+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Qazaqstannyń kók baıraǵy qalaı ázirlenedi - Kásiporynnan reportaj

2020 jylǵy 4 maýsym 12:00
Bólisińiz:
Qazaqstannyń kók baıraǵy qalaı ázirlenedi - Kásiporynnan reportaj

NUR-SULTAN. QazAqparat - Jyl saıyn 4 maýsymda Qazaqstanda Memlekettik rámizder kúni toılanady. Qazaqstan týy - Táýelsizdikdiń asa mańyzdy belgileriniń biri. Ataýly kúnge oraı QazAqparat tilshisi memlekettik týdy ázirleý jumystarymen tanysty.

Táýelsiz Qazaqstannyń Memlekettik týy 1992 jyly resmı túrde qabyldandy. Onyń avtory – tanymal sýretshi Sháken Nııazbekov.

Memlekettik rámiz talabyna sáıkes, Qazaqstan Respýblıkasynyń Memlekettik týy – ortasynda shuǵylaly kún, onyń astynda qalyqtap ushqan qyran beınelengen kógildir tústi tik buryshty mata. Týdyń saby tusynda tik jolaq túrinde ulttyq órnek naqyshtalǵan. Kún men onyń sáýleleri, qyran jáne ulttyq órnek altyn tústes. Týdyń eni men uzyndyǵynyń araqatynasy – 1:2 bolýy tıis.

Elordalyq «ZOOM» kompanııasy 9 jyldan beri memlekettik sımvoldardy ázirleýmen aınalysyp keledi. Kompanııa QR memlekettik rámizderin ázirleý boıynsha resmı lıtsenzııa alǵan.


«Biz Aqorda, Parlament jáne ózge de memlekettik organdar men elshilikter úshin tý ázirleımiz. Ol úshin atlas, gabardın, tafta materıaldary qoldanylady. Mundaı matalar ǵımarat ishinde turatyn týlardy ázirleýge jumsalady. Al dalada, ǵımarat syrtyna ilinetin týlar jalaýǵa arnalǵan tordan (Flajnaıa setka) tigiledi. Jalaý torlary - barlyq aýa raıy jaǵdaıyna tózimdi bolyp keledi. Al atlas pen gabardın tyǵyz bolǵandyqtan, aýa ótkizbeıdi», - dep túsindirdi «ZOOM» jarnama agenttiginiń dırektory Saltanat Ahmetova «QazAqparat» tilshisine bergen suhbatynda.

Qazaqstan týyndaǵy beıneler mindetti túrde eki jaqtan basylýy kerek. Eń aldymen tý sýblımatsııalyq qaǵazda shyǵarylady. Beıneler qanyq shyǵý úshin 300 gradýstyq rejımde biriktirý jumystary júrgiziledi. Bul protsesterden keıin aq qaǵaz parametrler boıynsha qajetti tústerge aınalady. Odan bólek, tsehta tý kesteleıtin arnaıy mashına jumys isteıdi.


«Sonymen birge, jan-jaǵynda shashaǵy bar baıraq jasaýmen de aınalysamyz. Ony túrli saltanatty sharalarda, fotosessııalarda paıdalanady, kabınet ishine qoıady jáne týtuǵyrǵa iledi. Baıraq dalada ilinbeıtin bolǵandyqtan, ony gabardınnen ázirleımiz. Onyń da eki jaǵy birdeı kestelenýi kerek», - deıdi kompanııa ókili.

Aıta keteıik, Qazaqstandaǵy eń úlken týdyń kólemi - 15:30, ol Nur-Sultan qalasynda «Atameken» etno-memorıaldy kesheniniń aýmaǵyna ornalasqan jáne bul týdy da «ZOOM» kompanııasy ázirlegen.

«Elimizdegi eń úlken tý jalaýǵa arnalǵan tor matadan tigilgen. Ony basyp, tigýge, jınaqtaýǵa bir aı ýaqyt jumsaldy. Daıyn bolǵan soń qasymyzdaǵy №53 mekteptiń oqýshylary týdy jaıyp kórdi. Olar Qazaqstannyń eń úlken týyn ustap, boılaryn erekshe maqtanysh sezimi kernegenin aıtty. Osylaısha, biz memleketimizdiń kúsh-qýatyn kórsetkimiz keledi», - dedi Saltanat Ahmetova.

Al standartty 1:2 kólemindegi týdy ázirleýge shamamen bir kún qajet. 1:2 kólemindegi kabınettik týlar shamamen 25 myń teńgege, tordan jasalǵan týlar - 15 myń teńgege baǵalanady.

«Biz naryqta 16 jyl jumys istep kelemiz jáne sońǵy 9 jylda Qazaqstan týynyń negizgi jetkizýshisi atandyq. Barlyq óńirlermen jáne eldermen jumys isteımiz. Ótken jyly Germanııaǵa, Brazılııaǵa jáne Qatardaǵy elshilikterge kók týymyzdy jiberdik», - dedi ol.

Sonymen birge, kompanııa QR Syrtqy ister mınıstrligimen jáne Nur-Sultandaǵy elshiliktermen tyǵyz jumys isteıdi.

«Qazaqstanǵa kelgen árbir sheteldik qonaq óz týynyń barlyq standartqa sáıkes jasalǵanyn kórýi kerek. Bizdiń basty maqsatymyz - osy. Ár eldiń týyna belgili bir standarttar qoıylady. Qazir, máselen Portýgalııanyń týyn ázirlep jatyrmyz. Munda da Portýgalııa týynyń barlyq erekshelikterin, qoıylatyn talaptaryn zerttedik. Ońtústik Koreıa, AQSh, Japonııa týlaryn ázirleý óte qıyn, onda eskeretin dúnıe kóp. Mysaly, Japonııa týynyń túsi el aýmaǵynda bir túste, shekara syrtynda - basqa túste bolady. Ótken jyly 80 memleket ókilderi qatysqan úlken forým ótti. Biz barlyq eldiń týlaryn ázirleýge kómektestik. Sonda bir memleket ókili óz týynyń sapasyn unatyp, ózimen birge alyp ketti. Biz óz jumystarymyzben maqtanamyz jáne memlekettik rámizderdiń barlyq talapqa saı ázirleýge tyrysamyz», - dedi S. Ahmetova.


Sonymen birge, S. Ahmetova týǵa durys kútim jasaý tásilderin aıtyp berdi.

«Syrtqa arnalǵan, tordan tigilgen týlar qatty jel, daýyl syndy tabıǵı qubylystar bolmasa, uzaqqa shydaýy tıis. Kúnnen de boıaýyn ózgerte qoımaıdy. Ony kórsetilgen temperatýrada kir jýatyn mashınada jýýǵa bolady. Gabardın, tafta týlary da dál solaı, jýyp-keptirip, útikteýge bolady. Ár buıymda bizdiń lıtsenzııamyz kórsetiledi, onda týdy jýý, útikteý nusqaýlyǵy, kólemi, shyǵarylǵan merzimi jazylǵan», - dedi Saltanat Ahmetova.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT