+7 (701) 759 90 19
USD 375.91 EUR 416.85
RUB 6.10 CNY 54.77
Jańalyqtar

Qazaqstannyń Hanchjoý sammıtine qatysýy G20 kún tártibiniń mazmunyn baıyta tústi - «India Writes»

2016 jylǵy 7 qyrkúıek 15:09
Bólisińiz:
Qazaqstannyń  Hanchjoý sammıtine qatysýy G20 kún tártibiniń mazmunyn baıyta tústi - «India Writes»

ASTANA. QazAqparat - Qazaqstan Ortalyq Azııadaǵy iri ekonomıka ári mańyzdy oıynshy. Al Nursultan Nazarbaevtyń G20 sammıtine qatysýy «úlken jıyrmalyqtyń» kún tártibin baıyta tústi. Bul pikirdi QazAqparat tilshisine suhbat bergen Úndistannyń «India Writes» ınternet-portalynyń jetekshisi Manısh Chand bildirdi.

«Qytaı G20-nyń Hanchjoý sammıtiniń qonaǵy retinde óz óńirindegi iri ári yqpaldy kóshbasshylaryn, onyń ishinde Qazaqstandy da shaqyrdy. Sizdiń elińiz Orta Azııadaǵy iri ekonomıka jáne mańyzdy oıynshy sanalady. Men Qazaqstannyń «úlken jıyrmalyq» sammıtine qatysýy onyń is-sharalar mazmunyn baıytyp, kún tártibin keńeıte túskendigine senimdimin. Prezıdent N.Nazarbaev sóz sóılep, álemdik qoǵamdastyqtyń qalǵan qatysýshylary qulaq túrýi tıis birqatar jahandyq bastamalar usyndy», - dedi ol.

Onyń aıtýynsha, álem úshin N.Nazarbaevtyń qazirgi zamanǵy ótkir problemalardy sheshýge baǵyttalǵan bastamalary aıryqsha mańyzǵa ıe jáne ol «Álem.HHІ ǵasyr» manıfesinde kórinis tapqan. Ol eń birinshi kezekte BUU-nyń 100 jyldyq mereıtoıy qarsańynda álemdi ıadrolyq jáne basqa da jappaı qyryp-joıý qarýynan azat etýdi kózdeıdi.

Qazaqstannyń syrtqy saıasatyna da keńinen toqtalǵan úndistandyq tilshi N.Nazarbaevtyń lańkestikpen kúreste halyqaralyq yntymaqtastyqty kúsheıtýge baǵyttalǵan kúsh-jigerin aıryqsha atap ótti.

«Qazaqstan Ortalyq Azııanyń radıkalızm kórinisteriniń beleń alýy baıqalyp otyrǵan óte sezimtal óńirinde ornalasqan. Sondyqtan da terrorızmmen kúrestiń máni artyp keledi jáne Qazaqstan halyqaralyq terrorızmge qarsy belsendilikti ilgeriletýde aıryqsha rólge ıe». Sonymen qatar Qazaqstan munaı men gazǵa baı memleket. Bizdiń elimiz Qazaqstandaǵy birqatar munaı ken oryndaryn ıgerýge ınvestıtsııa quıdy. Ótken jyly Úndistan Premer-Mınıstri Narendra Modı Qazaqstanǵa saparlap, Kaspıı teńizindegi Sátbaev munaı ken ornyn burǵylaý sharasyna qatysty», - dedi «India Writes» jetekshisi.

Eske salsaq, 1 qyrkúıekte N. Nazarbaev QHR Tóraǵasy Sı Tszınpınniń shaqyrýymen G20 sammıtine qatysý úshin Qytaıǵa bardy jáne 4-5 qyrkúıek kúnderi úlken jıyrmalyqtyń sammıtine qatysty. Birinshi sessııada Memleket basshysy jahandyq ekonomıka máselelerin sheshý joldary týraly óz boljamdaryn aıtty.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT