+7 (701) 759 90 19 Lenta
USD 385.42 EUR 424.58
RUB 6.00 CNY 54.31
Jańalyqtar

Qazaqstannyń medıtsınalyq uıymdaryna ulttyq akkredıtatsııadan ótý mindetteledi

2019 jylǵy 19 tamyz 13:43
Bólisińiz:
Qazaqstannyń medıtsınalyq uıymdaryna ulttyq akkredıtatsııadan ótý mindetteledi

NUR-SULTAN. QazAqparat - Qazaqstandyq medıtsınalyq uıymdardyń 70% ulttyq akkredıtatsııa talaptaryna saı emes.

Uqsas jańalyqtar
Tarazda transfýzııalyq medıtsına boıynsha halyqaralyq konferentsııa ótedi SQO-da  JCI álemdik standartyna saı alǵashqy aýrýhana salynady Qasym-Jomart Toqaev ǵalym-neırohırýrg Serik Aqsholaqovty qabyldady

Bul týraly QR DSM Densaýlyq saqtaýdy damytý respýblıkalyq ortalyǵynyń bas dırektory Aınur Aıyphanova málimdedi, dep habarlaıdy QazAqparat tilshisi.

Onyń aıtýynsha, Qazaqstandaǵy akkredıtatsııalaý ulttyq júıesi 2009 jyldan beri jumys istep keledi. Bul júıeni Densaýlyq saqtaý sapasy boıynsha halyqaralyq qaýymdastyq moıyndaǵan.

«Biz aýrýhanalar men emhanalardyń jumys tártibi men standarttaryn oılastyrdyq jáne bul standarttardy aǵylshyn tiline aýdaryp, 4 jylǵa halyqaralyq sertıfıkat aldyq. Osylaısha, 2009 jyldan beri úsh ret akkredıtatsııa standarttaryn bekittik. Qazir 2018 jyly bekitilgen standarttar boıynsha jumys istep jatyrmyz. Munda aýrýhanalarǵa, emhanalarǵa jáne medıtsınalyq uıymdarǵa jertóleden shatyrǵa deıin, medbıkeniń dárini ázirleýi, dárigerdiń em taǵaıyndaýy boıynsha 500-den astam talap qoıylady», - dedi Aınur Aıyphanova Respýblıkalyq densaýlyq saqtaý ortalyǵynda ótken kezdesýde.

Ókinishke qaraı, qazirgi ýaqytta Áleýmettik medıtsınalyq saqtandyrý qory arqyly memleketten qarajat alatyn otandyq medıtsınalyq uıymdardyń 30% ǵana ulttyq akkredıtatsııadan ótken.

«Bul qalǵan 70% daıyn emestigin nemese standartqa saı kelmeıtindigin kórsetedi. 2018 jyly akkredıtatsııa talaptary taǵy kóterildi jáne kóptegen uıymdar synaqtan ótpeı qaldy. Máselen, bıyl árbir besinshi uıym akkredıtatsııadan ótpeı qaldy. Olardyń daıyndyǵy tómen boldy jáne barlyq talaptarǵa saı bola almady. Bizdiń akkredıtatsııa úsh sanatta beriledi: joǵary sanatta Qazaqstanda 10 uıym ǵana bar. Olardyń arasynda astanalyq UMC, Shymkenttegi oblystyq aýrýhana bar. Bul uıymdar standarttardy barynsha sapaly engizip, dárigerler men medbıkelerdiń qyzmetin durys uıymdastyra bildi», - dep atap ótti ortalyq basshysy.

Ázirge ulttyq akkredıtatsııalyq júıe erikti bolyp sanalady jáne mınıstrlik 2024-2025 jylǵa qaraı mindetteý úshin ýaqyt berýdi usynyp otyr.

«Memleketten aqsha alǵyń kelse - naýqas úshin qaýipsiz, sapaly orta jasa. Onyń ústine, mekeme Mindetti áleýmettik medıtsınalyq saqtandyrý aıasynda qarajat alsa, barlyq talaptarǵa saı bolýy tıis. Bizdiń júıeni álem moıyndady. Sapa boıynsha halyqaralyq qaýymdastyq AQSh-taǵy JCI, «Accreditation Canada» syndy 20 uıymdy ǵana akkredıttegen. Sol tizimde Qazaqstannyń Respýblıkalyq densaýlyq saqtaýdy damytý ortalyǵy bar», - dedi A. Aıyphanova.


Bizdiń kanalymyzǵa jazylyńyz:

Bólisińiz:

Aýdarma:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT