Qoldanwşı baptawları
Qoldanwşı baptawları
+7 (701) 759 90 19 Lenta
Astana: 9 °S
Almatı: 15 °S
USD 327.11 EUR 386.74
RUB 5.34 CNY 51.37
Jañalıqtar

Qazaqstannıñ BUU-dağı turaqtı ökіlі Qayrat Omarov: Qawіpsіzdіk Keñesіne törağalıq - memleket üşіn ülken jawapkerşіlіk

2018 jılğı 1 qañtar 10:00 3259
Bölіsіñіz:
Qazaqstannıñ BUU-dağı turaqtı ökіlі Qayrat Omarov: Qawіpsіzdіk Keñesіne törağalıq - memleket üşіn ülken jawapkerşіlіk

ASTANA. QazAqparat - Künі keşe tarïx qoynawına süñgіgen 2017 jılğı Qazaqstannıñ sırtqı sayasatındağı negіzgі jetіstіk - Bіrіkken Ulttar Uyımı Qawіpsіzdіk Keñesіnіñ turaqtı emes müşesі retіnde qızmetі. Al bügіn, yağnï 2018 jıldıñ 1 qañtarınan bastap Qazaqstan BUU Qawіpsіzdіk Keñesіne bіr ay törağalıq etedі. Osınaw aytwlı oqïğağa baylanıstı Qazaqstannıñ BUU-dağı turaqtı ökіlі Qayrat Omarov «QazAqparat» XAA arnayı suxbat bergen bolatın.

- Qayrat Ermekulı, Qazaqstan BUU Qawіpsіzdіk Keñesіnіñ turaqtı emes müşesі retіndegі alğaşqı jılın ayaqtadı. Osı bіr jıldıq  kezeñ Qazaqstannıñ sırtqı sayasatı üşіn üşіn nesіmen este qalmaq?

- Este qalatın oqïğalar köp, ärïne. Eñ aldımen BUU Qawіpsіzdіk Keñesі deñgeyіnde qızmetke kіrіsken Qazaqstan köptegen elder men xalıqtardıñ tağdırı üşіn joğarı jawapkerşіlіktі sezіnwdі bastan ötkerdі. Bіrşama pafos sekіldі estіlwі mümkіn, alayda jahandıq turaqtılıqqa ğana emes, memleketterdіñ qawіpsіzdіgіmen qatar, qarapayım adamdardıñ tağdırın şeşetіn mañızdı şeşіmder qabıldanatın processke aralasıp otırmız, osını sezіngen sayın, aldağı äreketterdіñ asa mañızdı ärі ayqın bolwı kerektіgіn oyıña tüye tüsesіñ.

Öytkenі, munda qateleswge quqımız joq. Qate, asığıs qabıldanatın ärbіr şeşіmnіñ artında xalıqtar ömіrі men adam tağdırı tur. Menіñşe, BUU Qawіpsіzdіk Keñesіndegі ujımdıq jumıstıñ eñ ülken motïvacïyası da osı.

Jaña ğana ötken jıldı nesіmen erekşelenedі degenge kelsek, keñeske müşe memleketter delegacïyalarınıñ özara ärekettestіkke tolı qarbalastarın, qızw pіkіrtalastardı, dawlardı, sındarlı şeşіm іzdestіrw joldarın aytwğa boladı. Ärïne, naqtı bіr şeşіmnіñ sayasï müddeler üşіn qurbandıqqa şalınatın kezderі de köñіlge kіrbіñ uyalatatın sätіmen este qalıp jatır. Munday oyındar saldarınan tüsіnіspewşіlіk twındap, senіm joğala tüsetіnі anıq. Älbette, onday jağday jïі qaytalanbaydı, alayda este qalatını da osı.

Dey turğanımen, elіmіz üşіn asa mañızdısı - bul xalıqaralıq qawımdastıq tarapınan Qazaqstan men Memleket basşısına, udayı beybіtşіlіktі, turaqtılıq pen teñgerіmdі şeşіmdі jaqtaytın qazaqstandıq sırtqı sayasatqa sıylastıq pen senіmі joğarılap keledі. Elіmіzdіñ belsendі bіtіmgerlіk äreketterі, Memleket basşısı ayqındağan, teñquqılı jäne özara tïіmdі ıntımaqtastıqqa negіzdelgen  elіmіzdіñ sırtqı sayasatındağı basımdıqtardı jüzege asırwdıñ naqtı qadamdarı,  xalıqaralıq quqıqtı qurmettew, saqtaw, kez kelgen qaqtığıstardı tek dïalog arqılı dïplomatïyalıq jolmen şeşw jäne özara tïіdі şeşіmder іzdew - osınıñ bärі Qawіpsіzdіk Keñesіndegі ärіptesterіmіzdі, sonday-aq tutastay BUU ayasındağı baylanıstarda Qazaqstanmen özara ärekettestіkke tartımdı ete tüsedі.

Ayta keterlіgі, BUU QK jumısına kіrіspey turıp, Qazaqstan öz qızmetіndegі basımdıqtardı ayqındağan bolatın. Munıñ özі bіz üşіn asa mañızdı qadam boldı. Qazaqstannıñ basımdıqtarı Elbası N.Nazarbaevtıñ BUU Qawіpsіzdіk Keñesіne sayasï joldawı ayasında qalıptasqan bolatın. «Qawіpsіz, ädіl jäne örkenïettі älem qurw üşіn jahandıq ärіptestіktі nığaytwğa qazaqstandıq tujırımdamalıq közqaras» attı joldaw bıltırğı jılı 10 qañtarda Qawіpsіzdіk Keñesіne usınılıp, resmï qujat märtebesіn ïelendі. Elbasınıñ sayasï joldawındağı basımdıqtardı BUU QK ärіptesterіmіz qoldap, keñes qızmetіnіñ negіzgі bağıtı retіnde de moyındalğan bolatın.

- Qawіpsіzdіk Keñesі qızmetіne müşelіktegі jumıstıñ jalpı qorıtındısına da toqtalıp ötseñіz?

- Qawіpsіzdіk Keñesіne turaqtı emes müşe bolğan bіr jıl іşіnde Qazaqstan Keñesіnіñ 270-ten astam  resmï otırısına qatıstı. Onıñ іşіnde 78 - aşıq rezolyucïyalar men Törağa mälіmdemelerіn qabıldawına, 150 aşıq brïfïngter, 8 şektewlі pіkіrtalastarğa, 17 aşıq pіkіrtalastarğa qatıstıq. Budan bölek, 126 resmï emes konswltacïyalar men E-10 Tobı (Qawіpsіzdіk Keñesіnіñ turaqtı emes müşeler bіrlestіgі) atalatın 12 kezdeswge aralastıq. Osınıñ bärі tek qazaqstandıq dïplomattardan ğana emes, elіmіzdіñ barlıq mïnïstrlіkterі men vedomstvolarınan qızw jumıstı talap etkenі sözsіz. BUU QK otırıstarına dïplomattardan bölek, basqa da memlekettіk organdar basşıları men ökіlderі qatıstı. Osınday otırıstar barısındağı olardıñ sındarlı, progressïvtі, teñgerіmdі usınıstarı men bastamaları xalıqaralıq ärіptester tarapınan oñ bağalanğanın da atap ötkіm keledі. Tutastay alğanda, qazaqstandıq delegacïya BUU QK 50-den astam (onıñ іşіnde onnan astamına bіrlesken avtorlıqta) rezolyucïyasın, QK törağasınıñ jïırmadan astam mälіmdemelerіn, basqa da qujattardı qabıldawğa öz ülesіn qostı.

Qazaqstandıq dïplomattar QK mïssïyası quramında Kolwmbïyağa, Gaïtïge, Batıs afrïkadağı Saxel awdandarına, Ortalıq Afrïkadağı Çad teñіzіne sarap şektі. Vaşïngtonda AQŞ Prezïdentіmen, Memlekettіk departament basşısımen, Kongress müşelerіmen kezdestі, Afrïka odağınıñ ştab-päterіnde kelіssözder ötkіzwge qatısıp, terrorïzmge qarsı jahandıq kürestі іlgerіletw ayasında Sïngapwrde, Malayzïya men Awğanstanda boldı.

- Bunday saparlardıñ nätïjesі qanday?

Qawіpsіzdіk Keñesіnіñ müşesі retіnde problemalı öñіrlerge jäne qaqtığıstar aymağına barwdıñ paydası zor. Onday saparlar mäselenі tereñіrek tüsіnіp, taldawlar jasawğa, ol jerlerdegі qalıptasqan axwaldı zerdelewge köp septіgіn tïgіzedі. Sosın ol aymaqtağı qaterlerge balamalı qorğanıs tetіgіn tïіmdі qalıptastırıp, sonday-aq Memleket basşısınıñ bastamaları men basımdıqtarına säykes, problemalardı şeşw joldarın qarastırwğa jol aşatını anıq.

Jalpı alğanda, ötken jıl Qazaqstan üşіn BUU-nıñ asa mañızdı organı sanalatın Qawіpsіzdіk Keñesіnіñ jumıstarın belsendі zerttew bağıtındağı tınımsız jıl boldı dep aytqım keledі. Bіz osı jumıs ayasında beybіt älemdі qalıptastırwğa qatıstı öz ïdeyalarımızdı іlgerіletіp kelemіz.

Qazaqstannıñ BUU Qawіpsіzdіk Keñesіne turaqtı emes müşelіgіn elіmіz üşіn ğana emes tutastay öñіr üşіn özektі ärі mañızdı faktor retіnde atawğa boladı. Äytse de Qazaqstan QK ayasında öñіrlіk problemalardıñ şeşіlwіne, aymaqtağı turaqtılıq pen damwğa qalay kömek bere aladı?

- Qazaqstan BUU tarïxında Qawіpsіzdіk Keñesіne engen Ortalıq Azïyadağı tuñğış memleket ekenіn eske sala keteyіn. Sondıqtan da, QK müşesі retіnde bіz bіrіnşі öñіrdegі mäselelerge erekşe nazar awdaratın bolamız jäne Keñestіñ älewetіn älemnіñ osınaw öñіrіne xalıqaralıq qawımdastıqtıñ nazarın awdarwğa paydalanwğa tırıstıq. Bul basımdıqtı jüzege asırwda barlıq memleketterdіñ müddeler üylesіmdіlіgі negіzge alınadı. Bunımen qosa bіz Awğanstanda beybіt ömіrdіñ tezіrek ornığwın, onıñ öñіrdegі basqa memlekettermen ekonomïkalıq ïntegracïyası üşіn jan-jaqtı kötekter berіlwіn qoldaymız. Sonıñ іşіnde ïnfraqurılımdıq jäne kölіktіk-tranzïttіk damw, beybіtşіlіk pen qawіpsіzdіk qaterlerіne qarsı turwdağı öñіrlіk älewetterdі nığaytw qajet dep sanaymız. Osığan baylanıstı Qazaqstan Awğanstandı tutastay Ortalıq Azïya üşіn tïіmdі ekonomïkalıq ärіptes retіnde qarastırwdı usınadı.

Ayta keteyіk, 2017 jıldıñ 26-27 mamırında nyu-yorktіk alañda alğaş ret Ortalıq Azïya sarapşılarınıñ konswltacïyaları öttі, Ortalıq Azïya + Awğanstan aralas formatındağı kezdeswler nätïjesіnde BUU QK Törağasınıñ mälіmdeme jobası äzіrlendі. Onda Ortalıq Azïya öñіrіne Awğanstan terrïtorïyasında şoğırlanğan xalıqaralıq terrorïstіk uyımdardıñ destrwktïvtі qızmetіnen twındaytın qaterler jäne onday qaterlerdіñ tüpkі sebepterіn şeşw jolımen olardıñ aldın alw men eñserw mäselelerі qamtıldı. Atap öterlіgі, qazaqstandıq delegacïya Ortalıq Azïyadağı jağday jäne Ortalıq Azïyağa arnalğan preventïvtі dïplomatïya boyınşa BUU Öñіrlіk Ortalığınıñ ağımdağı mäselelerі jönіndegі 2017 jıldıñ 3 aqpanı men 27 mawsımındağı BUU QK mälіmdemesіnіñ qabıldanwına mañızdı üles qostı.

Budan bölek, Qazaqstan Qawіpsіzdіk Keñesіnіñ ayasında ÏGÏL/DAÏŞ jäne Äl Kaïda, Talïban, Somalï/Erïtree jönіndegі üş sankcïyalıq komïtetke törağalıq ettі. Atawınan körіnіp turğanınday, bul komïtetter terrorïzmmen küres mäselelerіn qarastıradı. Osı rette bіzge qazіrgі tañda Qazaqstanğa senіmdіlіktіñ joğarı ekenіn, xalıqaralıq ärіptesterdіñ Qazaqstandı mıqtı, sayasï oyınnan tısqarı turatın, Keñestіñ teñgerіmdі müşesі retіnde qarastıratının atap ötedі. Osınday senіmnіñ nätïjesіnde bіz ötken bіr jıl іşіnde Komïtet qızmetіne nätïjelі oñ dïnamïka bere aldıq dep sanaymın. Bunday jağdaydıñ özі «medïator men ädіl broker» retіndegі bіzdіñ elіmіz ben Elbasınıñ oñ ïmpwlsі öñіrlіk kün tärtіbіn xalıqaralıq sayasatta іlgerіletwge aytarlıqtay septіgіn tïgіzedі.

Rasında da, QK men BUU müşelerі soñğı kezderі Qazaqstannıñ belsendі pozïcïyası arqasında Ortalıq Azïyanıñ älem deñgeyіnde köbіrek tanıla bastağanın aytadı. Öñіrdegі ïntegracïyalıq processterdіñ qarqındı damwı, Ortalıq Azïyanı damıtwdıñ pіsіp jetіlgen kökeytestі mäselelerіn şeşwge memleketterdіñ belsendіlіgі de xalıqaralıq qawımdastıqtıñ nazarın awdarıp otır.

Tutastay alğanda, Qazaqstannıñ BUU QK müşelіgі öñіr üşіn pozïtïvtі faktor bolıp tabıladı. Osı arqılı öñіrdegі memleketter beybіtşіlіk pen qawіpsіzdіktіñ kün tärtіbіndegі özderіnіñ pozïcïyasın meylіnşe keñіrek qamtılwın mälіmdey alatın mümkіndіkke qol jetkіzіp otır.  Onıñ üstіne bіz turaqtılıq pen qawіpsіzdіktі qamtamasız etw bağıtında barlıq Ortalıq Azïyanıñ ortaq müddelerіne de nazar awdaramız. Bul rette Ortalıq Azïya men Awğanstanda jäne osındağı barlıq memleketterdіñ eskerіlgen müddelerі negіzіnde beybіtşіlіktіñ, ıntımaqtastıq pen damwdıñ öñіrlіk aymağı modelі qalıptasadı jäne sınaqtan ötedі degen senіmdemіz.

- Bügіn yağnï, 2018 qañtarınan bastap Qazaqstan Qawіpsіzdіk Keñesіne törağalıq etw mіndetіne kіrіstі. Törağalıqtağı negіzgі basımdıqtar qanday bolmaq? Bul jumıstıñ negіzgі procedwralıq jayttarına toqtalsañız?

- Ïä, Qazaqstan tarïxta tuñğış ret BUU Qawіpsіzdіk Keñesіne törağalıq etіp, onıñ waqıtılı otırıstarı men resmï emes konswltacïyalarına jetekşіlіk jasaytın boladı. Dästürge säykes, är Törağa qızmetіne kіrіsetіn ay basında Keñestіñ sol kezeñdegі jumısınıñ bağdarlamasın bekіtedі, BUU barlıq müşelerі üşіn brïfïngter ötkіzіp, xalıqaralıq BAQ-tı ol twralı aqparattandıradı. Törağa sonımen qatar BUU müşe memleketterіmen ekіjaqtı kezdeswder ötkіzіp, BUU negіzgі organdarı jäne arnayı mekemeler basşılarımen, öñіrlіk jäne basqa da top törağalarımen kezdesedі. Törağanıñ fwnkcïyasına Keñes kelіsіmіmen jäne Keñes atınan mälіmdemeler jasaw, resmï emes konswltacïyalar barısındağı talqılawlar qorıtındısı boyınşa press-brïfïngter uyımdastırw, sonday aq Qawіpsіzdіk Keñesі qanday da bіr mätіndіk nemese basqa da qujattarğa kelіsіm jasağanda sol twralı mälіmdemeler jasaw kіredі. Tutastay alğanda Törağa retіnde Qazaqstan BUU Xatşılığınıñ kömegіmen Qawіpsіzdіk Keñesіnіñ kündelіktі jumısın üzdіksіz qamtamasız etpek.

Ayta keteyіn, osı bağıtta 2017 jıldıñ jeltoqsan ayında BUU QK aldağı törağası retіnde BUU Bas xatşısı Antonïw Gwterrïşpen, BUU Bas Assambleyası Törağası Mïroslav Layçakpen mіndettі kezdeswlerіm öttі. BUU qoldanıstağı erejelerіne säykes, bul kezdeswlerde BUU QK Törağası BUU basşıların Qawіpsіzdіk Keñesіne  törağalıq etw jumısınıñ bağdarlamasımen tanıstırwı qajet. Budan bölek, Törağa öz memleketі tarapınan usınılatın taqırıptıq pіkіrtalastardıñ taqırıptarı men künі twralı aqparattandırwı tïіs.

- Qazaqstan tarapınan usınılatın taqırıptar ayqın ba?

- Qazіrgі künі bіz Elbasınıñ qatıswımen ötetіn «Jappay qırıp-joyu qarwların taratpaw jäne senіm şaraları» taqırıbında joğarı deñgeylі brïfïng ötkіzwdі uyımdastırıp jpatırmız. Bul bіzdіñ törağalıqtıñ eñ özektі elementі bolmaq. Bul şara ayasında yadrolıq qarwdı taratwdıñ aldın alwğa qatıstı özektі mäseleler, senіm arqılı beybіtşіlіktі saqtaw mäselelerі talqılanadı dep kütіledі. Ayta keteyіn, osınıñ özі Memleket basşısınıñ «Älem. XXІ ğasır» manïfestіmen üylesedі.

Budan bölek, bіz Ortalıq Azïya men Awğanstan boyınşa mïnïstrlіk deñgeyіndegі pіkіrtalastar, Tayaw Şığıs boyınşa toqsandıq pіkіrtalastar ötkіzwdі josparlaymız. Bul şaralar transparenttі, swbstantïvtі, obektïvtі jäne dïskwcïyanıñ naqtı nätïjelerіne bağıttaladı dep ümіttenemіz. Sosın bul twralı Aşxabadtağı Ortalıq Azïyağa arnalğan preventïvtі dïplomatïya boyınşa BUU Öñіrlіk Ortalığınıñ qızmetі jönіndegі jabıq konswltacïyalarda da aldın ala aytılıp otıradı. Atalğan Öñіrlіk Ortalıq on jıl burın Elbasınıñ bastamasımen qurılğanın da eske sala keteyіn.

Osınday joğarıda aytılğan ekі pіkіrtalastıñ qorıtındısı boyınşa Qawіpsіzdіk Keñesіnіñ preventïvtі dïplomatïya jäne qaterlerden beybіtşіlіktі saqtaw arqılı qaqtığıssız älem qalıptastırw boyınşa Ortalıq Azïya men Awğanstan üşіn ekі mañızdı qujatı qabıldanadı dep kütemіz. Budan bölek, bіzdіñ törağalıqtıñ kün tärtіbіnde Afrïka qurlığın qamtïtın keñ awqımdağı mäseleler engіzіledі. Sïrïya mäselelerі (sayasï, gwmanïtarlıq, xïmïyalıq trekter), Kïpr men Kolwmbïya problemalarına jekelegen otırıstar arnalmaq. Al törağalıqtan soñ osı kezeñde qol jetkіzіlgen wağdalastıqtardıñ praktïkalıq ïmplementacïyasına nazar awdaramız.

- Degenmen,  osı törağalıq pen jalpı tutastay BUU QK Qazaqstannıñ müşelegі qanşalıqtı mañızdı ekenіne toqtalıp ötseñіz?

- Buğan deyіn de atap ötkenіmdey, BUU Qawіpsіzdіk Keñesіndegі törağalıq pen jalpı müşelіk ayasındağı bіzdіñ müddemіz eñ bіrіnşі kezekte memleketіmіz ben öñіr üşіn beybіt, turaqtı jäne örkenïettі orta qurw bolıp tabıladı. Bіz  - іrі ewrazïyalıq memleketpіz. Jahandıq geosayasï teketіresterdі aytpağannıñ özіnde öñіrlіk dağdarıstıñ kez kelgenі, yadrolıq qarwdı taratpaw problemaları nemese sankcïyalıq teketіrester - osınıñ bärіnіñ salqını bіzdіñ elіmіzge de tïedі. Älemdіk özgerіster ayasında Qazaqstan enjarlıq tanıtıp, nemquraylılıqpen otıra almaydı, özgerіsterdіñ durıs bağıt alwı üşіn tïіmdі mämіleger bolwğa küşіmіzdі jumsaytın bolamız. Bul ärbіr jekelegen jağdaylarğa da, sonday-aq uzaqmerzіmdі öñіrlіk qawіpsіzdіk ïnstïtwttarın qalıptastırwğa da qatıstı.

BUU Qawіpsіzdіk Keñesі - bul beybіtşіlіk pen qawіpsіzdіk boyınşa öz ustanımdarımızdı іlgerіletwge mümkіndіk berіletіn jetekşі jahandıq alañ. BUU QK müşelіgі Qazaqstannıñ älemdіk masştabtağı rölіn arttırıp, xalıqaralıq kelіssözderde elіmіzdіñ jahandıq processterdіñ turaqtı ärі jawaptı qatıswşısı retіndegі pozïcïyasın nığaytı tüsedі. Ayta keteyіn, älemde şamamen 50-ge tarta memleket BUU Qawіpsіzdіk Keñesіne müşelіkke bіr de bіr ret saylanğan emes.

Osıdan şïrek ğasır burın Memleket basşısı ayqındağan beybіtsüygіş sırtqı sayasattıñ satılı ustanımı, jahandıq problemalardı özara senіmdі qalıptastıra otırıp dïalog arqılı şeşw boyınşa strategïyalıq qadamdarımız Qazaqstannıñ BUU Qawіpsіzdіk Keñesіne turaqtı emes müşelіgіne saylanwğa septіgіn tïgіzdі. Qazіrgі tañda Astana men onıñ ustanğan sayasatı barşağa tanımal bolıp otır. Bunı batıstıq qana emes, şığıstıq mentalïtet pen etïkettіñ bäsekege qabіlettі sïmbïozınıñ erekşelіgіne aynalğan desek te boladı. Bul rette özara sıylastıq, ïkemdіlіk, sındarlılıq, qonaqjaylılıq, qatıswşılar üşіn sayasï jaylılıqtı tïіstі deñgeyde qamtw, kompromïske dayındıq körіnіsterі twğandağı kelіsіmge keltіrw şeberlіgі, emocïyalıq ustamdılıq sekіldі erekşelіkterdі aytıp otırmın.

Jasıratını joq BUU qabırğasında Qazaqstannıñ älemdіk arenadağı bіrqatar mañızdı xalıqaralıq bastamalarına rïzaşılıqtı jïі estïmіz. Olardıñ qatarında AÖІSŞK pen Älemdіk jäne dästürlі dіn lïderlerіnіñ sezі, Almatıdağı Ïran yadrolıq bağdarlaması jönіndegі kelіssözder, Sïrïya jönіndegі Astana procesі jäne basqa da tïіmdі alañdar men ïdeyalar bar. Sonımen qatar, Qazaqstan EQIU, ÏIU, ŞIU sekіldі uyımdar men basqa da qurılımdarğa tabıstı törağalıq etwіmen älemge tanılğan bolatın. Bіr sözben aytqanda, jaña jağdaylar üşіn medïator retіnde aytarlıqtay täjіrïbe qalıptasqan.

Osınıñ bärіn qorıtındılay kelsek, BUU QK Törağalıq Elbasınıñ awqımdı xalıqaralıq bastamaların іlgerіletw turğısınan alğanda da asa mañızdı ärі bіregey mümkіndіk bolıp tabıladı. Qawіpsіzdіk Keñesіndegі täjіrïbe BUU jüzjıldıq mereytoyına oray belgіlengen, Manïfestte körіnіs tapqan qaqtığıstarsız älemnіñ strategïyalıq maqsattarına qol jetkіzw üşіn de özektі. Bul älemnіñ basqa memleketterіmen  özara ärekettestіktegі sapalı jaña deñgeyge köterіp, ekіnşі jağınan bükіl älemge ulttıq basımdıqtarımız jayında mälіmdey alatın ülken mümkіndіk.

Sonday-aq, jahandıq awqımğa ulasıp jatqan älemnіñ är tükpіrіndegі qaqtığıstar, BUU QA köptegen taqırıptıq problemalar - Jappay qırw qarwların taratpaw, kontrterrorïzm, sankcïyağa qatıstı ortaq mäseleler - osınıñ bärі bіzdіñ elіmіzge belgіlі bіr deñgeyde äser etedі. Osı turğıdan alğanda, BUU-dağı Qazaqstannıñ ökіldіgі Memleket basşısınıñ beybіtşіlіk pen damwdıñ özara baylanısın negіzge alğan tïіstі tapsırmaların jüzege asırw bağıtında jumıs іstep keledі.

Qazіrgі älemnіñ negіzgі problemalardı şeşw mäselelerіne aralasw arqılı Qazaqstan köptegen eldermen, öñіrlermen baylanısın damıtwğa mümkіndіkter alıp otır. Sırtqı baylanıstağı geografïya awqımın keñeytw bіzdіñ köpvektorlı sayasatımızdıñ qïsındı jalğası, al onday basımdıqtı Memleket basşısı Täwelsіzdіktіñ alğaşqı jıldarında elіmіzdіñ mañızdı bağıtı retіnde ayqındağan bolatın. Bunday qadamdar Qawіpsіzdіk Keñesіne elektoraldıq nawqanında da, bügіngі jumısımızda da köp kömek boldı.

Budan bölek, osı jumıstardıñ barlığı täwelsіzdіk jıldarınan berі älewetі satılap köterіlіp kele jatqan qazaqstandıq dïplomatïyanıñ bіlіktіlіktegі іs täjіrïbesіn arttırwğa da septіgіn tïgіzedі. BUU QK arqılı Qazaqstannıñ dïplomattarı men sarapşıları asa mol ärі bağa jetpes täjіrïbe jïnaqtap jatır. Bul tek dïplomatïyalıq qızmettіñ käsіbïlіgіn arttırıp qana qoymay, tutastay memlekettіk apparattıñ, elіmіzdіñ eksperttіk jäne medïa qawımdastığınıñ bedelіn köteredі.

Osı maqsatta Qazaqstannıñ Sırtqı іster mïnïstrlіgі BUU DB bіrlese otırıp 2017 jıldıñ qazan jäne qaraşa aylarında otandıq jetekşі BAQ pen saraptamalıq ortalıq ökіlderіne arnap trenïng ötkіzgen bolatın. Qazaqstandıq sarapşılar Qawіpsіzdіk keñіsіnіñ «іşkі qazanı» qalay qaynap jatqanımen jaqınıraq tanıstı,  jahandıq kün tärtіbіnіñ özektі mäselelerі qalay talqılanatının, şuğıl otırıstar boyınşa  aşıq jäne jabıq formattar (Soltüstіk Koreya men Sïrïya mäselelerі boyınşa) qalay örbïtіnіn baqıladı. Qawіpsіzdіk Keñesіndegі munday teñdessіz täjіrïbe bіzdіñ mamandar üşіn xalıqaralıq sayasattağı ağımdağı tendencïyalardı, olardıñ erekşelіkterі men nyuanstarın jaqsı tüsіnwge septіgіn tïgіzedі dep senemіz.

-Äñgіmeñіzge raxmet! Jumıstarıñız jemіstі bolsın! 

 

 


Bölіsіñіz:

Avtor:

Qanat Mämetqazıulı

Onlayn qızmetkerler
Redaktor
Aydar Ospanalïev
Aydar Ospanalïev
954-059
Murağat