+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Qazaqstannyń orman qory qandaı

2020 jylǵy 23 qyrkúıek 14:33
Bólisińiz:
Qazaqstannyń orman qory qandaı

NUR-SULTAN. QazAqparat – Elimizdegi orman qorynyń kólemi men qordy odan ári jetildirý sharalarynyń qalaı júzege asyrylatyndyǵy týraly QR Ekologııa, geologııa jáne tabıǵı resýrstar vıtse-mınıstri Erlan Nysanbaev aıtyp berdi, dep habarlaıdy QazAqparat tilshisi.

«Búginde barlyq oblystar boıynsha qansha orman qory bary belgili. ıAǵnı, ár oblys boıynsha orman alqabynyń kólemi bar. Mysaly, Aqmola oblysynda - 55 ga orman alqaby, Aqtóbede - 64 myń ga, ShQO-da - 374 myń ga, BQO-da - 65,9 myń ga, Qostanaıda - 52 myń ga, Qaraǵandyda - 26 myń ga, Pavlodarda - 87 myń ga jáne Jambyl oblysynda 1 mln ga jýyq orman alqaby bar. Qazirgi ýaqytta ár oblys ákimdigimen osy aǵash egý protsesine qatysty jeke-jeke esep-qısap júrgizip jatyrmyz. Ózderińiz biletindeı, Memleket basshysynyń tapsyrmasyna sáıkes biz 2025 jylǵa deıin el kóleminde 2 mlrd túp tal egýimiz kerek», - dedi E. Nysanbaev.

Mınıstr orynbasarynyń sózine sensek, elimizde aǵash otyrǵyzý, kútý jáne ony jetildirýmen aınalysatyn arnaıy ǵylymı ortalyqtar bar.

«Atalǵan ǵylymı mekemelerdiń ózindik zertteý aýmaqtary bar. Onda aǵashtyń birneshe túri otyrǵyzylyp, ony elimizdiń qaı óńirinde ósirýge bolatyny anyqtalady. Bizde egiletin aǵashtar - 2 jyldyq kóshet. Ol kóshettiń uzyndyǵy - 7-10 sm. Sondaı-aq, ǵylymı tájirıbe boıynsha biz aǵashtardy jıi araqashyqtyqta egetin bolamyz. Onyń sebebi - ár aǵashtyń óziniń tabıǵı ósý protsesi bar. Sonymen qatar, aǵash ekologııalyq jaǵdaıdy jaqsartý maqsatynan bólek, turmysta qoldanýǵa, ıaǵnı qýraǵan nemese synyp, solyp qalǵan aǵashtardy paıdaǵa jaratýǵa da qajet. Jáne qurylys salasynda qoldanylatyn aǵashtar bar», - deıdi ol.

Aıta keteıik, buǵan deıin vıtse-mınıstr E. Nysanbaev el kóleminde jyl saıyn 372 mln túp tal otyrǵyzylatynyn málim etken bolatyn.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT