+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qazaqstannyń eń alǵashqy Olımpıada altyny Oslodaǵy kórmege qoıyldy

2019 jylǵy 16 jeltoqsan 08:38
Bólisińiz:
Qazaqstannyń eń alǵashqy Olımpıada altyny Oslodaǵy kórmege qoıyldy

OSLO. QazAqparat - Qazaqstannyń Olımpıadada jeńip alǵan alǵashqy altyny Oslodaǵy kórmege qoıyldy, dep habarlaıdy QazAqparat Norvegııadaǵy Qazaqstan elshiligine silteme jasap.

Uqsas jańalyqtar
Qazaqstan komandasy halyqaralyq matematıkalyq Olımpıadada júldeli boldy Tokıo Olımpıadasyna baratyn resmı tulǵalardyń sany 10-15 paıyzǵa qysqartylmaq

Aty ańyzǵa aınalǵan úsh sportshy - Sten Stensen, Vegard Ýlvang jáne Vladımır Smırnov Oslodaǵy Holmenkollen taý shańǵysy murajaıynda «Qazaqstan-Norvegııa: sport dıplomatııasy» atty kórmeniń ashylýyna qatysty.

1970 jyldary «Medeý» muz aıdynynda birneshe álemdik rekord qoıǵan norvegııalyq konkıshi Sten Stensen «meniń sport mansabymda Medeý men Almatynyń orny erekshe» dep atap ótti.

Olımpıada oıyndarynda alys qashyqtyqta shańǵy tebýden baqtalastar - Vegard Ýlvang (Norvegııa) pen Vladımır Smırnov (Qazaqstan) sport, dostyq jáne mádenıetaralyq baılanysqa qatysty pikir bildirdi.

«Sportshy retinde bastan keshirgen kóptegen aýyr jarystar men básekege qaramastan, dostyǵymyz odan ári nyǵaıa túsýde», - dedi V. Ýlvang.

Norvegııada «Smırre» degen laqap atpen belgili Vladımır Smırnov:

«Men sportqa arnalǵan osynaý kórmege qatysqanyma qýanyshtymyn. Qazirgi jastardyń kópshiligi Qazaqstan týraly kóp bile bermegendikten, osyndaı sharalar bul elmen jáne onyń mádenıetimen tanysýǵa zor múmkindik beredi», - dep atap ótti.

16 jeltoqsanda Qazaqstan óz Táýelsizdiginiń 28 jyldyǵyn atap ótedi, al Vladımır Smırnov - táýelsiz Qazaqstannnyń tuńǵysh Olımpıada chempıony. Sondyqtan da «Smırreniń» senbidegi Holmenkollendegi kórmege 1994 jyly Lıllehammer oıyndarynda jeńip alǵan altyn medalin ákelýi úlken sımvoldyq mánge ıe boldy.

Atalmysh kórme Qazaqstannyń Norvegııadaǵy Elshiligi, Qazaqstannyń Sport baspasóz assotsıatsııasy jáne Oslodaǵy Holmenkollen taý shańǵysy murajaıynyń uıymdastyrýymen jáne Qazaqstan Respýblıkasy Tuńǵysh Prezıdenti - Elbasy qory, QR Syrtqy ister mınıstrligi jáne «QazSport» ulttyq sport arnasynyń qoldaýymen ótti. Ekspozıtsııany kórermender 28 jeltoqsanǵa deıin eki apta boıy tamashalaı alady.

Qazaqstan elshisi Erkin Ahynjanovtyń aıtýynsha, «Qazaqstan men Norvegııa arasyndaǵy sport baılanysy dástúrli dıplomatııa sheńberinen asyp túsýde. Bul qarym-qatynas eki el arasynda dıplomatııalyq yntymaqtastyq ornaǵanǵa deıin kóp ýaqyt buryn bastalǵan».

Fotokórme Qazaqstan men Norvegııa sportshylarynyń jetistikteri, qos el sportshylarynyń jarystarǵa birge qatysýy týraly baıandaıdy. Kórmede hokkeı, dopty hokkeı, fýtbol jáne kúres boıynsha Qazaqstan men Norvegııa quramalarynyń arasyndaǵy ekijaqty matchtardyń fotosýretteri, sonymen qatar qazaqstandyq sportshylardyń Norvegııadaǵy jáne norvegııalyq sportshylardyń Qazaqstandaǵy oıyndary usynylǵan.

Sport kıimderi syılyq retinde - saıasatkerlerge, al ulttyq kıimder - kórnekti sportshylarǵa beriletin «djersı - dıplomatııa» jáne «shapan - dıplomatııa» sekildi sport dıplomatııasynyń birneshe erekshe úlgisi usynylǵan.

Sonymen qatar, kórmede hokkeı («Barys», «Torpedo» jáne «Sary-Arqa»), velosıped («Astana»), jeńil atletıka («Altaı atletıks» klýby) jáne fýtbol («Qaırat» pen «Astana») sekildi sport túrlerinen qazaqstandyq kásibı klýbtarynyń atrıbýtıka jınaqtamasy da bar.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT