Qazaqstanǵa Qytaıdyń Sinopharm vaktsınasynyń 2 mln dozasy jetkizildi
2022 jylǵy 29 qańtar 18:02

Qazaqstanǵa Qytaıdyń Sinopharm vaktsınasynyń 2 mln dozasy jetkizildi

NUR-SULTAN. QazAqparat – Búgin Qazaqstannyń Qytaıdaǵy Elshiliginiń qoldaýymen Beıjińnen Almatyǵa Sinopharm (VeroCell) korporatsııasy shyǵarǵan koronavırýsqa qarsy vaktsınanyń kezekti partııasy keldi. Bul týraly Qazaqstanda koronavırýstyń taralýyna jol bermeý jónindegi vedomstvoaralyq komıssııadan málim etti, dep habarlaıdy QazAqparat.

Partııa quramynda vaktsınanyń 2 mln dozasy bar. Jetkizilgen dozalar QR halqyn jappaı vaktsınalaýdy aıaqtaýǵa múmkindik beredi.

«Kelgen vaktsına stıkerleý rásimi aıaqtalǵannan keıin, QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń úılestirýine sáıkes jedel tártippen el óńirlerine jiberiledi. Olar aldaǵy kúnderi Qazaqstan Respýblıkasynyń azamattaryna koronavırýs ınfektsııasyna qarsy vaktsınalaý úshin qoljetimdi bolady.

Kovıdke qarsy preparatty Beıjiń bıologııalyq ónimder ınstıtýty ázirlegen jáne ony Dúnıejúzilik densaýlyq saqtaý uıymy osy jyldyń kókteminde maquldaǵan. Ol álemniń 45 elinde tanylǵan. Vaktsına belsendi emes, eki dozaly. Saqtaý merzimi – 24 aı.

Biryńǵaı dıstrıbıýtor ımmýnobıologııalyq preparattardyń logıstıkasyn barlyq GMP jáne GDP standarttaryn, sondaı-aq «sýyq tizbekti« saqtaı otyryp júzege asyrady.

Sinopharm vaktsınasynyń ereksheligi – ony jetkizý protsesi muzdatqyshty qajet etpeıdi, +2 +8 gradýs temperatýrada saqtalady jáne tasymaldanady.

Esterińizge sala keteıik, Qazaqstan Sinopharm kompanııasynyń Beıjiń bıologııalyq ónim ınstıtýty preparatynyń 4 mln dozasyn, sondaı-aq sáýir aıynyń sońynda BAÁ-de Hayat-Vax saýda ataýymen shyǵarylǵan mıllıon dozany alǵan bolatyn.

Vaktsınany tasymaldaý «sýyq tizbek« qaǵıdaty boıynsha júrgiziledi — árbir kezeńde temperatýralyq rejımdi qatań saqtaý qamtamasyz etiledi. Sonymen qatar, ár deńgeıde – óziniń jaýapty uıymy.

Vaktsınalardy tasymaldaý 4 kezeńde júzege asyrylady:

1. Óndirýshiden Biryńǵaı dıstrıbıýtordyń habtaryna deıin;

2. Biryńǵaı dıstrıbıýtor habtarynan óńirlerdiń densaýlyq saqtaý basqarmalarynyń qoımalaryna;

3. Óńirlerdiń densaýlyq saqtaý basqarmalarynyń qoımalarynan medıtsınalyq uıymdarǵa;

4. Medıtsınalyq uıymdarda qoldanǵanǵa deıin saqtaý.


Jańalyqtar

MURAǴAT