Jańalyqtar  >

Qazaqstannyń ońtústik-shyǵysynda quny 1,9 mıllıard dollar bolatyn jel parki salynady

2022 jylǵy 30 qarasha, 17:40
Qazaqstannyń ońtústik-shyǵysynda quny 1,9 mıllıard dollar bolatyn jel parki salynady

ASTANA. QazAqparat - «Samuryq-Qazyna», «QazMunaıGaz» jáne Frantsııanyń Total Eren kompanııasy Qazaqstannyń ońtústik-shyǵysynda jel parkin salady, dep habarlaıdy Aqorda.

Qazaqstan Respýblıkasynyń Energetıka mınıstrligi men Frantsııanyń Eýropa jáne syrtqy ister mınıstrligi arasynda Jambyl oblysynda qýaty 1 GVt bolatyn jel elektr stantsııasyn salý máseleleri týraly Úkimetaralyq kelisimge qol qoıyldy.

Qol qoıý rásimine Memleket basshysy qatysty.

Jel elektr stantsııasy 2026-2027 jyldary paıdalanýǵa beriledi, bul bizdiń elimizdegi JEK nysandarynyń jıyntyq energııa óndirisin shamamen 50 paıyzǵa arttyrady.

Jobanyń boljamdy quny – 1,9 mıllıard dollar.

Qazaqstanda alǵash ret jel elektr stantsııasy elektr qýatyn jınaqtaý júıesimen tolyqtyrylady. Bul jobany biregeıligin kórsetedi.

Atalǵan bastama jańartylatyn energııa óndirisiniń tabıǵı qubylmalylyǵyn retteýge, artyq elektr energııasyn jınaqtaýǵa jáne energııa jelisiniń turaqtylyǵyn qamtamasyz etýge múmkindik beredi.


Foto: akorda.kz

Seriktester jańalyqtary

Jańalyqtar