Qazaqstannyń 2045 jylǵa qaraı ıadrolyq qarýdy tolyq joıý josparyn ázirleýge shaqyrýy mańyzdy - mınıstr
2022 jylǵy 1 shilde 12:56

Qazaqstannyń 2045 jylǵa qaraı ıadrolyq qarýdy tolyq joıý josparyn ázirleýge shaqyrýy mańyzdy - mınıstr

NUR-SULTAN. QazAqparat – Qazaqstannyń 2045 jylǵa qaraı ıadrolyq qarýdy tolyǵymen joıý josparyn ázirleýge shaqyrýy erekshe mańyzdy. Bul týraly «Halyqaralyq qatynastardyń qazirgi zamanǵy júıesindegi Qazaqstan Respýblıkasy» atty halyqaralyq konferentsııa barysynda QR Syrtqy ister mınıstri Muhtar Tileýberdi aıtty, dep habarlaıdy QazAqparat tilshisi.

«ıAdrolyq qarýdan azat álem ıdeıasy qazirgi kúrdeli geosaıası jaǵdaılarda ony júzege asyrý qıynǵa soǵatynyna qaramastan, syrtqy saıasatymyzdyń mańyzdy elementi bolyp qala beredi. ıAdrolyq jáne zymyrandyq arsenaldan óz erkimen bas tartqan jáne álemdegi eń iri ıadrolyq polıgondy japqan memleket retinde Qazaqstannyń ıadrolyq qarýsyzdaný salasynda naqty progreste degenine jetýge moraldyq quqyǵy bar.», - dedi mınıstr.

SІM basshysy sondaı-aq qyrǵı-qabaq soǵystan keıingi álemdegi ıadrolyq qarýdy qoldaný qaýpiniń eń joǵary deńgeıine qol jetkizý turǵysynda (Stokgolm beıbitshilikti zertteý ınstıtýtynyń baıandamasy sáıkes) Qazaqstannyń 2045 jylǵa qaraı bul qarýlardy tolyǵymen joıý josparyn ázirleýge shaqyrýy erekshe mańyzdy bolyp kórinetindigin basa aıtty.

«Táýelsizdik jyldarynda Qazaqstan qaqtyǵysýshy taraptar úshin ózara qolaıly sheshimderdi tabý maqsatynda dıalogqa ashyq medıator-el bedelin laıyqty túrde qamtamasyz etti. Bul júrgizilip jatqan sırııaaralyq retteý jónindegi Astana protsesinen anyq baıqalady. 15-16 maýsym kúnderi Nur-Sultanda ótken Sırııa boıynsha 18-shi halyqaralyq kezdesý Jeneva kelissózderiniń toqtatylýy jaǵdaıynda Sırııa máselesin retteýdegi «Astana formatynyń» róli tek artyp kele jatqanyn kórsetti», - dedi Muhtar Tileýberdi.


Uqsas jańalyqtar

Jańalyqtar

Úrdis

MURAǴAT