+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

Qazaqstandyqtardyń zeınetaqy jınaqtary 11 trıllıon teńgeden asty

2020 jylǵy 26 naýryz 15:27
Bólisińiz:
Qazaqstandyqtardyń zeınetaqy jınaqtary 11 trıllıon teńgeden asty

ALMATY. QazAqparat – «Biryńǵaı jınaqtaýshy zeınetaqy qory» AQ 2020 jyldyń 1 naýryzyndaǵy negizgi kórsetkishterin jarııalady, dep habarlaıdy QazAqparat tilshisi.

Uqsas jańalyqtar
Qazaqstanda qansha zeınetker bar Birjan Nurymbetov zeınetaqy jınaǵynyń áıelder úshin belgilengen shekti somasyn atady Qazaqstanda 100 myńǵa tarta kásiporynnyń zeınetaqy jarnasy boıynsha qaryzy bar

Qazaqstannyń asa mańyzdy qarjy ınstıtýttarynyń biri «BJZQ» AQ-nyń zeınetaqy aktıvteri 2020 jyldyń alǵashqy eki aıynda 283 mıllıard teńgege ulǵaıdy. Osylaısha azamattardyń zeınetaqy jınaqtary 11 trıllıonnan asyp, eki aıdaǵy ósim 3% jetti.

Zeınetaqy jınaqtarynyń negizgi somasy mindetti zeınetaqy jarnalary (MZJ) boıynsha qalyptasty jáne sońǵy 12 aıda 17%-ǵa ulǵaıyp, 10,8 trln teńgeni qurady. Mindetti kásiptik zeınetaqy jarnalary (MKZJ) boıynsha zeınetaqy jınaqtarynyń somasy 257 mlrd teńge (ósim 25%), al erikti zeınetaqy jarnalary (EZJ) boıynsha zeınetaqy jınaqtarynyń somasy 2 mlrd teńgege (ósim 6%) jýyq.

Aıta keteıik, «BJZQ» AQ jarnalarynyń barlyq túrleri boıynsha jeke zeınetaqy shottarynyń jalpy sany - 10 498 852 birlik boldy. Ótken jyldyń naýryz aıynan bastap ósim 3%. Jeke zeınetaqy shottardyń basym bóligin mindetti zeınetaqy jarnalary – 9,9 mln (ósim 3%), odan keıin mindetti kásiptik zeınetaqy jarnalary – 514 myń shotty (ósim 6%) qurady. Eń úlken ósim erikti zeınetaqy jarnalary boıynsha baıqaldy, 2020 jyldyń 1 naýryzyna BJZQ-da 55 221 shot boldy, bul 2019 jylǵy kórsetkishten 12% joǵary.

Zeınetaqy qorynyń tehnıkalyq sharttar boıynsha jumysyn atap ótý mańyzdy. Buǵan sáıkestendirilmegen salymshylardyń (alýshylardyń) JZSh-lary jatady, mundaı shottarda jeke sáıkestendirý nómiri (JSN) joq, sondaı-aq tegi, aty, ákesiniń aty men týǵan kúni boıynsha qate derektemeler kórsetilgen (JSN joq JZSh). 2019 jylǵy 1 naýryzdan bastap 2020 jylǵy 1 naýryzǵa deıin BJZQ qyzmetkerleri osyndaı 20 myńnan astam shottardy anyqtap, olardyń jalpy sanyn 11% qysqartýǵa qol jetkizildi. Osylaısha aǵymdaǵy jyldyń 1 naýryzyna BJZQ-da 186,8 myń tehnıkalyq shart qalyp otyr.

Salymshylardyń (alýshylardyń) MZJ boıynsha jeke zeınetaqy shottaryndaǵy ortasha jınaq kólemi (tehnıkalyq sharttardy esepke almaǵanda) 1,11 mln.teńgege jetti, bul ótken jyldyń sáıkes kezeńimen salystyrǵanda 12% kóp.

2020 jyldyń alǵashqy 2 aıynda salymshylardyń shottaryna jalpy kólemi 175,2 mlrd. teńge zeınetaqy jarnalary tústi, bul 2019 jyldyń alǵashqy 2 aıyndaǵy kórsetkishten 20% artyq. Tólemder 32,1 mlrd teńgeni qurady, olardyń basym bóligi jasyna baılanysty (12,2 mlrd teńge), Qazaqstanan ketý boıynsha (8,4 mlrd. teńge), saqtandyrý uıymdaryna aýdarymdar (5,4 mlrd teńge), muragerlerge (5,2 mlrd teńge) berilgen tólemderden turady. Salymshylardyń shottaryna aýdarylǵan taza ınvestıtsııalyq kiris 139,9 mlrd teńge mólsherinde esepke alyndy.


Bizdiń kanalymyzǵa jazylyńyz:

Basty sózder: Almaty, Zeınetaqy júıesi,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT