+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Qazaqstannyń gýmanıtarlyq kómegi Úndistanǵa jetkizildi

2021 jylǵy 14 mamyr 10:03
Bólisińiz:
Qazaqstannyń gýmanıtarlyq kómegi Úndistanǵa jetkizildi

NЬıÝ–DELI. QazAqparat – Úndistanǵa COVID-19 indetimen kúresý úshin Qazaqstannyń gýmanıtarlyq kómegi jetkizildi, dep habarlaıdy QazAqparat QR SІM baspasóz qyzmetine silteme jasap.

QR Prezıdenti Qasym-Jomart Toqaevtyń tapsyrmasyna sáıkes jáne eki memleket arasyndaǵy strategııalyq seriktestik qaǵıdattaryn basshylyqqa ala otyryp Qazaqstan Úkimeti Úndistanǵa COVID-19 pandemııasy jaǵdaıyndaǵy kúrdeli epıdemıologııalyq jaǵdaıǵa baılanysty gýmanıtarlyq kómek kórsetti.

Tıisti júkteri bar eki qazaqstandyq ushaqtyń birinshisi 14 mamyrda tańerteń Nıý-Delıdegi Indıra Gandı atyndaǵy halyqaralyq áýejaıǵa qondy. Ekinshisi birneshe saǵattan keıin keledi.

«Gýmanıtarlyq kómekke medıtsınalyq densaýlyq saqtaý kompanııalarynyń medıtsınalyq maskalary, respırator, qorǵanysh kostıýmderi jáne portatıvti jeldetkishteri kiredi. Áýejaıda ony tabystaý rásimine Qazaqstannyń Úndistandaǵy Elshisi Nurlan Jalǵasbaev, úndi tarapynan - Úndistan Syrtqy ister mınıstrligi Eýrazııalyq yntymaqtastyq departamentiniń dırektory Bandarý Vılsonbabý qatysty», delingen habarlamada.

Esterińizge sala keteıik, 4 mamyrda Qazaqstan Prezıdenti Q.Toqaev Úndistan Premer-Mınıstri Narendra Modıge jedelhat joldady.

Onda Memleket basshysy «Úndistanda COVID-19 indetiniń qatty órshýine baılanysty qalyptasqan qıyn-qystaý kezeńde úndi eliniń qaıǵy-qasiretine ortaq ekenin» bildirip, 7 mamyrda Qazaqstan Úkimetine úndi tarapyna tıisti kómek kórsetýdi tapsyrdy.

2020 jyly Úndistan Qazaqstanǵa pandemııamen kúresýge kómektesý úshin gıdroksohlorohın preparatyn jibergen edi.

Qazir Úndistanda COVID-19 indetiniń qatty órshýine baılanysty kúrdeli jaǵdaı qalyptasqan.



Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT