+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Qazaqty tanytý úshin shetelde Abaı ortalyqtary kerek - Ulyqbek Esdáýlet

2020 jylǵy 21 qańtar 17:43
Bólisińiz:
Qazaqty tanytý úshin shetelde Abaı ortalyqtary kerek - Ulyqbek Esdáýlet

NUR-SULTAN. QazAqparat - Abaı murasy, shyǵarmalary esh ýaqytta eskirmeıdi. Mundaı pikirdi Abaıdyń 175 jyldyq mereıtoıynyń resmı ashylýyna arnalǵan sharadan keıin QR Jazýshylar odaǵynyń tóraǵasy Ulyqbek Esdáýlet bildirdi, dep habarlaıdy QazAqparat tilshisi.

Uqsas jańalyqtar
Almatyda Abaıdyń 175 jyldyq mereıtoıyna arnalǵan ádebı mýzykalyq shara ótti Qaraǵandylyq áskerıler #Abai175 chellendjin qoldady Semeıde Abaıdyń mereıtoıyna oraı jańa spektakl qoıylmaq

«Menińshe, Abaıdyń fılosofııalyq maqsat-murattarynyń birazy bıylǵy mereıtoıyna arnalǵan baǵdarlamalarǵa engizilip, josparlarǵa kirgizilip, qolǵa alynyp jatyr. Jalpy, ol kisiniń lırıkasy, poezııasy balabaqshadan bastap oqytylýy kerek degen ıdeıaǵa tolyq qosylamyn. Osy ýaqytqa deıin «bizde ulttyq ıdeologııa joq« dep keldik. Negizinde bizdiń ulttyq ıdeologııamyzdyń eń basty quramdas bóligi osy Abaıdyń asyl muralarynda tunyp tur. Abaıdyń «tolyq adam» degen uǵymy kemel adam degen maǵyna beredi. Shynyn aıtqanda onyń osy umtylystary keleshekte ulttyń, halyqtyń kemeldenýine alyp keledi. Qaı ýaqytta da kemshiliksiz adam bolmaıdy. Biraq, adamnyń ishki dúnıesin, júregin, kóńilin, sezimin, oıyn asyl arnaǵa, izgilikti arnaǵa burýy deıtin muratty qolǵa alyp jatqanymyz qýantady. Keıde keshteý de oılap qalasyń. Degenmen, eshten kesh jaqsy. Abaı murasy, shyǵarmalary esh ýaqytta eskirmeıdi», - dedi Ulyqbek Esdáýlet.

Sonymen qatar Qazaqstan Jazýshylary odaǵynyń tóraǵasy elimizdiń sheteldegi elshilikteri janynan Abaı ortalyqtarynyń ashylatyndyǵyna qatysty pikirin bildirdi.

«Jaqynda Polshada bir ortalyq ashyldy. Taıaý kúnderde Pragada Abaı ortalyǵy ashylady. Odan keıin Býdapesht qalasynda ashylaıyn dep otyr. Qazir Elshilikter men elimizdiń Ulttyq akademııalyq kitaphanasy birlesip, ony ótkizýdiń baǵarlamasyn bekitti. Ol sharalarǵa abaıtanýshylarymyz, ǵalymdarymyz barady. Bul endi shynyn aıtqanda basy ǵana. Máselen,bizde Konfýtsıı ınstıtýty, Gete úıi, sonymen qatar basqa da halyqtardyń úlken-úlken tildi de úıretetin, ádebıetti de oqytatyn, fılosofııasyn da tanytatyn jáne óziniń mádenıeti men saıasatyn júrgizetin ortalyqtar bizde barshylyq. Al biz Abaı ortalyqtaryn ashý arqyly qazaqtyń jan-dúnıesin, ádep-ǵurpyn, Abaı shyǵarmalaryn, Áýezov bastaǵan ózge de qalamgerlerimizdiń shyǵarmalaryn nasıhattaımyz. Qazaqty bile túsý úshin Abaı ortalyqtary kerek», - dedi ol.


Bizdiń kanalymyzǵa jazylyńyz:

Basty sózder: Mádenıet, QR SІM, #Abai175,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT