+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

«Qazaqstannyń BUU Qaýipsizdik Keńesine músheligi» markasy aınalymǵa shyqty

2018 jylǵy 26 qarasha 17:52
Bólisińiz:
«Qazaqstannyń BUU Qaýipsizdik Keńesine músheligi» markasy aınalymǵa shyqty

ASTANA. QazAqparat - «Mereıtoılyq jáne ataýly kúnder» serııasyndaǵy «Qazaqstan Respýblıkasynyń BUU Qaýipsizdik Keńesine músheligi» poshtalyq marka aınalymǵa shyqty, dep habarlaıdy QazAqparat.

Іs-sharaǵa Syrtqy ister mınıstriniń orynbasary Erjan Ashyqbaev jáne «Qazposhta» AQ Basqarýshy dırektory Baýyrjan Aınabekov qatysty.

2017 jyldyń qańtarynda Qazaqstan 2017-2018 jyldarǵa Birikken Ulttar Uıymy Qaýipsizdik Keńesiniń turaqty emes múshesi bolyp Ortalyq Azııa memleketteri arasynan alǵashqy el retinde saılanǵan bolatyn. Mundaı joǵary laýazymǵa daýys berý kezinde Qazaqstan úshin BUU-nyń 138 múshesi daýys berdi. Bul fakt elimizdiń jahandyq turaqtylyq pen qaýipsizdikti nyǵaıtýǵa qosqan úlesin moıyndaýyn, sondaı-aq Qazaqstan Prezıdenti Nursultan Nazarbaevtyń halyqaralyq arenadaǵy joǵary bedelin kórsetedi.

Erjan Ashyqbaevtyń aıtýynsha, Qazaqstannyń BUU Qaýipsizdik Keńesine músheligi 27 jyldyq Táýelsizdigimizdiń kezeńinde elimizdiń mańyzdy syrtqy saıası jetistikteriniń biri bolyp tabylady.

«Búgingi saltanatty rásim Qazaqstannyń Tuńǵysh Prezıdenti kúni qarsańynda ótkizilgeni sımvolıkalyq mánge ıe. Elimizdiń BUU Qaýipsizdik Keńesiniń turaqty emes múshesi retinde saılanýynda Elbasy Nursultan Nazarbaevtyń róli zor», -dedi mınıstrdiń orynbasary.

Aıta keteıik, poshtalyq marka tórt boıaýdan turatyn ofsettik baspa retinde shyǵarylyp, paraǵy 10 markadan turady. Taralymy - 20 000 dana. Baǵasy 250 teńgeni quraıdy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT