+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

«Qazaqstannyń 100 jańa esimi»: Úshinshi kezeńge ótinim qabyldaý aıaqtaldy

2019 jylǵy 2 qarasha 22:08
Bólisińiz:
«Qazaqstannyń 100 jańa esimi»: Úshinshi kezeńge ótinim qabyldaý aıaqtaldy

NUR-SULTAN. QazAqparat - «Qazaqstannyń 100 jańa esimi» jobasynyń úshinshi kezeńine ótinimderdi qabyldaý aıaqtaldy, dep habarlaıdy QazAqparat «Habar 24» arnasyna silteme jasap.

Uqsas jańalyqtar
«100 jańa esim» jobasynyń jańa talaptary qandaı Asan Joldasov: Ustazdar qoǵamdastyǵy úshin úlken jaýapkershilikti sezinip otyrmyn

Joba bıylǵy jyly jasy 39-dan aspaǵan jastarǵa arnalyp otyr. Jeńimpazdar 5 qarasha kúni onlaın-aýys berý arqyly anyqtalady.

«100 jańa esimniń» maqsaty – jetistikke jetken tulǵalardyń tabys syryn buqaraǵa jetkizip, jastardy sondaı qadamdarǵa shabyttandyrý. Máselen, jobanyń birinshi kezeńindegi jeńimpaz Rahat-Bı Ábdisaǵın jeńimpaz atanǵannan keıingi eki jyldyń jemisti bolǵanyn aıtady. «Qazaqtyń Motsarty» atanyp ketken ol búginde óz elin álemdik deńgeıde tanytyp júr.

«Ómirdiń ózi shabyttyń kózi. 2017 jyldyń 1 jeltoqsany kúni Elbasymen bizdiń tarıhı kezdesýimiz boldy. Sol kezden shabyt alyp, qazir 2 jyl ótti, sol ýaqyttyń ishinde 30 mýzykalyq shyǵarma jazdym. Onyń ishinde 21 kameralyq, 9 sımfonııalyq týyndy», - deıdi joba jeńimpazy, kompozıtor Rahat-bı Ábdisaǵın.

Eske salaıyq, «Qazaqstannyń 2019 jylǵy 100 jańa esimi: jas qazaqstandyqtardyń tabys tarıhy» jobasyna ótinimderdi qabyldaý bıylǵy 1 qazanda bastaldy. Elimizdiń túkpir-túkpirindegi keıipkerlerdi qamtý úshin ótinimderdi tirkeýdiń aıaqtalý merzimi bastapqy belgilengen 20 qazannan 1 qarashaǵa deıin uzartyldy.

Jobanyń úshinshi kezeńi Jastar jylyna arnalyp, onyń talaptaryna azdaǵan ózgerister engizildi. «Birinshiden, jańa esimderdi izdeýge aldyńǵy maýsym jeńimpazdary atsalysady. Bul bastamany jeńimpazdardyń ózderi kóterdi, olar Bıýro100 qozǵalysyn qurdy. Osylaısha, jańa jeńimpazdardy tabýǵa kómektesedi. Ekinshiden, jeńimpazdardy irikteıtin quzyrly qazylar alqasy qurylady. Úshinshiden, kez kelgen adam jobaǵa ózin usyna alady. Buǵan deıin úmitkerdi ekinshi adamnyń usynýy mindetti bolǵan edi. Bıyl bul shartty alyp tastadyq», - degen bolatyn Aqparat jáne qoǵamdyq damý mınıstri Dáýren Abaev.

Jospar boıynsha úshinshi kezeń jeńimpazdary bıylǵy jeltoqsan aıynda el basshylyǵymen kezdesýge qatysady. Aıta ketsek, ekinshi kezeńde top jaryp shyqqan 102 qatysýshy QR Tuńǵysh Prezıdenti-Elbasy Nursultan Nazarbaevtyń qatysýymen ótken keshke qatysqan bolatyn.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT