+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Qazaqstannyń respýblıkalyq joldary alty jylda 100% jaqsarady

2019 jylǵy 17 qyrkúıek 11:17
Bólisińiz:
Qazaqstannyń respýblıkalyq joldary alty jylda 100% jaqsarady

NUR-SULTAN. QazAqparat – 2025 jylǵa qaraı respýblıkalyq mańyzy bar avtojoldardyń 100 paıyzy jaqsy jáne qanaǵattanarlyq jaǵdaıǵa jetedi. Bul týraly búgin Úkimet otyrysynda «DoingBusiness» reıtınginde Qazaqstannyń pozıtsııalaryn jaqsartý jóninde baıandaǵan QR Indýstrııa jáne ınfraqurylymdyq damý mınıstri Roman Sklıar aıtty, dep habarlaıdy QazAqparat tilshisi.

Uqsas jańalyqtar
DoingBusiness ındeksin jaqsartý úshin birqatar shara qabyldanady Premer-Mınıstr bıznesti jaqsartý toptamasyn daıyndaýdy tapsyrdy

«Doing Business» reıtıngi aıasynda mınıstrlik «Qurylysqa ruqsat alý» ındıkatory boıynsha jaýapty. 2018 jyly osy ındıkatorǵa sáıkes Qazaqstan 35-shi oryndy ıelendi. Kásipkerlik qyzmetti retteý úshin zańnamalyq bastamanyń 5-shi jáne 6-shy toptamasy jetile tústi. Reıtıngti jaqsartý úshin sáýlet, qala qurylysy jáne qurylys qyzmetinde 8 reforma júzege asty. Bes normatıvtik-quqyqtyq aktiler boıynsha 30-ǵa jýyq túzetý qabyldandy. Qazaqstan reıtıngin jaqsartý úshin 8 paket boıynsha usynys daıyndaldy jáne Ulttyq ekonomıka mınıstrligine engizildi», - dedi mınıstr.

Onyń atap ótýinshe, jahandyq básekege qabilettilik ındeksiniń reıtıngi boıynsha mınıstrlik «Infraqurylym» faktory úshin jaýapty bolyp tabylady. 2018 jyly osy faktor negizinde Qazaqstan 69-oryndy ıelendi. «Infraqurylym» faktory aıasynda mınıstrlikke 8 ındıkator bekigen. «Jol jelisiniń sapasy» jáne «Jol ınfraqurylymynyń sapasy» ındıkatorlaryn jaqsartý úshin respýblıkalyq jelidegi 6 myń shaqyrym avtojoldy, oblystyq, aýdandyq mańyzy bar 4,6 myń shaqyrym avtojoldy saldy, qaıta jańartty jáne jóndedi. Jergilikti jelini qarjylandyrý 200 mlrd teńgege artty.

«Osy qarjylandyrý saqtalǵan jaǵdaıda 2025 jylǵa qaraı respýblıkalyq mańyzy bar avtojoldardyń úlesi jaqsy jáne qanaǵattanarlyq jaǵdaıǵa 100 paıyzǵa deıin jetedi. Oblystyq jáne aýdandyq mańyzy bar avtojoldardyń úlesin 95 paıyzǵa deıin jetkizý josparlanǵan. «Temirjol tyǵyzdyǵy» jáne «Temirjol tasymaldarynyń tıimdiligi» ındıkatorlaryna Almaty temirjol stansasy boıynsha aınalma jol salý jobasy oń áser etti. Sonymen qatar, temirjol kóligi salasynda zańnamalar jetildirý boıynsha jumystar jalǵasýda. Jolaýshylar poıyzdaryndaǵy servısti jaqsartý jáne jolaýshylar vagondaryn jańartý jumystary júrip jatyr», - dedi Roman Sklıar.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT