+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Qazaqstandyqtardyń zeınetaqy jınaqtary 12 trıllıon teńgeden asty

2020 jylǵy 25 qyrkúıek 14:53
Bólisińiz:
Qazaqstandyqtardyń zeınetaqy jınaqtary 12 trıllıon teńgeden asty

ALMATY. QazAqparat – 2020 jylǵy 1 qyrkúıektegi jaǵdaı boıynsha Qazaqstan salymshylarynyń zeınetaqy jınaqtarynyń somasy 12,2 trıllıon teńge boldy, dep habarlaıdy QazAqparat tilshisi.

«2020 jyldyń qyrkúıegine qaraı Biryńǵaı jınaqtaýshy zeınetaqy qory salymshylarynyń shottarynda 12,2 trıllıon teńge zeınetaqy jınaǵy qalyptasty. Bir jylda zeınetaqy jınaqtarynyń somasy 1,4 trıllıon teńgege para-par nemese 13% ósti»,– delingen habarlamada.

Zeınetaqy jınaqtarynyń negizgi somasy mindetti zeınetaqy jarnalary esebinen qalyptasty, onyń mólsheri 11,9 trln teńge. Mindetti kásiptik zeınetaqy jarnalary boıynsha zeınetaqy jınaqtarynyń somasy 294 mlrd teńge, al erikti zeınetaqy jarnalary boıynsha zeınetaqy jınaqtarynyń somasy 2 mlrd teńgeden asty.

2020 jyldyń basynan beri salymshylardyń shottaryna jalpy kólemi 685,6 mlrd teńge zeınetaqy jarnalary aýdarylǵan, ol aldyńǵy jyldyń 8 aıyndaǵy kórsetkishten 8 paıyzǵa joǵary.

Jyl basynan bergi tólemder 117,5 mlrd teńgeni qurady, olardyń basym bóligi jasy boıynsha tólemderge (39,5 mlrd teńge), Qazaqstan Respýblıkasynan tys tys turǵylyqty turatyn jerge ketý (23,3 mlrd teńge), saqtandyrý uıymdaryna aýdarymdar (31,5 mlrd teńge), muragerlerge (19,8 mlrd teńge), jerleýge (2,4 mlrd teńge) berilgen.

2020 jyldyń basynan bastap 1 qyrkúıektegi jaǵdaı boıynsha Qor salymshylarynyń shottaryna 871,9 mlrd teńge taza ınvestıtsııalyq tabys esepteldi, bul ótken jyldyń sáıkes kezeńimen salystyrǵanda 443,1 mlrd teńgege artyq.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT