Qazaqstannyń ulttyq elektr jelisi qalypty jumys istep tur
2022 jylǵy 10 qańtar 16:33

Qazaqstannyń ulttyq elektr jelisi qalypty jumys istep tur

NUR-SULTAN. QazAqparat - Qazaqstannyń ulttyq elektr jelisiniń jumysy qalypty rejımde qamtamasyz etiledi, dep habarlaıdy QazAqparat KEGOC AQ baspasóz qyzmetine silteme jasap.

Qazaqstan Respýblıkasy Prezıdentiniń Jarlyǵymen 2022 jylǵy 5-19 qańtar aralyǵynda tótenshe jaǵdaı engizilýine baılanysty «KEGOC» AQ-da jedel shtab quryldy.

Shtab Qazaqstannyń Ulttyq elektr torabynyń (UET) senimdi jumys isteýin qamtamasyz etý jónindegi barlyq sharalardy úılestirýdi júzege asyrady.

Kompanııanyń búkil jedel qyzmetteri men qurylymdary kúsheıtilgen jumys rejımine kóshirildi.

Sondaı-aq, kompanııanyń jaýapty basshylarynan qurylǵan táýlik boıǵy kezekshilik uıymdastyryldy.

«KEGOC» AQ-nyń barlyq nysandaryn qorǵaý rejımin kúsheıtý boıynsha sharalar qabyldandy.

UET shtattyq rejımde jumys isteýde. KEGOC Júıelik operator retinde Qazaqstan Respýblıkasynyń Birtutas elektr energetıkalyq júıesiniń senimdi jumys isteýin qamtamasyz etedi, sondaı-aq qatarlas jumys rejımderin basqarý jáne olardyń turaqtylyǵyn qamtamasyz etý boıynsha shektes memleketterdiń energııa júıelerimen ózara tıimdi jumys isteıdi.


Jańalyqtar

MURAǴAT