Qazaqstannyń týrızm qaýymdastyǵy: Týrızm barlyq  shekteýlerdiń saldarynan qatty zardap shekti
2022 jylǵy 25 qańtar 16:57

Qazaqstannyń týrızm qaýymdastyǵy: Týrızm barlyq  shekteýlerdiń saldarynan qatty zardap shekti

ALMATY. QazAqparat - Qazaqstan týrıstik qaýymdastyǵynyń (QTQ) dırektory Rashıda Shaıkenova koronavırýs ınfektsııasyna qarsy kúres aıasynda týrızmniń damý barysy týraly aıtty, dep habarlaıdy QazAqparat tilshisi.

Onyń aıtýynsha, búgingi tańda Qazaqstannyń týrıstik naryǵynyń tıimdi jáne tolyqqandy jumys isteýine múmkindik bermeıtin shekteýler týraly oılanǵan jón.

«Biz mine, úshinshi jyl boldy ártúrli shekteýler rejıminde ómir súrip kelemiz. Ol bizge ne berdi?! Adamdar aýyrdy, áli de aýyryp keledi. Biz shekarany qalaı japsaq ta, elge kirý men shyǵýdy qalaı shektesek te shtamdar tarala beredi. Eger «omıkron» Eýropaǵa jaqynda ǵana kirse, onyń Qazaqstanǵa kelgenine bir apta da ótken joq», - dedi ol.

Jaqynda Dúnıejúzilik densaýlyq saqtaý uıymynyń komıteti búkil álem boıynsha adamdardyń qozǵalysyna shekteýdi toqtatý qajet ekenin málimdedi.

«Úkimet deńgeıinde, dúnıejúzilik týrıstik uıym deńgeıinde týrızmniń barlyq shekteýlerdiń saldarynan óte aýyr zardap shekken ekonomıka salasy ekeni belgili. Sondyqtan, árıne, Qazaqstannyń týrıstik naryǵy bul shekteýlerdiń birte-birte alynyp tastalýyna qarsy emes. Bul árıne adamdardyń shekteýsiz jáne kedergilersiz saıahattaýyna múmkindik alýy úshin.

2022 jyldyń 1 qańtarynan bastap Qazaqstan Respýblıkasynyń Úkimeti elý jeti eldiń azamattary úshin otyz kúndik vızasyz rejımdi qalpyna keltirý týraly sheshim qabyldady. Bul biz kópten kútken óte durys sheshim. Vedomstvoaralyq komıssııa (VAK) bul týraly 2021 jyly málimdegen edi», - dep túsindirdi QTQ dırektory.

Sonymen qatar, ol Qazaqstanǵa vızasyz kele alatyn elý jeti eldiń azamattary VAK-tyń ruqsatyn alýy kerek ekenin aıtty. Onyń pikirinshe, VAK ruqsat beretin mundaı qurylym dúnıe júzinde joq.

«Bizge vızasyz kelýge quqyǵy bar azamatqa kirýge ruqsat berý nemese odan bas tartý týraly sheshim neniń negizinde qabyldanady. Elimizde Qazaqstan aýmaǵyna sheteldik týrısterdiń kelýimen únemi aınalysyp kelgen jáne aınalysatyn qurylymdar kóp. ıAǵnı, bizde kirý-shyǵý erejeleri týraly qaýly bar, bas sanıtarlyq dárigerdiń buıryǵy bar. Nelikten naryq sheteldik týrısterdiń kelýine qatysty búgin VAK-qa habarlasýy kerek ekenin túsinbeımiz. Sondyqtan, men VAK-tyń naqty osy fýnktsııasy bolmaýyn qalaımyn. Memleketke de, bızneske de qarjy resýrstaryn ákeletin týrızmdi damytý úshin taǵy bir ákimshilik kederginiń qajeti joq. Al bizde úshinshi jyl boıy týrıstik naryqta esh qozǵalys joq. Dúnıejúzilik densaýlyq saqtaý uıymynyń usynymdary jáne búgingi álemdegi jalpy jaǵdaı saıahattaýǵa, búkil álemdi aralaýǵa jáne adamdarǵa aqsha taýyp, otbasyn asyraýǵa múmkindik berý qajettiligine súıenedi», - dep túıindedi Rashıda Shaıkenova.


Jańalyqtar

MURAǴAT