Qazaqstanǵa Qyrǵyz tarapy sý bermeı qoıady degen qaýip joq - mınıstr
2022 jylǵy 26 sáýir 11:55

Qazaqstanǵa Qyrǵyz tarapy sý bermeı qoıady degen qaýip joq - mınıstr

NUR-SULTAN. QazAqparat - QR Ekologııa, geologııa jáne tabıǵı resýrstar mınıstri Serikqalı Brekeshev Úkimet otyrysynan keıin ótken baspasóz máslıhatynda Qyrǵyzstan tarapynan keletin sýdyń kólemi ózgermeıtinin atady, dep habarlaıdy QazAqparat tilshisi.

«Qyrǵyz tarapynyń depýtattary shekaradaǵy saýda qatynasy rettelmese, Qazaqstanǵa tıesili sýdy qysý kerek degen másele kótergeni aıtylyp júr. Shynymen de sondaı táýekel bar ma», - dep surady BAQ ókili mınıstrden.

Vedomstvo basshysynyń aıtýynsha, resmı deńgeıde ondaı másele kún tártibine qoıylyp otyrǵan joq.

«Qyrǵyz Respbýlıkasyna sý resýrstary boıynsha qanshalyqty táýeldimiz degenge kelsek, rasymen táýeldilik bar. Negizinen Qyrǵyzstan aýmaǵyndaǵy Toqtaǵul sý qoımasynan keletin sýǵa táýeldimiz. Qyrǵyzdarmen arada kelisim bar. Olardyń bizge bólýi tıis sý kólemderi boıynsha eshqandaı táýekel nemese qaýip kórip turǵan joqpyz. Qyrǵyzdar bizge sý bermeı qoıady degen málimet bizde joq», - dedi ol.

Sondaı-aq, mınıstr osy aıdyń 20-sy kúni Taraz qalasynda Shý jáne Talas ózenderiniń boıyndaǵy sý sharýashylyǵy nysandary boıynsha májilis ótkenin eske saldy.

«Bul ózenderge Jambyl oblysynyń sýmen qamtamasyz etýli máselesi táýeldi. Ol jerde bizdiń mamandar qyrǵyz áriptesterimen kezdesti. Naqty kelisimder bar. Sondyqtan biz qyrǵyz tarapynan tıesili sýdy almaı qalýymyz múmkin degen táýekel joq», - dedi Serikqalı Brekeshev.

Sondaı-aq, búgingi Úkimet tyrysynda QR Indýstrııa jáne ınfraqurylymdyq damý mınıstri Qaıyrbek Óskenbaev ornyn otandyq ónimmen aýystyrýdy qajet etetin ımporttyq taýralardyń 3 sanatyn atady .


Seriktester jańalyqtary

Jańalyqtar

Úrdis

MURAǴAT