Qazaqstannyń BRIKS elderimen taýar aınalymy 45 mıllıard AQSh dollarynan asty - Prezıdent
2022 jylǵy 24 maýsym 20:40

Qazaqstannyń BRIKS elderimen taýar aınalymy 45 mıllıard AQSh dollarynan asty - Prezıdent

NUR-SULTAN. QazAqparat - Qazaqstan BRIKS elderimen qarqyndy seriktestikti damytýǵa múddeli. Sondaı-aq byltyr bul Uıymǵa múshe eldermen aradaǵy taýar aınalymy 45 mıllıard AQSh dollarynan asty. Bul týraly QR Prezıdenti Qasym-Jomart Toqaev BRIKS+ uıymynyń jahandyq damý jónindegi joǵary deńgeıli dıalogynda aıtty.

Prezıdent Qasym-Jomart Toqaev bul jıynǵa QHR Tóraǵasy Sı Tszınpınniń shaqyrýymen onlaın formatta qatysty.

– Qazaqstan BRIKS-ti yqpaldy uıym ári álemdik ekonomıkanyń ósimin órge súırep kele jatqan negizgi kúshterdiń biri retinde qarastyrady. Qazaqstan BRIKS elderimen qarqyndy seriktestikti damytýǵa múddeli. Sondaı-aq byltyr bul Uıymǵa múshe eldermen aradaǵy taýar aınalymy 45 mıllıard AQSh dollarynan asty. Osyǵan oraı aldaǵy ýaqytta bul kórsetkishti arttyrý úshin mol múmkindik bar, – dedi Prezıdent.

«BRIKS elderi arasynda joǵary deńgeıdegi seriktestik qatynas ornatý, jahandyq damýdyń jańa dáýirin qurý» atty taqyryptaǵy BRIKS-tiń 14-sammıti Qytaıdyń tóraǵalyǵymen ótip jatyr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT