«Qazaqstannyń tumsa tabıǵaty» atty fotobaıqaý ótkiziledi

NUR-SULTAN. QazAqparat - «Qazaqstannyń tumsa tabıǵaty» atty fotobaıqaý ótkiziledi, dep habarlaıdy QazAqparat Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.

Uqsas jańalyqtar

Semeı ıadrolyq qaýipsizdik aımaǵy týraly zań qabyldanady

Almatyda taý bókterinde 35 sm qar tústi Almaty avtoparkteri 400-ge jýyq ekologııalyq avtobýs satyp almaq Túrkistan áýejaıyna barar jol boıyna qara órik otyrǵyzyldy

Mınıstrlik «National Geographic Qazaqstan» jýrnalynyń redaktsııasymen birlesip «Qazaqstannyń tumsa tabıǵaty - 2021» atty alǵashqy respýblıkalyq fotobaıqaý ótkizedi. Júlde qory 1,5 mln teńge.

Saraptaý komıssııasynyń quramyna kásibı sheteldik jáne otandyq fotograftar, fotosýret salasyndaǵy sarapshylar, BAQ ókilderi kiredi. Baıqaýǵa áýesqoı fotograftar men 18 jastan asqan kásibı mamandar qatysa alady.

Qatysýshylar jumysy 1 aqpannan 15 sáýirge deıin qabyldanady. Baıqaý sharttarymen myna siltemede tolyq tanysýǵa bolady.

Uıymdastyrýshylar adam men tabıǵattyń ózara qatynas máselesine, tabıǵı ártúrlilikti saqtaýǵa qoǵam nazar aýdarý, qorshaǵan ortany qurmetteý ıdeıasyn keńinen nasıhattaýdy kózdeıdi.

Buǵan deıin Qazaqstan Prezıdenti Qasym-Jomart Toqaev ekologııalyq bilim berýdiń, mektep qabyrǵasynan bastap halyqty aǵartýdyń mańyzdylyǵyn atap ótken bolatyn. Osyǵan baılanysty, Ekologııa mınıstrligi qorshaǵan ortany qurmetteý, janýarlarǵa jaýapkershilikpen qaraý salalaryndaǵy jaǵdaıdy jaqsartý, sondaı-aq ulttyq parkterde ekotýrızmdi damytý úshin qujattar paketin daıyndaýda.

Osy máselelerdi sheshý úshin mınıstrlik tıisti bas josparlardy ázirledi, olardy halyqpen talqylaý boıynsha jumystar júrgizilýde. Sonymen qatar, qabyldanatyn sheshimderdiń ashyqtyǵyn qamtamasyz etý maqsatynda ulttyq parkter janynan qoǵamdyq keńester quryldy.