+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

Qazaqstannyń birqatar oblysynda aýa raıyna baılanysty eskertý jarııalandy

2020 jylǵy 22 naýryz 18:40
Bólisińiz:
Qazaqstannyń birqatar oblysynda aýa raıyna baılanysty eskertý jarııalandy

NUR-SULTAN. QazAqparat – Qazaqstannyń birqatar oblysynda aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-nyń málimetterine silteme jasaı otyryp.

Kásiporyn taratqan málimetterge qaraǵanda, 2020 jyldyń 22 naýryzynan saǵat 21-00-den bastap, 23 naýryz saǵat 21-00 aralyǵynda Aqmola oblysynyń keı jerlerinde jaıaý burqasyn soǵyp, túnde jáne tańerteń tuman túsedi. Ońtústik-batystan soqqan jel soltústikke qaraı oıysyp, jyldamdyǵy keı jerlerde sekýndyna 15-20 metrge jetedi.

Nur-Sultan qalasynda 23 naýryzda jaıaý burqasyn bolyp, túnde jáne tańerteń tuman túsedi. Aýa raıy boljamynyń yqtımaldylyǵy 85-90 %.

Qyzylorda oblysynyń keı jerlerinde shańdy daýyl kóterlip, túnde soltústik-shyǵystan, shyǵystan jel soǵyp, keı jerlerde jyldamdyǵy sekýndyna 15-20 metr, ekpini 25 metrge jetedi.

Qyzylorda qalasynda kúndiz shańdy daýyl kóterilip, kúndiz soltústik-shyǵystan jel soǵady, ekpini 15-20 m/s bolady.

Soltústik Qazaqstan oblysynyń basym bóliginde túnde qar jaýyp, keı jerlerde burqasyn bolady. Kúndiz keı jerlerde kóktaıǵaq kútiledi. Soltústik-batystan soqqan jeldiń jyldamdyǵy kúndiz keı jerlerde sekýndyna 15-20 metrge jetedi.

Petropavl qalasynda túnde qar jaýyp, jaıaý burqasyn bolady. Soltústik-batystan jel soǵyp, kúndiz ekpini sekýndyna 15-20 metrge jetedi. Aýa raıy boljamynyń yqtımaldylyǵy 90-95 %.

Kúndiz Mańǵystaý oblysynyń birqatar aýmaqtarynda shańdy daýyl turyp, shyǵystan, ońtústik-shyǵystan jel soǵady, jyldamdyǵy kúndiz keı jerlerde 15-20 m/s-ke jetedi. Aýa raıy boljamynyń yqtımaldylyǵy 90-95%.

Al 23-25 naýryz aralyǵynda Jambyl oblysynyń keı jerlerinde soltústik-shyǵystan jel soǵyp, jyldamdyǵy sekýndyna 15-20 metr, ekpini 23-28 metr bolady. Keı jerlerde tuman túsedi.

Taraz qalasynda soltústik-shyǵystan jel soǵyp, ekpini 15-20 m/s, keı ýaqytta 23 m/s bolady, tuman túsýi de múmkin. Aýa raıy boljamynyń yqtımaldylyǵy 90-95%.

23-25 naýryzda Túrkistan oblysynyń keı jerlerinde soltústik-shyǵystan soǵatyn jeldiń kúshi 15-20, taýly jáne soltústik aýdandarda ekpini 23-28 m/s bolady.

Shymkent qalasynda 23-25 naýryzda soltústik-shyǵystan ekpini 15-20 m/s jel soǵady.

Túrkistan qalasynda soltústik-shyǵystan ekpini 15-20 m/s jel soǵyp, odan ári ol kúsheıe túsedi.


Bizdiń kanalymyzǵa jazylyńyz:

Basty sózder: Qoǵam, Aýa raıy, Qazgıdromet,
Bólisińiz:

Avtor:

Aıdar Ospanalıev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT