Qazaqstannyń jeti oblysynda jol jabyldy

NUR-SULTAN. QazAqparat – Qazaqstannyń jeti oblysynda joldar jabylyp, kólik qozǵalysyna shekteý qoıyldy, dep habarlaıdy QazAqparat QR ІІM Tótenshe jaǵdaılar komıtetine silteme jasap.

Uqsas jańalyqtar

Qyzylorda-Pavlodar tasjoly jabyldy

Qazaqstannyń birqatar óńirinde tas jol jabyq Qaraǵandy oblysynda jol jabyldy Almatydaǵy Abaı dańǵyly ýaqytsha jabylady

Nur-Sultan qalasy men Qaraǵandy oblysynda barlyq baǵytta barlyq avtokólik túri úshin qozǵalys toqtatyldy.

Aqmola oblysynda «Nur-Sultan-Ereımentaý-Shiderti» (Nur-Sultannan men Pavlodar oblysynyń shekarasyna deıin), «Ekaterınbýrg-Almaty» (Jaqsy aýylynan SQO shekarasyna deıin, Nur-Sultannan Qaraǵandy oblysynyń shekarasyna deıin, Atbasardan Nur-Sultan qalasyna deıin), «Jezqazǵan-Petropavl» (Qostanaı oblysynan SQO shekarasyna deıin), «Nur-Sultan-Petropavl» (Nur-Sultannan ýche qalasyna deıin), «Nur-Sultan - Qorǵaljyn» (Aqmol aýylynan Qorǵaljyn qoryǵyna deıin), «Makınsk-Aqsý-Torǵaı» (Makınsk qalasynan Torǵaı qalasyna deıin) avtojoldarynyń 7 jol bóliginde barlyq avtokólik túri úshin qozǵalysqa tyıym salyndy.

Shyǵys Qazaqstan oblysynyń 2 jol bóliginde - «Óskemen-Rıdder-RF shekarasy» (Beloýsovka kentinen Sekısovka aýylyna deıin), «Omby-Maıqapshaǵaı» (Qalbataý aýylynan Kókpekti aýylyna deıin) tirkeme jáne jartylaı tirkemesi bar júk kólikteri úshin qozǵalys shektelgen.

Taǵy 4 jol bóliginde – «Óskemen-Shemonaıha-RF shekarasy» (Predgornoe aýylynan RF shekarasyna deıin), «Semeı-Qaınar» (Semeıden Qaınar aýylyna deıin), «Almaty-Óskemen» (Qalbataý aýylynan Qasym Qaısenov kentine deıin) jáne «Óskemen-Semeı» (Gerasımovka aýylynan Semeı qalasyna deıin) avtokóliktiń barlyq túrleri úshin qozǵalys toqtatyldy.

Qostanaı oblysynda «Jezqazǵan-Petropavl» (Qaraǵandy oblysynan Aqmola oblysynyń shekarasyna deıin) avtojolynda barlyq avtokólik túrleriniń qozǵalysy toqtady.

Qyzylorda oblysynda «Qyzylorda - Pavlodar» (Qaraǵandy oblysynyń shekarasynan Qyzylorda qalasyna deıin) barlyq avtokólik túri úshin qozǵalysqa tyıym salyndy.

Pavlodar oblysynda 3 avtojol bóliginde – «Nur-Sultan-Ereımentaý-Shiderti» (Shiderti kentinen Aqmola oblysynyń shekarasyna deıin), «Qyzylorda-Pavlodar» (Bozshakól kentinen Qaraǵandy oblysynyń shekarasyna deıin), «Lenınskıı-Ertis-Rýsskaıa Polıana» (Lenınskıı kentinen RF shekarasyna deıin) barlyq avtokólik túri úshin jol jabyq.

QR ІІM Tótenshe jaǵdaılar komıteti turǵyndarǵa aýa-raıynyń ózgerýin, meteorologııalyq esepter men SMS-habarlamalardy baqylaýda ustaýǵa keńes beredi. Jol kórinisiniń nasharlaýy men kóktaıǵaqqa baılanysty uzaq saparlardan bas tartqan jón. Eger tótenshe jaǵdaıǵa tap bolsańyz, qutqarý qyzmetiniń «112» biryńǵaı nomirine habarlasyńyz.