Qazaqstannyń tórt qalasyna Mınskten ushaq qatynaıdy

NUR-SULTAN. QazAqparat –Aqtaý, Qaraǵandy, Pavlodar, Qostanaı qalasyna belarýstyq «Belavıa» áýe kompanııasynyń reısteri ashylady, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

Uqsas jańalyqtar

Nursultan Nazarbaev áýejaıyna ushyp kelý de, ushyp shyǵý da múmkin bolmaı tur

Elorda áýejaıynda birqatar reıstiń ushýy keshiktirilýde Scat kompanııasy Bek Air jolaýshylaryn 2020 jyldyń qańtaryna deıin tasymaldamaq Eki apatqa baılanysty Boeing basshysy aýysty

Baspasóz qyzmeti taratqan aqparattarǵa qaraǵanda, Memleket basshysynyń tapsyrmasy aıasynda jańa halyqaralyq baǵyttar ashý boıynsha QR IIDM Azamattyq avıatsııa komıteti júıeli jumys júrgizýde. Sonymen, Komıtet pen Belarýs Respýblıkasynyń avıatsııalyq bılik oryndary arasyndaǵy qol jetkizilgen kelisimderge sáıkes 2019 jyly jeltoqsanda Akaba (Iordanııa) qalasynda (ICAN 2019) áýe qatynastary týraly kelissózder júrgizý boıynsha ótken Halyqaralyq Azamattyq avıatsııa uıymynyń (IKAO) jyl saıynǵy kezekti konferentsııasynda «Belavıa» áýe kompanııasy Qazaqstannyń qalalarynda birqatar reıster ashady.

Áýe kompanııasynda 2020 jyldyń jazǵy ýaqytynda ushatyn Mınsk-Aqtaý, Mınsk-Qaraǵandy, Mınsk-Pavlodar jáne Mınsk-Qostanaı reısterine bılet satý bastaldy.

Qazirgi ýaqytta «Belavıa» áýe kompanııasy Nur-Sultan jáne Almaty qalalaryna jyl boıy ushatyn reısterdi júzege asyrýda.

Sondaı – aq, bıylǵy jyldyń shilde aıynan bastap Mınsk-Almaty baǵytyndaǵy reıster kún saıyn ushatyn bolady.