+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqtyń halyq áni «Jipti ıne» Beıjiń sahnasynda shyrqaldy  - Sheteldegi qazaq tildi BAQ-qa sholý

2020 jylǵy 28 maýsym 12:22
Bólisińiz:
Qazaqtyń halyq áni «Jipti ıne» Beıjiń sahnasynda shyrqaldy  - Sheteldegi qazaq tildi BAQ-qa sholý

NUR-SULTAN. QazAqparat- «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Majarstan aqparat agenttigi QazAqparatty mereıtoımen quttyqtady «ANSA» aqparat agenttigi QazAqparatty mereıtoıymen quttyqtady Altaı Kólginov: QazAqparat – ǵasyrlyq tarıhy bar elimizdegi basty aqparat agenttigi

«Ájeleri tárbıesi qazynaly bulaqtyń kózi» - «Tamdy sharýageri» gazeti

Ózbekstanda shyǵatyn «Tamdy sharýageri» gazetinde osy aptada áke men bala, áje men nemere týraly qatarynan eki maqala jaryq kórdi. Onyń birinshisinde «Sózden súringen» degen taqyryppen uly aqyn Abaı men onyń ákesi Qunanbaı arasyndaǵy el aýzyna taraǵan áńgimesi aıtylady. Atalǵan jazbada uly aqyn qansha danyshpan bolsa da ákesiniń pátýaly sózine toqtaǵany mazmundalady.

«Abaı qanshalyqty ǵulama, dana bolsa da, Qunanbaıdyń aldyna kelgende sózden súrinedi eken. Birde ákesimen áńgime-dúken quryp otyryp, ájesi Zere, anasy Uljannyń aqyldylyǵyn maqtan etken Qunanbaıdyń sózine masaıraǵan Abaı: «Áke, men naǵashylaryma tartqan ekenmin» - dep, aıtyp qalady. Ákesi: Áı, Abaı, báıgeden kelgen tulpardy mynaý qaı aıǵyrdyń balasy dep suraıdy. Biraq qaı bıeden týdy dep suraǵandy estigen joqpyn» -depti. Óziniń artyq ketkenin túsingen Abaı ákesinen keshirim surapty. Bir otyrysta Abaı: «Men ákemnen de ozdym» - depti. Bul sóz Qunanbaıdyń qulaǵyna da jetedi. Qunanbaı: «Abaıyńa sálem aıt, menen ozbaq túgil, maǵan jetý úshin Abaıdaı ul týǵyzyp alsyn», depti dep túıindeıdi el aýzynan daıyndaǵan Marat Samatov atty avtor.

«Tamdy sharýageri» gazetindegi ekinshi jazba «Asyl ájem» degen taqyrypta jarııalanǵan eken. Onda maqala avtory bala tárbıesinde ájeniń berer tálimi bárinen joǵary ekenin aıtady. Oǵan Shoqan Ýálıhanovtyń Aıǵanym ájesi, Abaı atamyzdyń Zere, Muhtar Áýezovtyń Dinasyl ájelerin mysal retinde keltiredi sóz arasynda.

Maqala avtorynyń aıtýynsha, ájelerimiz tálim-tárbıeniń bastaýy, bizge úlgi-ónege kórseter asyl jandar, qazynaly bulaqtyń qaınar kózi eken. Januıada bala tárbıeleýde alatyn orny erekshe – osy meıirimdi ájelerimiz. Qazaq otbasyndaǵy áje orny erekshe ári qadirli. Áje-otbasynyń ǵana emes, áýlettiń de uıytqysy, aǵaıyn-abysyndardyń birligin, tatýlyǵyn saqtaıtyn syıly anasy, keıingi jastardyń, kelinderdiń tárbıeshisi ári aqylgóıi.

«Onyń dáleli Shoqan Ýálıhanovtyń Aıǵanym ájesi, Abaı atamyzdyń Zere, Muhtar Áýezovtyń Dinasyl ájeleri qazynaly bulaqtyń kózi bolǵan ájeleri edi... Alaıda ata-áje men nemere arasyndaǵy osyndaı baılanys búgingi qoǵamda sırep bara jatqany meni qatty qynjyltady», dep jazady avtor.

Avtordyń keltirgen derekterine súıensek, óz ómirinde de ájesinen alǵan tárbıesi erekshe bolǵan eken.

«...Meniń de ájem ózim úshin olardan kem túspeıtin. Sóılegen sózi, istegen isi, aıtqan aqyly qashanda qonymdy-aq bolatyn. Al, ájemniń aıtatyn ertegileri múldem erekshe. Kishkentaı kezimnen kúnde keshkisin «Erte, erte, ertede, eshki júni bórtede ...» dep jańa ertegisin bastaıtyn. Sebebi, onyń oqyp bitirgen kitaptary óte kóp. Bir qyzyǵy, qaı kitaptan qaı keıipkerdi surasań da múdirmeıtin. Men onyń ertegilerine, áńgimelerine qumarttym. Ár sát ártúrli ertegi baıandaıtyn ájem keshege deıin bir ertegisin maǵan qaıtalap aıtqan emes. Ájem meni, men ájemdi erekshe qatty jaqsy kórdik...

Bári de Allanyń qalaýymen bolady degen nanymǵa sengen qazaqpyz, degenmen, urpaqtar sabaqtastyǵyn jalǵastyratyn da, ómir kóshiniń kórigin qyzdyratyn da erekshe jaralǵan tulǵalar ata-ájeler. Bizdiń áýlettiń kósh saltanatyna kórik bergen bolmysy bitik, analyq rýhy bıik meniń asyl ájem edi dep nyq senimmen aıta alamyn. Ájemniń beınesi máńgi este, ony ýaqyt alasarta almaıdy. Asyl áje, nemerelik peıilimmen ájelik meıirimińe bas ıemin», dep jazady maqala avtory Zarafshan qalasynyń turǵyny Mereke Kattabosynova.

Mońǵolııa parlament saılaýynda úsh qazaq jeńiske jetti - Kaznews

2020 jylǵy Mońǵolııa Parlamenti saılaýynyń nátıjeleri jarııalanyp, jaqyn arada parlamenttiń jańa músheleri ant beredi, dep habarlaıdy mońǵolııalyq Kaznews aqparattyq portaly.

Atalǵan aqparat kóziniń keltirgen deregine súıensek, parlament týraly zańda kórsetilgendeı birinshi sessııany 76 depýtattyń ishindegi eń qart múshe basqarýy tıis. Sondyqtan bul jolǵy birinshi sessııany Baıan-Ólgıı aımaǵynan saılanǵan 66 jastaǵy Bádelhan Qabdisilámuly basqarady . Ol 1954 jyly týǵan jáne jańa parlamenttiń eń qart múshesi atanyp otyr.

Aıta ketý kerek, 2020 jylǵy Mońǵolııa parlament saılaýynda Baıan-Ólgıı aımaǵynan Bádelhan Qabdisilámuly, Áýbákir Tileýhanuly, Beısen Bulanuly qatarly úsh qandasymyz jeńiske jetken bolatyn.

«2020 jylǵy Parlament saılaýynyń qorytyndysy boıynsha Mońǵol halyq partııasynan atyn usynýshy Bádelhan Qabdisilámuly Baıan-Ólgıı aımaǵynan qaıta saılandy. Ol 23379 daýyspen jeńiske jetti. Sonymen qatar, Baıan-Ólgıılikter Mońǵol halyq partııasy atyn usynǵan úmitker Áýbákir Tileýhanulyna 22662 adam daýys berip, senim júktedi. Úshinshi mandatty Demokratııalyq partııadan atyn usynýshy Beısen Bulanuly 22448 daýyspen jeńip aldy. Nátıjesinde, Parlamentke buryn saılanbaǵan jańa saıasatkerler kelesi tórt jylda Baıan-Ólgıı halqynyń memlekettegi ókili bolady», dep jazady Kaznews aqparattyq portaly.

Qazaqtyń halyq áni «Jipti ıne» Beıjiń sahnasynda shyrqaldy - Qytaıdyń «Ortalyq halyq radıosy» (CNR)


21 maýsym kúni Qytaı ortalyq televızııasy bas stantsııasy ótkizgen qarttarǵa arnalǵan «Alpys jastan assada, alty qyrdan asyra án shyrqaǵan» atty qarttar qor jarysy Ortalyq televızııasynyń «CCTV-1» jáne «CCTV-12» arnasynda taratyldy, dep habarlaıdy kazakcnr.com aqparattyq portaly.

«Bul jolǵy óner báıgesinde elimizdiń eń úlken telearnalarynda oryndalǵan án «Jipti ıne» atty qazaqtyń halyq áni. Bul ánde asqar taý, aıdyn kól, maldy aýyl, atan jilikti jigitter men arý qyzdar jyrǵa qosylyp, tamasha da baqytty ómirge maqtaý aıtylady. Qulaqtan kirip boıdy alar tamyljyǵan tátti áýen birden janyńyzdy jadyratyp, boıyńyzdy balqytyp, qııalyńyzdy qııandarǵa samǵatady. Endeshe, osy Shaǵantoǵaı aýdandyq «Meıirban analar» uıymynyń «Taý gúli» halyqtyq óner úıirmesi oryndaǵan qazaqtyń halyq áni «Jipti ıneni» birlikte tyńdap kórelik», dep jazady qytaıdyń «Ortalyq halyq radıosy».

Vıdeo oıyny retseptpen satylatyn boldy - TRT

Akili Interactive tarapynan jetildirilgen «EndeavorRx» atty oıynǵa satý ruqsaty berildi, dep habarlaıdy Túrkııa Radıo Teledıdar agenttigi.

Osy aptada túrkııalyq TRT aqparattyq portaly osyndaı qyzyqty habar taratqan bolatyn.

Atalǵan BAQ-tyń dereginshe, AQSh-tyń Azyq-túlik jáne dári basqarmasy Zeıin jetkiliksizdigi jáne gıperaktıvtilik sındromyna shaldyqqan balalardyń emdelýinde qoldaný maqsatymen birinshi ret bir vıdeo oıynyn tek dárigerdiń ruqsatymen ǵana satýǵa ruqsat bergen.

Atalmysh oıyn 600 balada jeti jyl boıy synaqtan ótken. Zertteý nátıjesine sáıkes, 8-12 jas aralyǵyndaǵy balalardyń zeıinin jetildirý maqsatymen, osy oıynnyń satylýynda dárigerdiń retsepti bolýy kerek dep sheshken.

Ózbekstanda «Muǵalimder qaýymdastyǵy» quryldy - «ÓzA» aqparat agenttigi

«Muǵalimder qaýymdastyǵy» Ózbekstandaǵy jalpy orta jáne mektepten tys bilim berý júıesin reformalaý basymdyqtaryna negizdelgen, halyq aǵartý júıesinde jumys isteıtin muǵalimderge jan-jaqty qoldaý kórsetetin bolady, dep habarlaıdy «ÓzA» aqparat agenttigi.

«ÓzA» aqparattyq agenttiginiń dereginshe, «Muǵalimder qaýymdastyǵy» 2020 jyl 3 maýsymda úkimettik jáne kommertsııalyq emes qoǵamdyq birlestik túrinde tirkeýden ótken. Halyq bilim mınıstrligi qoǵamdyq birlestiktiń negizgi maqsaty Ózbekstandaǵy jalpy orta jáne mektepten tys bilim berý júıesin reformalaý basymdyqtaryna negizdelgen, halyq aǵartý júıesinde jumys isteıtin muǵalimderge jan-jaqty qoldaý kórsetýge baǵyttalǵan jáne ol búkil respýblıka aýmaǵynda jumys atqarady.

«Ataýly jobany Eýropalyq Odaq qarjylandyrady jáne qoǵamdaǵy muǵalimderdiń bedelin kóterýdi jáne áleýmettik qorǵaýdy kúsheıtý, quqyqtyq saýattylyqty arttyrýdy maqsat etken. Sondaı-aq muǵalimderdiń kásibı áleýetin damytýdy baǵyttalǵan», dep túıindeıdi «ÓzA».

Álemdegi alǵashqy aspaly shyny kópir Iranda salyndy - «Fars» aqparat agenttigi


Aǵymdaǵy aptada ırandyq parstoday agenttiginde osyndaı taqyryptaǵy aqparat jaryq kóredi.

Irannyń soltústik-batysyndaǵy Ardebıl qalasynda jergilikti ınjenerlerdiń jobalaýymen taý ortasyndaǵy saıdan 70 metr bıiktikte uzyndyǵy 200 metrdi quraıtyn álemdegi alǵashqy aspaly shyny kópir salyndy, dep habarlaıdy Rarstoday.

Atalǵan aqparat kóziniń keltirgen deregine súıensek, kópirdiń edeni 5 qatparly shyny men lamınattan turady. Tańǵajaıyp kópirde qadam basqanda aıaqtyń astynan ózen, orman, jartastan turatyn ádemi panorama kórinedi eken.


Bizdiń kanalymyzǵa jazylyńyz:

#BAQ   #Qoǵam  
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT