+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Qazaqtelekom 5G tehnologııasyn testileý nátıjesin jarııa etti

2019 jylǵy 1 qazan 11:39
Bólisińiz:
Qazaqtelekom 5G tehnologııasyn testileý nátıjesin jarııa etti

NUR-SULTAN. QazAqparat – Búgin Úkimet otyrysynda «Qazaqtelekom» AQ basqarmasynyń tóraǵasy Qýanyshbek Esekeev 5G tehnologııasyn testileý nátıjesin jarııa etti, dep habarlaıdy QazAqparat tilshisi.

Uqsas jańalyqtar
Býrabaıdaǵy ınternet sapasy máselesi sheshiledi - Asqar Jumaǵalıev Mınıstr 5G jelisiniń Qazaqstan aýmaǵynda tolyq qashan iske qosylatynyn aıtty 5G tehnologııasyn engizýge Úkimetten qarajat bóline me

«Qazaqtelekom Qazaqstanda 2018-2019 jyldary 5G tehnologııasyn 6 ret testileýden ótkizdi. Testileý Almaty, Nur-Sultan qalalary men Almaty oblysynda ótkizildi. Eń tanymal jáne 5G úshin ońtaıly bolyp tabylatyn 3,5GGts jáne 28 GGts jıilik dıapazondary paıdalanyldy. Testileý túrli klıenttik termınaldar – 5G smartfondary men 5G modemderin paıdalaný arqyly barlyq úsh vendordyń (Nokia, Ericsson, Huawei) 5G NR jabdyǵy bazasynda júrgizildi», - dedi ol.

Onyń atap ótýinshe, testileý úshin túrli lokatsııalar men testileý jaǵdaılary tańdap alyndy. Qalalyq jerlerdegi ǵımarattardyń ishi, ashyq keńestikter, sondaı-aq kóp qabatty qurylystar qamtyldy. 2 keıs testilendi, ıaǵnı smartfondardaǵy mobıldi KJQ jáne 5G modem (FWA keısi) arqyly tirkelgen-symsyz qatynaý. Nazarbaev Ýnıversıtetindegi jáne St.Regis qonaqúıindegi ÓBD aıasynda 5G testileý kezinde 5G bazalyq stansasy Qazaqtelekomnyń enshiles kompanııasy «MTS» JShS kommertsııalyq mobıldi jelisine biriktirildi. Osylaısha, qoldanystaǵy 4G jelilerine qosymsha 5G jelilerin taratý múmkindigi tekserildi.

«Osy júrgizilgen testileýler aıasynda 3,5GGts dıapazony úshin 450 Mbıt/c jáne 1,5 Gbıt/c aralyǵyndaǵy, sondaı-aq 28GGts dıapazony úshin 13 Gbıt/c deıingi derekter berý jyldamdyǵyna qol jetkizildi. Testileý kezindegi jelilik kidirister 2 men 8 mıllısekýnd aralyǵynda boldy. 5G jelilerindegi derekter berý jyldamdyǵy boıynsha qol jetkizilgen nátıjeler 4G kórsetkishterinen 10-100 ese joǵary. Qazaqstanda 5G tehnologııasyn testileý jumystaryn jalǵastyrýdy josparlap otyrmyz. 2019 jylǵy qarashada 5G testileýdi Túrkistan qalasynda ótkizý josparda bar», - dedi Qýanyshbek Esekeev.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT