+7 (701) 759 90 19
USD 431.03 EUR 471.76
RUB 5.85 CNY 61.32
Jańalyqtar

Qazaqstannyń áýe kompanııalary 10 aıda 7,1 mln jolaýshy tasymaldaǵan

2019 jylǵy 7 jeltoqsan 12:08
Bólisińiz:
Qazaqstannyń áýe kompanııalary 10 aıda 7,1 mln jolaýshy tasymaldaǵan

NUR-SULTAN. QazAqparat – Qazaqstannyń áýe kompanııalary 10 aıda 7,1 mln jolaýshy tasymaldaǵan. Bul málimetterdi áleýmettik jelide Azamattyq avıatsııa komıteti taratty, dep habarlaıdy QazAqparat.

Uqsas jańalyqtar
Eldigimiz de erligimiz de qazirgideı syn saǵatta tanylady Almatyda polıtsııa qoǵamdyq kólikterdegi jolaýshylardy tekserip jatyr Avtomobıl joldary salasynda 130-dan astam memlekettik qyzmet kórsetilgen

Komıtet taratqan aqparattarǵa qaraǵanda, 7 jeltoqsan búkil álemde Halyqaralyq azamattyq avıatsııa kúni retinde atalyp ótedi. Bul mereke IKAO-nyń 50 jyldyǵyn merekeleýge baılanysty 1994 jyly quryldy. 1996 jyly IKAO-nyń bastamasymen BUU Assambleıasy BUU júıesiniń aıasynda 7 jeltoqsandy Halyqaralyq azamattyq avıatsııa kúni dep resmı jarııalady.

Halyqaralyq azamattyq avıatsııa kúnin merekeleýdiń maqsaty - memleketterdiń áleýmettik-ekonomıkalyq damýyndaǵy halyqaralyq azamattyq avıatsııanyń mańyzdylyǵy týraly búkil álemdik habardar bolýdy qamtamasyz etý jáne arttyrý.

«Bizdiń memleket 1992 jyly Chıkago konventsııasyn ratıfıkatsııalaý arqyly IKAO-nyń tolyqqandy múshesi boldy. Qazirgi ýaqytta 191 memleket IKAO-ǵa múshe. Ótken jyly Qazaqstan avıatorlary jolaýshylar aǵynynyń teńdessiz ósý kórsetkishimen jumystyń joǵary nátıjelerin kórsetti - aǵymdaǵy jylǵy 10 aıda qazaqstandyq áýe kompanııalar 7,1 mln. jolaýshyny tasymaldaǵan bolatyn. Bul 2018 jyldyń sáıkes kezeńiniń kórsetkishinen 6% - ǵa artyq (6,7 mln. jolaýshy). Qazaqstan Respýblıkasynyń áýejaılary aǵymdaǵy jyldyń 10 aıynda 14,8 mln. jolaýshyǵa qyzmet kórsetti, bul 2018 jyldyń sáıkes kezeńimen salystyrǵanda 9% - ǵa artyq (13,6 mln. jolaýshy)»,-delingen habarlamada.

Sondaı-aq habarlamada sońǵy 7 jylda tranzıttik jolaýshylar sany 45 esege artqandyǵyn aıtylady. Elbasynyń «Qazaqstannyń úshinshi jańǵyrýy: jahandyq básekege qabilettilik» Joldaýyn oryndaý aıasynda aǵymdaǵy jyldyń qańtar-qazan aılarynda tranzıttik áýe jolaýshylar sany 852 myń adamdy qurady, bul ótken jyldyń sáıkes kezeńiniń kórsetkishinen 11% – ǵa artyq (2018 j. - 765 myń) jáne jyl sońyna deıin 1 mln. astam tranzıttik áýe jolaýshyǵa jetkizý josparlanýda.

Búgingi kúni IKAO standarttaryna sáıkes ushý qaýipsizdigi deńgeıi boıynsha Qazaqstan TMD elderi arasynda 74% kórsetkishimen III orynda tur. Avıatsııalyq qaýipsizdik deńgeıi 83%, bul 2009 jylǵy aýdıt kórsetkishinen 21% - ǵa artyq. Qazaqstanda jaqsartylǵan kórsetkish - ortasha álemdik 72% deńgeıden 11% asyp otyr. Qazaqstannyń avıatsııalyq qaýipsizdik salasyndaǵy jetistikteri bıylǵy jyldyń 24 qyrkúıeginde IKAO Keńesiniń marapatyna ıe boldy.

«100 naqty qadam» Ult josparynyń 68 qadamyn júzege asyrý aıasynda Qazaqstan ushý qaýipsizdiginiń jańa úlgisine kóshti. Aǵymdaǵy jyldyń 1 tamyzynan bastap «Qazaqstannyń avıatsııalyq ákimshiligi» aktsıonerlik qoǵamy iske qosyldy. Osy uıymnyń negizgi fýnktsııalary azamattyq avıatsııa salasynyń sýbektilerin tehnıkalyq baqylaý jáne qadaǵalaý bolyp tabylady. Jańa retteý júıesi áýe kóligi sektorynyń ósýine yqpal etip, Qazaqstannyń avıatsııa salasynyń jahandyq oıynshy bolýyna negiz bolady.

Qazirgi ýaqytta toǵyz otandyq áýe kompanııa – «Air Astana», «Prime Aviation», «KazAirJet», «SCAT», «Ak «Comlux-KZ«, «JetAirlines«, «FlyJet.kz«, «Euro-AsiaAir« jáne «Sigma« - EASA avtorızatsııasynan sátti ótti jáne Eýropaǵa ushýǵa quqyly.

Halyqaralyq baǵyttardyń damýy jalǵasýda, jyl basynan beri qazaqstandyq jáne sheteldik áýe kompanııalar Almaty-Baký, Jýkovskıı-Qaraǵandy, Jýkovskıı-Kókshetaý, Jýkovskıı-Petropavl, Nur-Sýltan-Novosıbırsk, Máskeý-Semeı, Nur-Sýltan-Ulan-Batyr, Nur-Sýltan-Praga, Nur-Sýltan-Tokıo baǵyttaryn ashty. Qazirgi ýaqytta Qazaqstan álemniń basqa elderimen 99 halyqaralyq baǵyt boıynsha áýe qatynasymen baılanysady.

Bıylǵy jyldyń 1 qarashasynan bastap Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semeı qalalarynyń áýejaılarynda reıster sanyna shekteýlerdi alyp tastaýdy jáne sheteldik áýe kompanııalaryna qazaqstandyq tasymaldaýshylar júzege asyrmaıtyn baǵyttar boıynsha 5-shi «áýe erkindigin» usynýdy kózdeıtin «ashyq aspan« tártibi engizildi.

Qazaqstan Respýblıkasy Prezıdentiniń tapsyrmasy boıynsha engizilgen «ashyq aspan» rejımi aıasynda jańa halyqaralyq baǵyttar ashý jáne jańa sheteldik áýe kompanııalardy tartý boıynsha QR IIDM Qazaqstan Respýblıkasynyń Iordanııadaǵy Elshiligimen birlesip ICAN-2019 halyqaralyq is-sharasynda 13 elmen áýe qatynasyn keńeıtý jáne azamattyq avıatsııa salasyndaǵy yntymaqtastyq máselesi boıynsha kelissózder júrgizdi.

Iordanııa, Polsha, Belarýs, Fınlıandııa, Bahreın áýe kompanııalaryna Qazaqstannyń 11 áýejaıyna 5-shi «áýe erkindigin» paıdalaný múmkindigimen reıster sanyna shekteýlerdi alyp tastaýdy kózdeıtin turaqty ushýlardy oryndaýǵa múmkindik berildi.

Memleket basshysynyń tapsyrmasy boıynsha bıyl mamyr aıynda halyqtyń basym bóligi úshin áýe kóliginiń qol jetimdiligine baǵyttalǵan alǵashqy ulttyq FlyArystan loýkosteri iske qosyldy. FlyArystan áýe kompanııasy qurylǵan sátten bastap 600 myńnan astam bılet satyp úlgerdi, onyń jartysynan astamy 10 myń teńgeden tómen baǵamen satylǵan.

Búgingi kúni Qazaqstanda áýe kóligi ınfraqurylymyn jańǵyrtý is júzinde aıaqtaldy - 16 ushý-qoný jolaǵy men Qazaqstan áýejaılarynyń 13 termınaly qaıta jańartyldy. Aǵymdaǵy jyldyń qazan aıynda Qostanaı qalasy áýejaıynyń ushý-qoný jolaǵyn qaıta jańartý jumystary aıaqtaldy jáne ýaqytsha qoldanysqa berildi. Aǵymdaǵy jyldyń sońyna deıin Balqash áýejaıynyń ushý-qoný jolaǵyn qaıta jańartý jumystary aıaqtalady. Túrkistan qalasynda halyqaralyq áýejaı qurylysy jalǵaýda.

Іshki týrızmdi yntalandyrý úshin shaǵyn avıatsııany damytý boıynsha sharalar qabyldanýda. Búgingi kúni jergilikti áýe jelileriniń 3 áýeaılaǵy (Úsharal, Úrjar, Zaısan) jumys isteıdi. Pavlodar oblysynyń ákimdigi Baıanaýyl eldi mekeninde qatty jabyndy áýeaılaq qurylysyn aıaqtaýda. Qoldanysqa berý kelesi jylǵa josparlanǵan. Aldaǵy 5 jylda jergilikti áýe jelileriniń taǵy 13 aerodromyn salý kózdelip otyr.

Bizdiń kanalymyzǵa jazylyńyz:

Basty sózder: Ekonomıka, Qoǵam, Kólik,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT