+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Qazaqstannyń Tuńǵysh Prezıdenti eýrazııalyq ıntegratsııa  jetekshisi bolyp qala beredi  - Aıdos Úkibaı

2019 jylǵy 26 jeltoqsan 11:00
Bólisińiz:
Qazaqstannyń Tuńǵysh Prezıdenti eýrazııalyq ıntegratsııa  jetekshisi bolyp qala beredi  - Aıdos Úkibaı

NUR-SULTAN. QazAqparat - Jańa jyl qarsańynda Qazaqstannyń jetekshi aqparat agenttik tilshileri Elbasy baspasóz qyzmetine habarlasyp, birqatar qyzyqty ári ózekti suraqtarǵa jaýap alý úshin QR Tuńǵysh Prezıdenti - Elbasynyń Baspasóz-hatshysy Aıdos Úkibaıǵa saýaldaryn joldaǵan edi. Osyǵan baılanysty «QazAqparat» Halyqaralyq aqparat agenttigi Elbasynyń Baspasóz-hatshysymen aradaǵy suhbatty oqyrman nazaryna usynady.

Uqsas jańalyqtar
Elordada túrik shaıyn tanystyrý sharasy ótedi Qazaqstannyń keıbir aýmaqtarynda joldar ashyldy Almaty oblysynda 257 azamattyń jalaqy boıynsha bereshegi óteldi

- Aıdos Ydyrysuly, bıyl 19 naýryzdaǵy tarıhı oqıǵadan keıin Siz Elbasy Keńsesine qyzmetke aýysyp, Nursultan Nazarbaevtyń Baspasóz-hatshysy boldyńyz. Memlekettik qurylymdaǵy osy tektes model búkil álemde birigeı ekeni túsinikti. Osyny eskere otyryp, jumysty jańadan qurý qanshalyqty qıynǵa túskenin aıtyp ótseńiz?

- Rasynda da, elimizde mundaı oqıǵa alǵash ret oryn alǵan bolatyn. Atap ótkenińizdeı, Tuńǵysh Prezıdent saıası turaqtylyqtyń kepilgeri bolyp qala beretin mundaı memlekettik basqarý modeli álemde kezdespeıdi.

Meniń aldymda naýryzdyń 20-sy men 26-sy aralyǵynda múldem jańa jaǵdaıda jumys isteýge daıyn bilikti mamandar komandasyn jasaqtaý mindeti turdy. Sonymen birge, Elbasy baspasóz qyzmeti Nursultan Ábishulymen jumys tájirıbesi bar kadrlardan qalyptasýy tıis boldy.

Árıne, Qazaqstannyń Tuńǵysh Prezıdentiniń qyzmetin aqparattyq turǵyda qoldaýdy qamtamasyz etpes buryn, Elbasy mártebesiniń ózin adamdarǵa túsindirip, jetkizý maqsaty turǵanyn atap ótken jón. Bul turǵyda Nursultan Nazarbaev ózi prezıdenttik ókilettigin toqtatqanǵa deıin saıası reformalardy júzege asyrýda negizgi ról atqarǵanyn jáne solaı bolyp qala beretinin túsiný kerek.

- 2019 jyl atqarylǵan jumystardyń Siz jáne komandańyz úshin qanshalyqty mazmundy boldy?

- Eger de Elbasy.kz saıtyndaǵy tek resmı habarlamalar kólemi boıynsha salystyrsaq, onda naýryz aıynan jeltoqsanǵa deıin 200-ge tarta aqparattyq materıaldy daıarlap, jarııaladyq. Jalpy, Elbasynyń qatysýymen ótetin sharalardy daıyndaý men uıymdastyrý deńgeıi esh azaıǵan joq. Sondyqtan QR Tuńǵysh Prezıdenti Keńsesiniń jumyldyrylǵan barlyq qyzmetkerlerine burynǵysynsha joǵary talaptar qoıylady.

Sany jaǵynan shtaty aýqymdy emes bola tura, Elbasy Keńsesi Tuńǵysh Prezıdent qyzmetin qamtamasyz etetin jumystardy sapaly ári der kezinde iske asyryp jatqandyǵyn atap ótken jón.

Meniń oıymsha, osy ótip bara jatqan jyl aıtarlyqtaı jemisti ári mazmundy boldy. Biz Tuńǵysh Prezıdenttiń úsh suhbatyn uıymdastyryp, jarııaladyq; úsh derekti fılmge bastama jasap, ony jaryqqa shyǵarý úshin jumys istedik; qysqa merzimde Elbasy.kz jańa saıtyn jasadyq.

Aldaǵy jyly BAQ-ty elektrondy akkredıtteýdiń júıesin iske qosý jumysyn aıaǵyna deıin jetkizýdi, sondaı-aq Elbasy qyzmeti týraly arhıvtik medıa-ónimdi usyný protsesin júıelendirý máselesine ótýdi josparlap otyrmyz.

- Sońǵy aılarda Nursultan Nazarbaev birqatar shetelge sapar shekti. Elbasynyń halyqaralyq qyzmeti jaıynda pikir bildirseńiz?

- Árıne, bul suraq Tuńǵysh Prezıdenttiń jaqynda bolǵan sheteldik saparlaryna baılanysty. Tokıoda Elbasy Japonııa Úkimetiniń basshysy Sındzo Abeniń shaqyrýy boıynsha jańa ımperator Narýhıtonyń taqqa otyrýyna arnalǵan resmı sharaǵa qatysty.

Sonymen qatar, Nursultan Nazarbaev Baký men Tashkentke sheteldik kóshbasshylardyń shaqyrtýy boıynsha saparlady.

Sol shetelderde ótken sammıtterde Qazaqstannyń Tuńǵysh Prezıdentine halyqaralyq mártebeler - Túrki Keńesiniń Qurmetti Tóraǵasy jáne Ortalyq Azııa memleket basshylary Konsýltatıvtik kezdesýiniń Qurmetti tóraǵasy mártebesi berildi.

Bıyl mamyrda Elbasy Joǵary Eýrazııa ekonomıkalyq keńesiniń Qurmetti tóraǵasy mártebesin aldy. Osy úsh laýazym Nursultan Nazarbaevqa ıntegratsııalyq protsesterge belsendi qatysýǵa múmkindik beredi. Eger naqtylap aıtsaq, Qazaqstannyń Tuńǵysh Prezıdenti eýrazııalyq ıntegratsııanyń jetekshisi bolyp qala beredi.

Osyny jete túsine otyryp, bizge dostas elderdiń kóshbasshylary men Prezıdentimiz Qasym-Jomart Toqaev tıisti ujymdyq sheshimder qabyldady dep oılaımyn.

Elbasy halyqaralyq arenada joǵary beldelge ıe. Prezıdenttik ókilettigin toqtatqanyna qaramastan, sheteldik lıderler Nursultan Ábishulymen baılanysty jalǵastyrýda. Telefon arqyly baılanysqa shyǵyp, ózara jedelhattar kelip túsip jatady, sondaı-aq ekijaqty kezdesýler de jalǵasýda. Osynyń barlyǵy qalypty ári ábden tolyq túsinýge bolatyn úrdis. Mysaly, Nursultan Nazarbaevtyń atyna shet memleketter basshylarynan, úkimet basshylarynan, shetel zııaly qaýymy ókilderi men qoǵam qaıratkerleri tarapynan korrespondentsııa áli de tolastaǵan emes.

Nursultan Nazarbaev ókilettigin toqtatqan kezde, ıaǵnı bıylǵy naýryz aıynda jedelhattar óte kóp boldy. Álemdik kóshbasshylar Elbasynyń sheshimin tolyqtaı qoldap, aldaǵy ýaqytta da turaqty baılanystardy jalǵastyrýǵa nıetterin bildirdi.

Ótken kezdesýlerdiń birinde QHR Tóraǵasy Sı Tszınpın Elbasyna qarata aıtqan sózinde: «Siz – Táýelsiz Qazaqstandy qurýda tarıhı úlesińizdi qosqan óz elińizdiń ulttyq lıderisiz. Bizdiń qatynastarymyz ýaqyt synaǵynyn ótti jáne aýqymdy áleýetti kórsetti...

Qytaı tarapy aldaǵy ýaqytta da Qazaqstannyń turaqtylyǵyn, damýyn jáne táýelsizdigin qoldaýdy jalǵastyratynyn senimmen aıtqym keledi. Sonymen qatar, Qazaqstan halqynyń birligin nyǵaıtý boıynsha Tuńǵysh Prezıdenttiń saıasatyn qoldaımyz. Biz árqashan Qazaqstannyń eń senimdi dosy, seriktesi jáne kórshisi bolyp qala beremiz...» degen bolatyn.

Halyqaralyq arenadaǵy óziniń qyzmetiniń arqasynda Elbasy keleshekte de tatý kórshilik qatynastardy nyǵaıtýda jáne ekonomıkalyq baılanystardy damytýda óziniń eleýli úlesin qosatyn bolady dep sanaımyn.

- Baký men Tokıoda Siz Elbasynyń fıtnes-bilezigindegi málimettermen bólistińiz. Sol kezde kóbisi mazmundy ári qarbalas jumys kestesine qaramastan, Nursultan Nazarbaev sportpen shuǵyldanýǵa ýaqyt bóletinine tańdanǵan edi. Atalǵan shaharlardaǵy klımat jaıaý serýen jasaýǵa múmkindik berdi. Al elordada Elbasy sportpen qalaı aınalysady?

- Meniń oıymsha, sport súıer qaýymnyń basym bóligi elordanyń yzǵarly klımaty aıasynda dalada sportpen shuǵyldaný múmkin emes degenmen kelispeıdi.

Qazaqstannyń Tuńǵysh Prezıdenti burynǵysynsha sportqa kóp kóńil bóledi jáne ózin tyń formada ustaıdy. Sosyn, Tuńǵysh Prezıdenttiń fıtnes-bilezigindegi málimetterdi jarııalaǵanymyzda, Elbasy Keńsesiniń keıbir qyzmetkerleri ózderiniń fızıkalyq jaǵdaıy úshin uıalǵanyn da aıtqym keledi.

Jalpy, sońǵy jyldary buqaralyq sportpen shuǵyldaný trendi bizdiń azamattarymyzdyń ómiriniń ajyramas bóligine aınalǵanyna qýanamyn. Bunda da Tuńǵysh Prezıdenttiń eren eńbegi bar dep bilemin, sonymen qatar, Elbasy halyq arasynda salaýatty ómir saltyn nasıhattaýdy burynǵysynsha jalǵastyryp, qalyń kópshilikke úlgi bolyp keledi.

- Jańa jyl qarsańynda oqyrmanǵa qandaı tilek aıtar edińiz?

QR Tuńǵysh Prezıdenti – Elbasy Baspasóz qyzmetiniń atynan Sizderdiń aqparat agenttikterińizdiń oqyrmanyna 2020 jylda tabys pen jańa jetistikterdi tileımin. Tyshqan jyly elimizdiń barsha turǵyndary úshin jemisti ári mazmundy bolatynyna senimdimin. Óıtkeni shyǵys elderinde tyshqan dáýlet pen baılyqtyń, tazalyqtyń, molshylyqtyń jáne ádeptiliktiń sımvoly sanalady. Barshańyzǵa jaqsylyq pen beıbitshilik, ashyq aspan tileımin!

- Suhbatyńyzǵa ári mazmundy jaýaptaryńyzǵa raqmet!

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT