+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qazaqstannyń Otbasylyq jáne genderlik saıasat tujyrymdamasy qalaı júzege asyp jatyr

2021 jylǵy 23 qyrkúıek 17:03
Bólisińiz:
Qazaqstannyń Otbasylyq jáne genderlik saıasat tujyrymdamasy qalaı júzege asyp jatyr

NUR-SULTAN. QazAqparat – QR Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Shahmardan Baımanov Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasynyń aralyq nátıjelerin aıtyp berdi, dep habarlaıdy QazAqparat tilshisi.

Uqsas jańalyqtar
Táýelsizdikke 30 jyl: Tarazda «Tórtinshi onjyldyqtaǵy Táýelsiz Qazaqstan» atty  jastar forýmy ótti Nur-Sultanda talantty jastar «Elbasy medalimen» marapattaldy Qyzylordada jastar máselesine erekshe nazar aýdarylýda

«Memleket basshysy 2021 jylǵy 1 qyrkúıektegi Joldaýynda otbasylyq jáne genderlik saıasat tujyrymdamasyn ózektendirý jóninde aıtyp ótti. Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasy 2016 jyly bekitilgen. Ol eldiń otbasylyq jáne genderlik saıasatyn damytýdyń negizgi tásilderi kórsetilgen memlekettik josparlaý júıesiniń qujaty bolyp tabylady», - dedi Sh. Baımanov Aqparat jáne qoǵamdyq damý salasyndaǵy Qoǵamdyq keńes otyrysynda.

Onyń aıtýynsha, tujyrymdama 3 kezeńde júzege asyrylady. Birinshi kezeńdi iske asyrýǵa Eńbek jáne halyqty áleýmettik qorǵaý mınıstrligi jaýapty organ boldy.

«Tujyrymdamany iske asyrýdyń 2017-2019 jyldarǵa arnalǵan is-sharalar jospary qabyldandy. Jospar 54 tarmaqtan turdy. Osy kezeńniń negizgi nátıjeleri: otbasy saıasatyn zertteý salasynda ınstıtýtsıonaldy baza qurylyp, alǵash ret «Qazaqstandyq otbasylar – 2019» ulttyq baıandamasy ázirlendi; turmystyq zorlyq-zombylyq qurbandaryna arnaýly áleýmettik qyzmet kórsetý standarttary bekitildi; pılottyq rejımde otbasylyq sottardyń qyzmeti qamtamasyz etildi; otbasylyq jáne genderlik saıasat salasyndaǵy granttyq jobalar iske asyrý bastaldy. Sondaı-aq, jetim balalar men ata-anasynyń qamqorlyǵynsyz qalǵan balalarǵa arnalǵan bilim berý uıymdaryn transformatsııalaý úshin normatıvtik baza qurý jumysy júrgizildi», - dep túsindirdi Sh. Baımanov.

Al ekinshi kezeń sheńberinde Aqparat jáne qoǵamdyq damý mınıstrligi 2020-2022 jyldarǵa arnalǵan is-sharalar josparyn ázirledi. Jospardyń oryndalýyna 2020 jyly jahandyq koronavırýstyq pandemııa da áser etip, sharalar onlaın formatqa aýysty.

«Josparlanǵan 48 tarmaqtyń 16 oryndaldy, 32 oryndalý ústinde. Buǵan qaramastan, kelesideı aralyq nátıjelerge qol jetkizildi: otbasy ınstıtýtyn nyǵaıtý máseleleri boıynsha zańnama jetildirilýde; barlyq óńirlerde «Baqytty Otbasy» jáne «Januıa» otbasyn qoldaý ortalyqtary ashylýda; genderlik bıýdjetteýdi engizý tásilderin synaqtan ótkizý boıynsha pılottyq joba bastaldy. Jastar arasynda reprodýktıvti densaýlyqty nyǵaıtý máseleleri boıynsha jedel jeli iske qosyldy; QR Eńbek jáne halyqty áleýmettik qorǵaý mınıstrligi otbasynyń áleýmettik kartasyn ázirlep, iske qosty», - dedi ol.

Tujyrymdamada 2030 jylǵa deıin 9 nysanaly ındıkator kózdelgen. Tujyrymdamanyń birinshi kezeńin iske asyrý qorytyndylary boıynsha 2020 jylǵa qaraı 5 ındıkator boıynsha kórsetishterge qol jetkizildi.

«Atalǵan ındıkatorlardyń esebi ýákiletti memlekettik organdardyń resmı derekteri boıynsha júrgizildi. Aıta ketetin jaıt, Ulttyq statıstıka bıýrosy memlekettik organdarmen birlesip, Tujyrymdama ındıkatorlarynyń esepteý ádistemesiniń jobasyn ázirledi, qazirgi tańda ol memlekettik organdardyń kelisýinde. Esepteý ádistemesi bekitilgennen keıin ındıkatorlar naqtylanatyn bolady jáne olarǵa monıtorıng pen taldaýdy sapaly júrgizýge múmkindik beredi», - dedi Sh. Baımanov.


Foto: old.syrboyi.kz
Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT