+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Qazaqstannyń bes oblysynda qus tumaýy tirkeldi

2020 jylǵy 21 qyrkúıek 15:58
Bólisińiz:
Qazaqstannyń bes oblysynda qus tumaýy tirkeldi

NUR-SULTAN. QazAqparat – QR Aýyl sharýashylyǵy vıtse-mınıstri Gúlmıra Isaeva birqatar óńirdegi epızootııalyq jaǵdaı týraly baıan etti, dep habarlaıdy QazAqparat tilshisi.

Uqsas jańalyqtar
Qazaqstanda qus tumaýynan qansha qus qyryldy Pavlodar oblysynda qusy qyrylǵan turǵyndarǵa 83,2 mln teńge tólenedi Qus tumaýy: Etti esh qoryqpastan alýǵa bolady

«Búginge deıin 47 eldimekende (25 aýdan men 5 oblysta) qus tumaýynan qustardyń qyrylý faktisi tirkeldi. Jeke úılerde 12 926 úı qusy, sondaı-aq Soltústik Qazaqstandaǵy qus fabrıkalarynda 41 myń qus qyryldy. Aımaqtardy bólip qaraıtyn bolsaq, SQO-da 27 aýdanda (11 aýdanda) qustyń qyrylý faktisi tirkeldi. Onyń ishinde qus tumaýy 23 eldimekende (8 aýdanda) rastaldy. Tıisinshe 17 qyrkúıekten bastap Aýyl sharýashylyǵy mınıstrligi Soltústik Qazaqstandaǵy jeti aýdannan jáne Aıyrtaý aýyldyq okrýginen qus ónimderin shyǵarýǵa ýaqytsha tyıym saldy», - dedi Gúlmıra Isaeva OKQ-da ótken baspasóz máslıhatynda.

Onyń aıtýynsha, qus ónimderin syrtqa shyǵarýǵa tyıym salynǵan jeti aýdannyń qatarynda Tımırıazev, Jambyl, Qyzyljar, Taıynsha, Shal aqyn, Ǵ.Músirepov jáne M.Jumabaev aýdandary bar.

«19-21 qyrkúıek aralyǵynda «Beskól» qus fabrıkasynda 41 myńǵa tarta qus qyryldy. Aqmola oblysy týraly aıtar bolsaq, 5 aýdannyń 9 aýylynda qustyń qyrylý faktisi tirkeldi. Jalpy 286 qus óldi. Tıisinshe 19 qyrkúıekten bastap Aqmola oblysynyń Jarqaıyń aýyldyq okrýginen qus ónimderin syrtqa shyǵarýǵa ýaqytsha tyıym salyndy. Odan bólek, Qostanaı oblysynyń 6 aýdanynda osyndaı jaǵdaı tirkelip, ol jaqtarda 505 qus qyryldy», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT