+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Qazaqstanǵa shetelden kelgen 139 adamnan COVID-19 anyqtaldy

2020 jylǵy 21 qazan 17:08
Bólisińiz:
Qazaqstanǵa shetelden kelgen 139 adamnan COVID-19 anyqtaldy

NUR-SULTAN. QazAqparat - Shetelden áýe jáne avtomobıl kóligimen kelgen jolaýshylar arasynda 139 adamnan COVID-19 anyqtaldy. Bul týraly QR Densaýlyq saqtaý vıtse-mınıstri Ajar Ǵınııat aıtty, dep habarlaıdy QazAqparat tilshisi.

«Álemde indettiń órshýi jalǵasýda. Eýropa men Azııanyń keıbir elderinde aýrý ýshyǵa tústi. Mysaly, ótken aptada syrqattanýdyń ósýi Germanııada baıqalyp. táýliktiń ishinde 7 myńnan astam adamda KVI anyqtaldy. Ýkraınada 5 400, Reseıde 16 319, Ispanııada 13 873, Frantsııada 20 myńnan astam, Chehııada 11 900, Italııada 10 myńnan astam jaǵdaı tirkeldi», - dedi Ajar Ǵınııat Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, osy epıdemıologııalyq jaǵdaıdyń nasharlaýyna baılanysty QR Bas memlekettik sanıtar dárigeriniń qaýlysyna sáıkes, 6 qazanda, túngi saǵat 00-00-den bastap memlekettik shekarada sanıtarlyq-epıdemıologııalyq qaýipsizdik kúsheıtildi.

«Avtomobıl ótkizý pýnkteri arqyly Qazaqstan Respýblıkasynyń azamattary men sheteldikter, barlyǵy 73 591 adam keldi. Onyń ishinde 21 297 - jolaýshy. 5 967 adam karantındik stantsıonarǵa jatqyzyldy. Olardyń ishinde 122 adamnan oń nátıje anyqtaldy. Syrttan keletin ınfektsııany shekteý úshin osyndaı sharalar qoldanylýda.

Sonymen qatar halyqaralyq áýe reısterimen 34466 jolaýshy keldi. Onyń ishinde 5925 adam testileýden ótti. 17 adamnan oń nátıje anyqtaldy», - dedi vıtse-mınıstr.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT