Qazaqstannyń birqatar óńirinde aýa raıyna baılanysty eskertý jarııalandy
2022 jylǵy 23 maýsym 18:05

Qazaqstannyń birqatar óńirinde aýa raıyna baılanysty eskertý jarııalandy

NUR-SULTAN. QazAqparat – 24 maýsymda elimizdiń toǵyz oblysynda qatty ystyq bolyp, naızaǵaı oınaıdy, dep habarlaıdy QazAqparat «Qazgıdromet» RMK-ǵa silteme jasap.

24 maýsymda kúndiz Soltústik Qazaqstan oblysynyń soltústiginde, batysynda, ońtústiginde naızaǵaı oınaıdy. Túnde jáne tańerteń oblystyń ońtústik-batysynda tuman túsedi. Ońtústik-batystan, batystan jel soǵady, kúndiz oblystyń soltústiginde, batysynda, ońtústiginde ekpini 15-20 m/s-ke jetedi. Petropavl qalasynda naızaǵaı oınaıdy. Ońtústik-batystan, batystan jel soǵady, kúndiz ekpini 15-20 m/s-ke jetedi.

24 maýsymda Batys Qazaqstan oblysynyń soltústik bóliginde, ońtústik-shyǵysynda naızaǵaı oınaıdy. Jeldiń baǵyty soltústik-shyǵystan ońtústik-batysqa aýysyp, naızaǵaı kezinde ekpini 15-20 m/s-ke jetedi. Oral qalasynda naızaǵaı oınaıdy.

Kúndiz 24 maýsymda Shyǵys Qazaqstan oblysynyń shyǵysynda, ońtústiginde soltústik-batystan jel soǵady, ekpini 15-20 m/s.

Kúndiz 24 maýsymda Abaı oblysynyń batysynda, ortalyǵynda, ońtústiginde soltústik-batystan jel soǵady, ekpini 15-20 m/s. Kúndiz oblystyń ońtústiginde qatty ystyq - 35 gradýsqa jetýi múmkin. Oblystyń batysynda tótenshe órt qaýpi bar.

24 maýsymda Almaty oblysynda túnde taýly aýdandarynda qatty jańbyr jaýady. Oblystyń ońtústiginde, shyǵysynda jáne taýly aýdandarynda naızaǵaı, burshaq, daýyl bolýy múmkin. Soltústik-shyǵystan jel soǵady, kúndiz oblystyń ońtústiginde, shyǵysynda jáne taýly aýdandarynda 15-20 m/s, ekpini 25 m/s-ke jetedi. Qonaev qalasynda 24 maýsymda túnde naızaǵaı oınaıdy.

24 maýsym Jetisý oblysynda túnde ońtústiginde, kúndiz shyǵysynda jáne taýly aýdandarynda naızaǵaı, burshaq kútiledi. Soltústik-shyǵystan jel soǵady, kúndiz oblystyń shyǵysynda 15-20 m/s, ekpini 25 m/s-ke jetýi yqtımal. Kúndiz oblystyń shyǵysynda 36 gradýs aptap ystyq bolady.

24 maýsymda kúndiz Qyzylorda oblysynda 40-44 gradýs aptap ystyq bolady. Jel ońtústik-shyǵystan soǵady, tańerteń jáne kúndiz oblystyń ortalyǵynda kúshi 15-20 m/s-ke jetip, shańdy daýyl soǵady. Oblystyń basym bóliginde tótenshe órt qaýpi bar. Qyzylorda qalasynda 24 maýsymda kúndiz 41-43 gradýs qatty ystyq bolady. Tótenshe órt qaýpi bar.

24 maýsym Atyraý oblysynyń batysynda, shyǵysynda jáne ortalyǵynda naızaǵaı oınaıdy. Soltústik-batystan jel soǵady, ekpini 15-20 m/s-ke jetedi. Kúndiz 38 gradýsqa deıin qatty ystyq bolady. Oblystyń batysynda, shyǵysynda tótenshe órt qaýpi bar. Atyraý qalasynda 24 maýsymda naızaǵaı jarqyldaıdy. Soltústik-batystan jel soǵady, kúndiz ekpini 15-18 m/s. Kúndiz 36 gradýsqa deıin qatty ystyq bolýy yqtımal.

24 maýsymda Aqtóbe oblysynyń túnde soltústiginde, kúndiz batysynda, ońtústiginde naızaǵaı oınaıdy. Jeldiń baǵyty ońtústik-shyǵystan, batystan, soltústik-batysqa aýysady, naızaǵaı kezinde ekpini 15-20 m/s-ke jetedi. 35-37 gradýs aptap ystyq bolady. Aqtóbe qalasynda 24 maýsymda túnde naızaǵaı oınaıdy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT