Qazaqstannyń Ortalyq Azııa elderimen taýar aınalymy bir jylda 40 paıyzǵa ósti – Toqaev
2022 jylǵy 25 qańtar 15:42

Qazaqstannyń Ortalyq Azııa elderimen taýar aınalymy bir jylda 40 paıyzǵa ósti – Toqaev

NUR-SULTAN. QazAqparat – Keıingi 30 jylda Qytaı men Ortalyq Azııa elderiniń arasyndaǵy saýda kólemi 100 eseden artyq ósken. QR Prezıdenti Qasym-Jomart Toqaev «Ortalyq Azııa – QHR» sammıtinde osyndaı málimet keltirdi, dep habarlaıdy QazAqparat.

«Qazaqstannyń Ortalyq Azııa elderimen taýar aınalymy keıingi bir jylda ǵana 40 paıyzdaı artty. Bizge úlken «Ortalyq Azııa jáne Qytaı» formatyndaǵy áriptestiktiń múmkindikterin tıimdi paıdalaný kerek dep esepteımin. Ortaq múddelerdi eskere otyryp, qazirgi kezeńde mynadaı mindetterdi sheshýge nazar aýdarý mańyzdy bolar edi», -Prezıdent atalǵan mindetterdiń árqaısysyna jeke-jeke toqtaldy.

«Birinshi, qytaılyq áriptesterimizdiń deregi boıynsha, keıingi 30 jylda Qytaı men Ortalyq Azııa elderiniń arasyndaǵy saýda kólemi 100 eseden artyq ósken. Bul áli shegi emes. Saýda-ekonomıkalyq áriptestikti ári qaraı óristetýge kúsh sala túsý qajet. Bul mindettiń astarynda saýda aınalymynyń mazmunyn ártaraptandyrý, kedergilerdi joıý, keden isinde tártip orntaý jáne ınnvoatsııalyq sheshimder engizý mindetteri jatyr», -dedi Qasym-Jomart Toqaev.

Aıta keteıik, Memleket basshysy Qasym-Jomart Toqaev «Ortalyq Azııa – QHR» sammıtine qatysýda.

Sammıtke QHR Tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon beınekonferentsııa rejıminde qatysyp otyr.


Jańalyqtar

MURAǴAT