+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Qazaqstannyń «proaktıvti qyzmetine» Skandınavııa elderi qyzyǵýshylyq tanytty

2019 jylǵy 17 qyrkúıek 16:25
Bólisińiz:
Qazaqstannyń «proaktıvti qyzmetine» Skandınavııa elderi qyzyǵýshylyq tanytty

NUR-SULTAN. QazAqparat – Qazaqstandyq delegatsııa Shvetsııanyń memleket pen azamattardyń ózara is-qımylynda jasandy ıntellektini engizýdegi negizgi tásilderimen jáne Danııanyń bank qyzmetterin alýda elektrondyq ID (jeke nómir) paıdalaný ádisterimen tanysty, dep habarlaıdy QazAqparat Memlekettik qyzmet isteri agenttigine silteme jasap.

Memlekettik qyzmet isteri agenttiginiń tóraǵasy Anar Jaıylǵanova bastaǵan qazaqstandyq delegatsııa tsıfrlyq memlekettik kórsetiletin qyzmetter salasyndaǵy ozyq tájirıbeni zerdeleý maqsatynda Stokgolm (Shvetsııa) jáne Kopengagen (Danııa) qalalarynda boldy.

«Qazaqstandyq delegatsııanyń sapary memlekettik apparatty kásibılendirý tetikterin odan ári jetildirý, memlekettik kórsetiletin qyzmet sapasyn qamtamasyz etý boıynsha BUU Damý baǵdarlamasymen birlesken joba aıasynda ótkizildi.

Bas dırektorlarmen, departamentter men keńselerdiń dırektorlarymen, sondaı-aq Shvetsııa men Danııanyń ýákiletti organdarynyń joba menedjerlerimen, keńesshilerimen jáne bıznes-ázirleýshilerimen ekijaqty kezdesýler ótkizildi», delingen habarlamada.

Óz qyzmetin tanystyrý barysynda shvetsııalyq organdar tsıfrlandyrýdy damytý, onyń ishinde memleket pen azamattardyń ózara is-qımylynda jasandy ıntellektini engizý boıynsha negizgi tásilderdi usyndy, ol qyzmet alýshylardyń qajettilikterin josparlaýǵa jáne «boljaýǵa» múmkindik beredi.

Óz kezeginde, danııalyq tarap túrli qyzmetterdi, sonyń ishinde bank qyzmetterin alýda elektrondyq ID (jeke nómir) paıdalaný ádisterin aıtty. Eldiń ár túrli aqparattyq júıelerinde tirkelý úshin biryńǵaı logın men qupııasóz paıdalanylady.

Qazaqstan delegatsııasy tsıfrlyq memlekettik qyzmetterdi damytý men usynýdyń otandyq modelin tanystyrdy.

Atap aıtqanda, A. Jaıylǵanova Qazaqstanda memlekettik kórsetiletin qyzmet sapasyn arttyrýǵa jáne qyzmet alýshylar men memlekettik qyzmetshilerdiń ózara is-qımylyn boldyrmaýǵa baǵyttalǵan sandyq sheshimderdi paıdalaný ádisteri týraly aıtty.

Shvetsııalyq jáne danııalyq áriptesterdi «proaktıvti qyzmetter» jáne «bir ótinish boıynsha qyzmetter» ádisterin paıdalanýdyń qazaqstandyq tájirıbesi, sondaı-aq túrli mobıldi qosymshalardyń bolýy qyzyqtyrdy.

«Bir ótinishti» paıdalaný – bul bir ótinishpen qyzmetter keshenin kórsetýdiń qyzyqty ádisi. Bizge de bul týraly oılaný kerek», dedi Shvetsııanyń kásiporyndardy tirkeý qyzmetiniń bas dırektory Annıka Stenberg.

Shvetsııanyń salyq agenttiginiń bas dırektory Katrın Vestlıng Palm osy ádisti egjeı-tegjeıli zertteý úshin Qazaqstanǵa kelýge nıet bildirdi.

Sonymen qatar, qazaqstandyqtardyń belsendi qoldanatyn «mGov» jáne «SmartAstana» mobıldik qosymshalaryn kórneki kórsetý qorytyndysy boıynsha Danııanyń tsıfrlandyrý jáne jergilikti ózin-ózi basqarý agenttiginiń ókilderi Nur-Sultan qalasyna saparyn qosa otyryp, óz josparlaryna engizgen túzetýlerdi aıtty. Tanysý saparynyń qorytyndysy boıynsha taraptar memlekettik kórsetiletin qyzmetterdiń bıznes-protsesterin tsıfrlandyrý jáne avtomattandyrý salasynda ózara yntymaqtastyq týraly kelisimge keldi.

Eske sala ketsek, BUU-nyń 2018 jylǵy «UNE-Government Survey» zertteýi Danııa men Shvetsııa BUU-ǵa qatysýshy basqa elder arasynda tsıfrlandyrýdyń damý deńgeıi boıynsha jetekshi elder ekenin kórsetti.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT