USD 434.48 EUR 492.61
RUB 5.68 CNY 68.44
Jańalyqtar

Qazaqstannyń 19 mıllıonynshy turǵyny qalaı anyqtaldy, ata-anasy kimder

2021 jylǵy 4 tamyz 11:52
Bólisińiz:
Qazaqstannyń 19 mıllıonynshy turǵyny qalaı anyqtaldy, ata-anasy kimder

NUR-SULTAN. QazAqparat - Strategııalyq josparlaý jáne reformalar agenttigi ulttyq statıstıkasy bıýrosy Qazaqstannyń 19 mıllıonynshy turǵyny qalaı anyqtalǵanyn túsindirip berdi, dep habarlaıdy QazAqparat.

Uqsas jańalyqtar
SQO-da on kúnde bes egiz dúnıege keldi

Ulttyq statıstıkasy bıýrosynyń halyqtyń aǵymdaǵy esebi derekterine sáıkes 19 mıllıonynshy Jánııa Azamatqyzy 2021 jylǵy 20 maýsymda dúnıege keldi.

Jánııa Almaty qalasynda týǵan, otbasynda 4-shi bala.

Týý týraly aktisine sáıkes náresteniń ata-anasy Almaty oblysy Іle aýdany Chapaevo aýylynda turady.

Anasy - Nazgúl Baltabaıqyzy Kóbentaeva, 1986 jyly týǵan, ákesi - Azamat Ábilǵapparuly Nurǵalıev, 1982 jyly týǵan.

19 mıllıonynshy turǵyndy anyqtaý barlyq demografııalyq oqıǵalardy: tabıǵı qozǵalys ósimin (belgili bir kezeńde tiri týǵandar men qaıtys bolǵandar arasyndaǵy aıyrma) jáne halyqtyń kóshi-qon aıyrymyn (elimizdiń aýmaǵyna belgili bir kezeńde kelgender sany jáne onyń sheginen tys ketkender sany arasyndaǵy aıyrma) eskerip júrgizildi.

Kandıdatýra jalpy respýblıka boıynsha turatyn jerine táýelsiz anyqtaldy.

Jalpy, táýelsizdik jyldary ishinde halyq sany 2 557,9 myń adamǵa (15,5%) ósip, aǵymdaǵy jylǵy 1 shildege deıin 19 009,6 myń adamdy qurady.

Eske sala keteıik, keshe Prezıdent qazaqstandyqtardy eldiń 19 mıllıonynshy turǵynymen quttyqtaǵan bolatyn.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT