+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstandyqtardyń polıtsııaǵa senimi artyp keledi – Sergeı Ilınyh

2021 jylǵy 23 maýsym 10:57
Bólisińiz:
Qazaqstandyqtardyń polıtsııaǵa senimi artyp keledi – Sergeı Ilınyh

NUR-SULTAN. QazAqparat – Elordanyń polıtsııa departamentiniń bólimshelerinde ata-analarynan bastap ómirin ishki ister organdaryna qyzmet etýge arnaǵan qyzmetkerlerdiń qatary kóp. Solardyń biri Nur-Sultan qalalyq PD Esirtki bıznesine qarsy is-qımyl basqarmasy nashaqorlyqtyń aldyn alý, vedomstvoaralyq úılestirý bóliminiń bastyǵy Sergeı Ilınyh.

Uqsas jańalyqtar
Nur-Sultanda bir top áıel Mınıstrlikter úıine kirýge tyrysty: 6 buzaqyǵa aıyppul salyndy Elordada demalys kúnderi dámhanalar men meıramhanalar qalaı jumys isteıdi Elorda polıtseıleri eki esirtki satýshysyn ustady

Urpaqtan-urpaqqa áskerı qyzmetshilikti mansuq etken otbasydan shyqqan Ilınyh Sergeı Sergeevıch 15 jyl boıy Nur-Sultan qalalyq PD Esirtki bıznesine qarsy is-qımyl basqarmasynda eńbek etip keledi. Bala kezinen áskerı qyzmet ómirin sanasyna sińirgen ol mamandyq tańdaýǵa kelgende esh oılanbastan quqyq qorǵaý organyna tańdaý jasady. Sóıtip 1996 jyly orta mektepti bitirgennen keıin QR ІІM Akademııasyna oqýǵa tústi.

Ilınyhtar otbasynda qoǵam tynyshtyǵyn, azamattardyń qaýipsizdigin qorǵaý, Otan ıgiligine qyzmet etý baǵytynda júrgen birneshe býyn bar. Ákerıler áýletiniń negizin qalaýshy sanatyn Sergeıdiń arǵy eki atasy da ekinshi dúnıejúzilik soǵysqa qatysqan maıdangerler bolatyn.

«Atam Ilınyh Petr Ivanovıch soǵys kezinde tankıst bolǵan edi. Shyrshyq joǵary tank ýchılıesin bitirgen jas kýrsantty birden maıdan shebine, soǵysqa attandyrady. Jeńisten keıin de ol uzaq ýaqyt boıy jaýdan azat etilgen Eýropa aýmaǵynda qyzmet etip, kapıtan sheninde elge oraldy. Anamnyń ákesi naǵashy atam Chıstenın Ivan Fedotovıch Vengrııany azat etý soǵysyna qatysqan. Jaýyngerlik tapsyrmalardy múltiksiz oryndaǵany úshin ol eki ret jaýyngerlik nagradamen marapattalǵan. Olar: «Erligi úshin» medali jáne ІІ-dárejeli «Otan soǵysy» ordeni», - dedi polıtsııa qyzmetkeri.

Keıipkerimizdiń áke-sheshesi Ilınyh Sergeı Petrovıch pen Ilınyh Tamara Ivanovna da Іshki ister mınıstrligi júıesinde jumys istedi. Olar 1976 jyldan qol ustasa júrip, QR ІІM tótenshe jaǵdaılar júıesiniń Aqtaý qalasyndaǵy órtke qarsy qyzmetinde eńbek etti. Sol kezderi kishkentaı Sergeı men aǵasy Rýslan úshin ákeleri batyrlyqtyń, erjúrektiliktiń shynaıy úlgisine aınala bildi.

QR ІІM Mańǵystaý oblystyq tótenshe jaǵdaılar garnızonynyń qaraýyl bastyǵynan garnızon bastyǵyna deıingi eńbek jolynan ótken Sergeı Petrovıch 2001 jyly ishki ister organdaryndaǵy qyzmetin QR ІІM Qylmystyq-atqarý júıesi komıtetiniń basqarmasy bastyǵy laýazymynda aıaqtady. Qazirgi ýaqytta ishki ister organdarynyń zapastaǵy polkovnıgi ІІM-nyń qurmetti zeınetkeri. Al onyń jubaıy Tamara Ivanova Aqtaý qalasynyń órtke qarsy qyzmetinde taban aýdarmaı 25 jyl ınspektor bolyp jumys istedi. Zeınetkerlikke QR ІІM tótenshe jaǵdaılar qyzmetiniń zapastaǵy aǵa praporıgi ataǵymen shyqty.

Ata-anasynyń izin jalǵaǵan Ilınyh Rýslan Sergeevıch Tótenshe jaǵdaılar mınıstrliginde qyzmet etedi. Ol Keńes armııasynda áskerı boryshyn ótep kelgennen keıin QR ІІM Almaty tehnıkalyq ýchılıesiniń Kókshetaý fılalyn bitirdi. Zeınetkerlikke QR TJM Qyzmetkerlerdiń biliktiligin arttyrý oqý ortalyǵy laýazymynda shyǵyp otyr.

Týystaryna qaraǵanda Sergeı Ilınyh polıtsııa mamandyǵyn taǵdady. 2001 jyly ІІM akademııasyn bitirgennen keıin Astan qalalyq ishki ister basqarmasyna jedel ýákil bolyp jumysqa qabyldandy. 2007 jylda beri Nur-Sultan qalalyq PD Esirtki bıznesine qarsy is-qımyl basqarmasy nashaqorlyqtyń aldyn alý, vedomstvoaralyq úılestirý bóliminiń bastyǵy bolyp eńbek etip keledi.

Quqyq qorǵaý organdarynda eńbek etken jyldardyń ishinde polıtsııa podpolkovnıgi Ilınyh Sergeı Sergeevıch mol kásibı tájirıbe jınap, áriptsterdiń arasynda bedelge ıe boldy. Polıtsııa jumysy únemi tyńǵylyqty nazardy, jankeshtilik pen zańǵa saýattylyqty talap etetindigin belgili. Osy qasıetterdiń bárin boıyna sińirgen ol kóptegen vedomstvolyq nagradaǵa ıe boldy. Olardyń qatarynda QR ІІM Ulttyq gvardııasy bas qolbasshysynyń atynan saǵat, QR Іshki ister mınıstriniń, Nur-Sultan qalasy ákimi apparatynyń qurmet gramotalary bar.

«Quqyq qorǵaý organdaryndaǵy jumys esh ýaqytta jeńil bolǵan emes. Sondyqtan bul mamandyqty tańdamas buryn jaqsylap oılanyp alý kerek. Al sodan keıin naqty sheshim qabyldasań sońyna deıin barýyń qajet. Árıne, adal ári parasatty bolǵan jón. Esh ýaqytta aqshanyń sońyna túspeppin. Barlyq ýaqytta bedel úshin jumys isteýge tyrystym. Óıtkeni, azamattarymyzdyń qaýipsizdigi bizdiń jumsymyza tikeleı baılanysty. Kóp jaǵdaıda bizdiń is-áreketimiz arqyly polıtsııa týraly jaı oı-pikir qalyptasady. Sondyqtan organdarda qyzmet etý – bul óte úlken jaýapkershilik», - dedi Sergeı Ilınyh.

Polıtsııadaǵy qyzmet barysynda kóp ýaqyttyń ketedi, bar kúshińdi sart etýge de týra keledi. Biraq, bul Sergeı Sergeevıchke súıikti jar, qamqor áke bolýyna kedergi bola alǵan emes. Jubaıy Tatıana barlyq ýaqytta da senimdi serigi boldy. Otbasynda jelkildep ósip kele jatqan jasar Darıa Polıtsııa departamenti ótkizetin barlyq baıqaýǵa belsene qatysyp, ákesiniń qolqanatyna aınalyp keledi.

«Iá, otbasy meniń menimdi tylym. Jumysymyzda bul óte mańyzdy. Árıne, jubaıym ekeýimiz bul balany óte uzaq kúttik jáne ol úlken qýanysh pen baqyt ákeldi. Jalpy, men barlyq ýaqytta jumystamyn desem bolady. Demalys kúnderi qyzym ákesimen ilesip jumysqa baratyn kezder de bolyp turady», - dedi Sergeı Ilınyh.

Onyń atap ótýinshe, qazirgi ýaqytta quqyq qorǵaý organdarynda kóptegen ózgeris oryn alyp jatyr. Jumys ádisteri jetildirilip, jemqorlyq kórinisterge baqylaý kúsheıe túsýde. Munyń barlyǵy da toptasa kele naqty nátıje de berip otyr.

«Búginde adamdar polıtsııaǵa kóbirek sene bastady, kómek alý úshin de jıirek júginedi. Máselen, 2000 jyldarmen salystyrǵanda jaǵdaı túbegeıli ózgergen», - dedi polıtsııa qyzmetkeri.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT