+7 (701) 759 90 19
USD 428.07 EUR 507.61
RUB 5.62 CNY 65.15
Jańalyqtar

Qazaqstandyqtarǵa memlekettik mekemelerge júginbeı-aq AÁK taǵaıyndaý jáne múgedektik merzimin uzartý jalǵasady

2020 jylǵy 4 shilde 08:32
Bólisińiz:
Qazaqstandyqtarǵa memlekettik mekemelerge júginbeı-aq AÁK taǵaıyndaý jáne múgedektik merzimin uzartý jalǵasady

NUR-SULTAN. QazAqparat - Qazaqstan Respýblıkasynyń Eńbek jáne halyqty áleýmettik qorǵaý mınıstrligi aǵymdaǵy jyldyń II (ekinshi) toqsanynda ataýly áleýmettik kómek (budan ári – AÁK) alýshylarǵa tólemderdi III (úshinshi) toqsanda uzartýdy kózdeıtin buıryq ázirledi jáne qabyldady. Sonymen qatar, qujatta múgedektik merzimin 3 aıǵa avtomatty túrde uzartý kózdelgen.

Uqsas jańalyqtar
Eńbek mınıstrligi el azamattarynan Áleýmettik qamsyzdandyrý kodeksine usynystar jınaıdy Qazaqstanda múgedek jáne asyraýshysynan aıyrylǵandarǵa 300 mlrd teńgeden astam járdemaqy tólendi

Joǵaryda kórsetilgen sharalar azamattardyń koronavırýstyq ınfektsııany juqtyrý qaýpin azaıtý maqsatynda memlekettik ınstantsııalarda adamdardyń jappaı jınalýynyń aldyn alýǵa baǵyttalǵan.

Birinshi kezekte AÁK otbasy quramy, turǵylyqty mekenjaıy jáne tabys deńgeıi ózgermegen otbasylarǵa taǵaıyndalady. Áleýmettik kómekti qaıta taǵaıyndaý úshin derekter naqtylanatyn bolady, atap aıtqanda turǵylyqty jeri boıynsha tirkeý (tirkelý), jyljymaıtyn múliktiń, kóliktiń bolýy, kirister jáne basqalary. Eger de otbasy quramy ózgermegen jaǵdaıda, ótinishter qolda bar derekter negizinde qalyptastyrlady. Barlyq aqparat, sondaı-aq habarlamalar elektrondyq poshta nemese messendjerler arqyly jiberiledi.

II toqsanda ataýly áleýmettik kómek almaǵan azamattarǵa AÁK-ti alǵash ret taǵaıyndaý úshin egov.kz portaly arqyly ótinish jiberý qajet. Budan ári jumyspen qamtý ortalyqtarynyń qyzmetkerleri qujattardy memlekettik organdardyń aqparattyq bazalarynda tekseredi jáne nátıjesi týraly elektrondyq poshta nemese messendjerler arqyly habarlaıtyn bolady.

Bul rette ýchaskelik komıssııalar kóshpeli tekserýler júrgizbeıdi. Barlyq qajetti qujattar azamattardan elektrondyq poshta arqyly nemese messendjerler arqyly suratylady.

2020 jylǵy II toqsandaǵy jıyntyq kiristi esepteý kezinde táýelsiz jeke jumyskerlerdiń tótenshe jaǵdaı rejımimen qoıylǵan shekteýlerine baılanysty tabysynan aırylǵan jaǵdaıda biryńǵaı jıyntyq tólemdi jáne áleýmettik tólemdi tóleýge baılanysty aılyq eseptik kórsetkishtiń 25 eselengen mólsherindegi kirisi eskerilmeıdi.

Budan basqa, azyq-túlik jáne turmystyq jınaqtardy satyp alýǵa jáne TJ kezeńinde kommýnaldyq qyzmetterdi tóleýge jumsalǵan shyǵyndardy óteýge bólingen aqshalaı qarajattyń mólsheri esepke alynbaıdy.

Múgedektik, jalpy jáne kásiptik eńbek etý qabiletinen aıyrylý dárejesi, sondaı-aq jeke ońaltý baǵdarlamasy, budan burynǵy sııaqty avtomatty túrde uzartylady. Bul shara qaıta kýálandyrý merzimi shekteý sharalary kezeńine kelgen azamattarǵa qatysty bolady.

Múgedektikti alǵash ret belgilegen jaǵdaıda egov.kz portalynda «Elektrondyq ótinishter» bóliminde qujattardyń skanerlengen kóshirmelerimen qosa ótinim berý qajet.

16 jáne 18 jasqa tolǵan múgedek balalarǵa qatysty syrttaı qaıta kýálandyrý qarastyrylǵan. Olarǵa múgedektik qolda bar qujattar negizinde jáne aldyńǵy saýalnamaǵa sáıkes múgedektik dárejesin eskere otyryp belgilenedi.

Medıtsınalyq-áleýmettik saraptama bóliminiń saraptamalyq qorytyndysyna shaǵym túsken jaǵdaıda saraptama MÁS aktisi men usynylǵan qujattar negizinde syrttaı júrgiziledi.

Aıta keteıik, I toqsanda ataýly áleýmettik kómek alýshylarǵa sol kezdegi tótenshe jaǵdaı rejıminiń qoldanylýyna baılanysty tólemder taǵaıyndaý merzimi II toqsanǵa uzartylǵan bolatyn. II toqsanda 561 myń qazaqstandyq AÁK-ti memlekettik ınstantsııalarǵa júginbeı, avtomatty túrde aldy.

Sol ýaqytta medıtsınalyq-áleýmettik saraptama júrgizý syrttaı elektrondyq ótinish negizinde retteldi. Karantın engizilgen sátten bastap 5 myńǵa jýyq syrttaı kýálandyrý júrgizildi.

Osy máseleler boıynsha konsýltatsııalardy call-ortalyqtan 1411 nómiri boıynsha alýǵa bolady.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT