+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstannyń estrada juldyzdary toı toılamaı, úıde otyrýǵa shaqyrdy

2020 jylǵy 2 shilde 14:04
Bólisińiz:
Qazaqstannyń estrada juldyzdary toı toılamaı, úıde otyrýǵa shaqyrdy

ALMATY. QazAqparat – Qazaqstan estrada juldyzdary azamattardy karantın talaptaryn saqtap, úıde otyrýǵa shaqyrdy, dep habarlaıdy QazAqparat tilshisi.

Uqsas jańalyqtar
Kentaýda karantın talaptaryn saqtamaǵan 19 nysan anyqtaldy Maska taqpaǵandarǵa 80 myń teńgege jýyq aıyppul salynady

Belgili ánshi Meırambek Bespaev Instagram paraqshasynda qazaqstandyqtardy saǵynyp júrgenin jazdy.

«Qadirli aǵaıyn, aty jaman indet kún ótken saıyn kúsheıip bara jatyr. Men tanıtyn biraz jaqyn adam syrqattanyp qaldy. Árkim ártúrli áńgime aıtyp, san-saqqa júgirtýde. Barynsha abaı bolyńyzdarshy. Aýyryp jatqan jandarǵa Alla shıpasyn bersin. Janyma jaqyn jandardy, syry birge dostardy, jalpy bárińizdi saǵynyp júrmin. Jarqyldap kúlip, aıqara qushaq ashyp, «baýyrym» dep baýyrǵa basyp amandasatyn kúnge jeteıikshi. Alladan amandyqtaryńyzdy tileımin» dep jazdy ánshi.

MýzART tobynyń ánshisi Sáken Maıǵazıev aýyrǵan qazaqstandyqtarǵa tezirek jazylyp ketýin tiledi. Ol sondaı-aq, jaǵymsyz jańalyqtarǵa kóńil túsirmeýge shaqyrdy.

«Áleýmettik jeliler de túnerip ketkendeı̆ me, qalaı̆... Sál de bolsa jylý syı̆lap, úmit otyn jaǵyp, ýaı̆ymdaryńyzdy seı̆iltkim keledi. Ýaı̆ymdamaı̆ júrgen jan kemde-kem shyǵar. «Men múlde jańalyq kórmeı̆min, ásirese, sary basylymdardy kózime de ilmeı̆myn«, deı̆di qaryndasym. -Nege, jańalyqtan habardar bolý kerek emes pe? - desem: -»Eger, óte mańyzdy jańalyq bolsa (ómirińizge qaýip tóndirip tursa) ony báribir estısiz. Ózińizge psıhologııalyq soqqy beretin, júı̆keńizdi juqartatyn jańalyqpen janyńyzdy jegideı̆ jep qaı̆tesiz?«, - degen sózine toqtaǵandaı̆ boldym. ALLA taǵala aýyryp júrgen jandarǵa shıpa bersin. Saqtanyp júreı̆ik, jaqsylar. JARATQAN jaqyndarymyzdyń janymyzdan tabylýyn násip etsin. Barshańyzǵa ALLA jar bolsyn», - dep jazdy ánshi.

Al aktrısa, ánshi Aıgúl Imanbaeva COVID-19 juqtyrmaýdyń mańyzdy 5 qaǵıdasyn jarııalady.

«Aýyryp em izdegenshe, aýyrmaıtyn jol izde» deıtin naqyl sózdi eskere otyryp, COVID-19 vırýsynyń aldyn alý úshin osy nusqaýlyqty saqtaǵandaryńyz óte abzal», - deıdi ol.

Ánshi Qaraqat Ábildına 3 kún buryn óziniń de syrqattanyp qalǵanyn jazdy.

«Myna vırýs meni de aı̆nalyp ótken joq. Eshqaı̆da shyǵyp, eshkimmen kezdespegen edim, qaı̆dan juqty, túsinbeı̆min. Negizi aýada birdeńe bar-aý. Kúnde jaýyn jaýyp, aýa raı̆y da sýyp ketip edi. Onyń da áseri boldy ma,bilmeı̆min ǵoı̆. Temperatýra joq. Tamaqtan bastalyp, murynym bitelip, kádimgi tumaý sııaqty tóbemnen álsizdik basty. Denem birese tońyp, birese ysyp, birinshi kúni mazam bolmady. Bundaı̆ jaǵdaı̆da adamǵa baıbalam salý kómektespeı̆di. Jaman oı̆ǵa berilmeı̆, emdi jaqsy oı̆men qabyldaý óte mańyzdy. Birden tamyrdan vıtamın aralastyryp, askorbın qyshqyly men glıýkoza alyp bastadym. Keshegi salǵan tásil boı̆ynsha ıngalıatsııa jasap, tamaq muryndy shaı̆yp, suı̆yqtyqty kóp iship, sorpalanyp jyly oranyp jatyrmyn. Balalarymyzǵa saq bolaı̆yqshy. Aýyrǵan adam bólek bólmede bolyp, balalarǵa jaqyndamaǵany durys. Vırýsqa qarsy anaferon, «C» dárimenin ishkizip, aldyn almasa bolmaı̆dy. Bólmeni kvartstap, aýany tazartyp turý da óte mańyzdy. Shúkir, jaǵdaı̆ym keshegiden qaraǵanda jaqsaryp keledi. Alla barshamyzǵa jar bolsyn. Barlyǵy jaqsy bolady», - dep jazdy Qaraqat Ábildına.

Aıta keteıik, aktrısa Ásel Sadýaqasova koronavırýs juqtyrǵan bolatyn.

«Men aýyryp qaldym. Maǵan juqpaıdy dep qatty úmittenip edim. Búkil aınalam aýyryp jatqanda juqpaýy múmkin emes. Men úshin duǵa tilep qoıyńyzdarshy. Bul jazbamda barlyǵyńyzǵa densaýlyq tileımin. Men sııaqty qydyryp júrmeńizdershi», - dedi aktrısa.



Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT