+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Qazaqstannyń qaı qalalarynda iri kóterme-taratý ortalyqtary salynady

2020 jylǵy 26 qazan 15:31
Bólisińiz:
Qazaqstannyń qaı qalalarynda iri kóterme-taratý ortalyqtary salynady

NUR-SULTAN. QazAqparat – Ulttyq taýar taratýshy júıesin qurý – Eýrazııalyq azyq-túlik habynyń basty ınfraqurylymy bolady. OKQ-da ótken baspasóz máslıhatynda Saýda jáne ıntegratsııa mınıstri Baqyt Sultanov osylaı dedi, dep habarlaıdy QazAqparat tilshisi.

Baspasóz máslıhatynda mınıstr Memleket basshysynyń Joldaýyn júzege asyrý aıasynda Ulttyq taýar ótkizýshi júıe qurylatynyn jetkizdi. Ol júıe EAEO men Ortalyq Azııa aımaǵyndaǵy elderdiń dál sondaı júıelerimen ıntegratsııalanady.

«Bul júıe Qazaqstandaǵy 24 kóterme-taratý ortalyǵynan turady. Olar fermerlik ónimderdi saqtaý men qaıta taratýdyń tolyqqandy ári keshendi qyzmetterin kórsetedi», - dedi Baqyt Sultanov.

Mınıstrdiń aıtýynsha mundaı ortalyqtardyń salynýy kóptegen sharýashylyqtardyń, jeke sharýa qojalyqtardyń ónimdi óndirip, satý kezinde kúshin biriktiredi.

«Jalpy Ulttyq taýar taratýshy júıeni qurý fermerlerdi, satyp alýshylardy, kólik ıeleri men satýshylardy, tutynýshylardy bir keshenge biriktiretin zákirli ınfraqurylym bolmaq», - dedi ol.

Joba qazirdiń ózinde júzege asý satysynda tur. Atalǵan ortalyqtar Pavlodar oblysynyń Aqsý qalasyndaǵy Mıchýrıno aýylynda, Almaty oblysynyń Qapshaǵaı qalasynda, Jambyl oblysynyń Shý qalasynda, sonymen qatar Nur-Sultan, Almaty jáne Shymkent qalalarynda salynady.

«Osy jyldyń sońyna deıin jeke ınvestorlardy tarta otyryp, 17 kóterme-taratý ortalyǵy boıynsha jumys júrgizemiz», - dedi Baqyt Sultanov.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT