroglıfter. Osylardy eskere kele, atalǵan óner ıÝNESKO-nyń materıaldyq emes murasynyń tizimine engizýe naqty laıyq dep esepteımiz», - delingen habarlamada.

Vedomstvo 2013 jyldan bastap Qazaqstannyń materıaldyq emes mádenı muralarynyń ulttyq tizimin jasaý, ony ıÝNESKO-ǵa engizý jumystaryn júrgizip keledi. Osy ýaqytqa deıin qazaq halqynyń 11mádenı murasy uıymnyń tizimine kirdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT