+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Qazaqstanyń damýynda Elbasynyń saıası qoltańbasy aıqyn kórinedi – Túımebaev

2020 jylǵy 30 qarasha 16:54
Bólisińiz:
Qazaqstanyń damýynda Elbasynyń saıası qoltańbasy aıqyn kórinedi – Túımebaev

ALMATY. QazAqparat – Almaty qalasyndaǵy Dostyq úıinde Qazaqstan halqy Assambleıasynyń QR Tuńǵysh Prezıdenti – Elbasy kúnine arnalǵan «Eli súıgen, Elin súıgen Elbasy» atty dóńgelek ústel ótti, dep habarlaıdy QazAqparat.

Qazaqstan Respýblıkasynyń Tuńǵysh Prezıdenti kúnine arnalǵan suhbat-kezdesýdi asha otyryp, QHA Tóraǵasynyń orynbasary – Hatshylyq meńgerýshisi Janseıit Túımebaev bul jıynnyń Qazaqstan halqy Assambleıasynyń 25 jyldyǵy aıasynda ótip otyrǵanyn atap ótti.

«Qazaqstannyń Táýelsiz, zaıyrly otyz jyldyq jańasha tarıhynyń árbir kezeńinde Ult Kóshbasshysynyń saıası qoltańbasy aıqyn kórinedi. Elbasy Qazaqstan halqyn bir maqsat, bir múdde, bir bolashaq jolyna jumyldyryp, elimizdi ultaralyq kelisim men birliktiń mekeni retinde álemge tanytty», - dedi Janseıit Túımebaev.

Sonymen qatar, ol Assambleıanyń 25 jyldyǵynyń basty oqıǵasy – Nursultan Nazarbaevtyń tóraǵalyǵymen 11 qarashada ótken Assambleıa Keńesine toqtaldy.

«Elbasy Qazaqstan halqy Assambleıasynyń tóraǵasy retinde táýelsizdiktiń búkil kezeńindegi birlik pen kelisim saıasatyn saraptap berdi. «Assambleıa azamattyq qoǵamnyń ámbebap qurylymynyń barlyq úzdik sıpattamasyna ıe bolyp, dostyq, beıbitshilik, tynyshtyq pen senim – Qazaqstan qoǵamy ómiriniń ajyramas bóligine aınalýy úshin mańyzdy úles qosty. Táýelsizdigimizdiń damýy men ulttyń qalyptasýynyń jolynda dál osylar negizgi alǵyshart boldy»,– dep atap ótti ol.

Onyń aıtýynsha, otbasynyń amandyǵy, birlik, qonaqjaılylyq jáne eńbeksúıgishtik, yntymaq pen qurmet, bir-birimizdi qoldaýǵa jáne ózara kómekke daıyn bolý Qazaqstan halqynyń ortaq qundylyqtarynyń biri.

«Tuńǵysh Prezıdent «Otanǵa degen súıispenshiligimizdi únemi qasterlep otyrý, onyń tarıhı taǵdyry úshin ortaq jaýapkershiligimizdi nyǵaıtý» qajettigin tapsyrdy», - dedi ol.

Jıynǵa Elbasynyń janynda júrip, saıası mektebinen ótken, ómirlik tájirıbesinen sabaq alǵan, suhbat qurǵan azamattar, atap aıtar bolsaq: QR Prezıdenti Arhıvi janyndaǵy Qoǵamdyq keńes tóraǵasy, kóptegen ǵylymı eńbekterdiń avtory Borıs Álikenuly Japarov; QHA Keńesiniń múshesi, Qazaqstannyń Tuńǵysh Prezıdentiniń 2001-2004 jylǵy Baspasóz hatshysy Janaı Seıitjanuly Omarov, «Ahyska» túrik etnomádenı ortalyǵy» respýblıkalyq qoǵamdyq birlestiginiń tóraǵasy Zııatdın Ismıhanuly Kasanov; «Almaty aqshamy» gazetiniń bas redaktory, QR Prezıdenti syılyǵynyń ıegeri Qalı Qoshqaruly Sársenbaev; «Ýıǵýravazı» respýblıkalyq qoǵamdyq-saıası gazetiniń bas redaktory, «Qazaqstan uıǵyrlary respýblıkalyq etnomádenı ortalyǵy» qoǵamdyq birlestiginiń múshesi Ershat Mollahýnuly Asmetov qatysty.

Jınalǵandar qoǵam ómirinde, jastar arasynda Qazaqstan Respýblıkasy Tuńǵysh Prezıdentiniń memleket qalyptastyrýdaǵy tarıhı rólin aıshyqtaý maqsatynda Elbasymen kezdesken estelikterimen bólisip, oı órbitti.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT