Jańalyqtar  >
  Qoǵam
Qazaqstannyń basym bóliginde jaýyn jaýady - beısenbige arnalǵan aýa raıy
2022 jylǵy 11 tamyz 01:38

Qazaqstannyń basym bóliginde jaýyn jaýady - beısenbige arnalǵan aýa raıy

NUR-SULTAN. QazAqparat - Qazgıdromet 11 tamyzǵa arnalǵan aýa raıy boljamyn jarııalady, dep habarlaıdy QazAqparat.

Atmosferalyq frontaldy bólikterdiń ótýimen elimizdiń basym bóliginde qubylmaly aýa raıy saqtalady. Soǵan baılanysty jańbyr jaýady, elimizdiń shyǵysynda, ortalyǵynda jáne ońtústik-shyǵystyń taýly aýdandarda qatty jańbyr bolyp, naızaǵaı, ekpindi jel kútiledi. Kúndizgi saǵattarda burshaq bolýy yqtımal. Respýblıkanyń soltústiginde túnde jáne tańerteń tuman túsedi.

Qaraǵandy, Shyǵys Qazaqstan, Abaı oblystarynyń soltústiginde, Pavlodar oblysynyń ońtústiginde, shyǵysynda, Jambyl oblysynyń taýly aýdandarynda qatty jańbyr jaýady.

Kúndiz Atyraý, Batys Kazaqstan, Mańǵystaý oblysynyń soltústik-shyǵysynda, Aqtóbe oblysynyń batysynda qatty ystyq boljanady.

Qyzylorda oblysynyń basym bóliginde, Túrkistan oblysynyń ońtústiginde, shyǵysynda, Atyraý oblysynyń soltústiginde tótenshe órt qaýpi saqtalady


Uqsas jańalyqtar
Seriktester jańalyqtary

Jańalyqtar

Úrdis

MURAǴAT