Qazaqstannan Qyrǵyzstanǵa esirtki jetkizetin arnanyń joly kesildi
2022 jylǵy 6 shilde 00:51

Qazaqstannan Qyrǵyzstanǵa esirtki jetkizetin arnanyń joly kesildi

BІShKEK. KABAR - QazAqparat - Qyrǵyzstanda qazaqstandyq esirtki kanalynyń joly kesildi. Bul týraly QazAqparat Kabar agenttigine silteme jasap habarlaıdy.

Qyrǵyzstan ІІM habarlaǵandaı, Alamýdýn aýdanynyń Lenınskoe aýylynda shamamen salmaǵy 1 kg 800 gr «gashısh» esirtkisin ótkizbek bolǵan 2001 jylǵy Qyrǵyzstan azamaty B.K. ustaldy.

Odan keıin jedel ýákilder ekinshi kúdiktige shyqqan. Ol 2000 jyly týǵan Qazaqstan azamaty M. E. bolyp shyqty. Ol «Sýbarý-B4» markaly avtokóliginiń benzın quıatyn bagyn jabdyqtap, kontrabandalyq jolmen Qazaqstannan Qyrǵyzstanǵa esirtki jetkizip, B. K. - ǵa bergeni anyqtaldy.

Atalǵan fakti boıynsha qylmystyq is qozǵaldy. Qylmystyq toptyń basqa múshelerin jáne qylmysqa qatysy bar adamdardy ustaý úshin birqatar jedel-tergeý sharalary júrgizilip jatyr. Ustalǵandar Bishkektiń 1-tergeý ızolıatoryna qamaldy, tergeý júrip jatyr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT