Qazaqstannyń ulttyq jaǵdaıyna saı damý jolyn ustanýyn qoldaıdy - QHR SІM
2022 jylǵy 7 maýsym 01:01

Qazaqstannyń ulttyq jaǵdaıyna saı damý jolyn ustanýyn qoldaıdy - QHR SІM

BEIJІŃ. QazAqparat – QHR Syrtqy ister mınıstrliginiń resmı ókili Chjao Lıtszıan Beıjińde ótken kezekti baspasóz máslıhatynda Qazaqstan Konstıtýtsııasyna ózgerister men túzetýler engizýge arnalǵan referendým týraly pikir bildirdi, dep habarlaıdy QazAqparat QHR SІM-ge silteme jasap.

«Qytaı tarapy Qazaqstandy Konstıtýtsııaǵa ózgerister men túzetýler engizýge arnalǵan referendýmnyń sátti ótýimen quttyqtaıdy. Tatý kórshi jáne uzaq merzimdi jan-jaqty strategııalyq seriktes retinde, Qytaı Qazaqstannyń ulttyq jaǵdaıyna saı damý jolyn ustanýyn tabandy túrde qoldaıdy. Prezıdent Toqaevtyń basshylyǵymen Qazaqstan halqy «Jańa Qazaqstandy» qurý jolynda budan da úlken jetistikterge jetedi dep senemiz. Qytaı tarapy eki el halqynyń ortaq ıgiligi úshin Qytaı-Qazaqstan qarym-qatynasynyń úzdiksiz damýyn alǵa jyljytý úshin Qazaqstan tarapymen birlesip kúsh salýǵa daıyn», - dedi Chjao Lıtszıan.


Jańalyqtar

Úrdis

MURAǴAT