Qazaqstannyń Syrtqy ister mınıstrligi aýǵan halqyna kóńil aıtty
2022 jylǵy 22 maýsym 23:30

Qazaqstannyń Syrtqy ister mınıstrligi aýǵan halqyna kóńil aıtty

NUR-SULTAN. QazAqparat - Búgin Aýǵanstanda qýatty jer silkinisi bolyp, 250 adam kóz jumdy. Osy tótenshe oqıǵaǵa baılanysty Qazaqstannyń Syrtqy ister mınıstrligi kóńil aıtty, dep habarlaıdy QazAqparat.

«Aýǵanstannyń shyǵysyndaǵy joıqyn jer silkinisiniń kesirinen eleýli adam shyǵynyna baılanysty aýǵan halqynyń qaıǵysyna ortaqtasamyz.

Qazaqstan halqy men basshylyǵynyń atynan osy apattan qaza tapqandar men zardap shekkenderdiń otbasylaryna shyn júrekten kóńil aıtamyz. Qalypty tirshilikke tezirek oralýǵa tilektestik bildiremiz», - dep jazdy vedomstvo.

Eske sala keteıik, buǵan deıin Aýǵanstannyń ońtústik-shyǵysyndaǵy Paktıka provıntsııasynda bolǵan qýatty jer silkinisinen keminde 250 adam kóz jumyp, taǵy 150-ge jýyǵy jaraqat alǵanyn habarlaǵanbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT