FÝTBOLDAN ÁLEM ChEMPIONATY-2022
  Jańalyqtar  >

Qazaqstanǵa qatysty qaıtalama sanktsııalar engizilý qaýpi joq - Serik Jumanǵarın

2022 jylǵy 29 qyrkúıek, 12:22
Qazaqstanǵa qatysty qaıtalama sanktsııalar engizilý qaýpi joq - Serik Jumanǵarın

ASTANA. QazAqparat – Qazirgi kezde Batystyń Qazaqstanǵa qatysty qaıtalama sanktsııalar engizýi qaýpi joq. Bul týraly QR Premer-Mınıstriniń orynbasary - Saýda jáne ıntegratsııa mınıstri Serik Jumanǵarın aıtty, dep habarlaıdy QazAqparat tilshisi.

«Tıisti tetikter ázirlengen. Sanktsııalar aıasynda biz quqyqtyq keńistikte jumys isteımiz. Osy oraıda, AQSh-tyń, Eýropalyq odaqtyń tıisti organdarymen ózara konsýltatsııa turaqty júrip jatyr. Sondyqtan, qaıtalama sanktsııalardy engizý qaýpi joq dep aıta alamyz», - dedi S. Jumanǵarın Senatta tilshiler saýalyna jaýap bere otyryp.

Mınıstr AQSh pen EO-daǵy isker orta Qazaqstanmen aradaǵy tereń ózara qatynastardy joǵary baǵalaıtynyn atap ótti.

«Biz elimizdiń naqty ustanymyn málimdep otyrmyz. Qazaqstan halyqaralyq quqyqty ustanady», - dedi mınıstr.

Budan buryn habarlanǵandaı, Serik Jumanǵarın Qazaqstan kómiri Reseı arqyly Eýropaǵa jetkizilip jatqanyn aıtty.


Uqsas jańalyqtar
Seriktester jańalyqtary

Jańalyqtar