Qazaqstanǵa kirýdiń jańa erejeleri kúshine endi
2022 jylǵy 13 qańtar 18:48

Qazaqstanǵa kirýdiń jańa erejeleri kúshine endi

NUR-SULTAN. QazAqparat - Air Astana áýe kompanııasy baspasóz qyzmeti Qazaqstan Respýblıkasynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń sheshimine sáıkes, 2022 jyldyń 15 qańtarynan bastap Qazaqstanǵa kirýdiń jańa erejeleri engiziletinin málimdedi, dep habarlaıdy QazAqparat.

Qujatqa sáıkes, Qazaqstanǵa shetelden ushyp keletin barlyq jolaýshylar (sonyń ishinde vaktsına alǵandar) COVID-19 teris nátıjesin kórsetetin PTR anyqtamasyn usynýy tıis.

Anyqtama materıal synamasy alynǵan kúnnen bastap Qazaqstan Respýblıkasynyń shekarasynan ótken sátke deıin 72 saǵat boıy jaramdy bolyp sanalady jáne aǵylshyn, orys nemese qazaq tilinde jazylyp berilýi tıis.

Atalǵan anyqtama bes jasqa tolmaǵan balalarǵa ǵana berilmeıdi.

COVID-19-ǵa PTR synamasynyń teris nátıjesi bolmaǵan jaǵdaıda jolaýshylar, sonyń ishinde Qazaqstan azamattary jáne Qazaqstan aýmaǵynda turýǵa yqtııarhaty bar adamdar ushý áýejaıynan bortqa jiberilmeıdi.


Jańalyqtar

MURAǴAT