Qazaqstannyń Qytaıdaǵy elshiligi arnaıy mobıldi qosymshasyn iske qosty
2022 jylǵy 28 maýsym 20:25

Qazaqstannyń Qytaıdaǵy elshiligi arnaıy mobıldi qosymshasyn iske qosty

BEIJІŃ. QazAqparat - Aqparattyq tehnologııalardy engizý arqyly QR azamattary úshin aqparat pen qyzmetterdiń qoljetimdilik deńgeıin arttyrý maqsatynda, Qazaqstannyń Qytaıdaǵy elshiligi «Kaz Consul» arnaıy mobıldi qosymshasyn iske qosty, dep habarlaıdy QazAqparat elimizdiń Qytaıdaǵy elshiligine silteme jasap.

Búgin osy mobıldi qosymshanyń onlaın-tanystyrylymy ótip, qatysýshylar ınterfeıstiń yńǵaılyǵy men qazaq jáne orys tilderinde jarııalanǵan aqparattyń ózektiligin joǵary baǵalady.

Endi qazaqstandyqtar Qytaıdyń kez kelgen aımaǵynda bola otyryp, WeChat mobıldi platformasyndaǵy «Kaz Consul» paraqshasyna kirý arqyly neke qııý, týý týraly kýálik, ulttyq pasport, ETsQ kilt alý, sondaı-aq notarıattyq is-áreketter jasaý sekildi memlekettik qyzmetter boıynsha tıisti aqparatty alady.

Sonymen qatar, mobıldi qosymshada konsýldyq okrýgterdiń kartasy usynylǵan jáne konsýldyq esepke onlaın turý múmkindigi qarastyrylǵan.

Budan basqa, «Kaz Consul» mobıldi qosymshasynda kórsetilgen telefondar arqyly bizdiń azamattar QHR aýmaǵyndaǵy Qazaqstannyń konsýldyq mekemeleriniń kez kelgen qyzmetkerimen tikeleı baılanysa alady.


Seriktester jańalyqtary

Jańalyqtar

Úrdis

MURAǴAT