+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Qazaqstandyqtardyń ekologııalyq jaǵdaıǵa qyzyǵýshylyǵy artty - mınıstr

2019 jylǵy 21 qarasha 11:33
Bólisińiz:
Qazaqstandyqtardyń ekologııalyq jaǵdaıǵa qyzyǵýshylyǵy artty - mınıstr

NUR-SULTAN. QazAqparat –2018 jyly Qazaqstanda lastaýshy zattardyń jalpy kólemi 2,5 mln tonnany qurady. Bul týraly QR Ekologııa, geologııa jáne tabıǵı resýrstar mınıstri Maǵzum Myrzaǵalıev málim etti, dep habarlaıdy QazAqparat tilshisi.

Uqsas jańalyqtar
JEO-2 nemese avtokólik: qalany qaısysy kóbirek lastaıdy 16 jastaǵy Greta Týnberg Time nusqasy boıynsha «Jyl adamy» atandy Almaty zoobaǵyndaǵy Alkor atty aq aıý 30-ǵa toldy

Búgin Parlament Senatynyń jalpy otyrysynda palata depýtattary «Aqparatqa kirý, sheshimder qabyldaý protsesine jurtshylyqtyń qatysýy jáne qorshaǵan ortaǵa qatysty máseleler boıynsha sot ádildigine qol jetkizý týraly konventsııaǵa Lastaýyshtardyń shyǵaryndylary men tasymaldarynyń tirkelimderi týraly hattamany ratıfıkatsııalaý týraly» Zańyn qabyldandy.

Osy Hattamaǵa qosylý maqsaty Orhýs konventsııasynyń erejelerimen negizdelgen. Aýaǵa shyǵarylatyn, sý men topyraqqa tógiletin qaýipti hımııalyq zattar men lastaǵyshtardyń jyl saıynǵy kólemderin, ónerkásiptik jáne basqa da nysandardan alynatyn qaldyqtar aqparatyn jınaý, óndeý úshin kadastrlar nemese Lastaýyshtardyń shyǵaryndylary men tasymaldarynyń tirkelim júıesin birtindep engizý jóninde sharalar qoldanýǵa mindettimiz.

«Bul tirkelim «aýaǵa, tabıǵatqa qaı nysandar lastaýshy, qaýipti hımııalyq zattardy shyǵaryp jatyr?» jáne «qaı ýaqyt aralyǵynda qandaı kólemde shyǵarylady?» degen suraqtarǵa tolyq aqparat beretin bolady», - dedi Maǵzum Myrzaǵalıev.

Onyń sózine qaraǵanda, 2018 jyly Qazaqstanda lastaýshy zattardyń jalpy kólemi 2,5 mln tonnany quraǵan.

«Qazirgi tańda halyqtyń ekologııalyq jaǵdaıǵa qyzyǵýshylyǵynyń ósýine baılanysty, bizdiń elimizde qorshaǵan ortanyń jaı-kúıi týraly halyqty ýaqtyly habardar etý boıynsha jumystar atqarylyp jatyr. Sonyń biri AirKz mobıldik qosymshasy iske qosylyp, oblys ákimdikteri jurtshylyqty aqparattandyrý úshin LED-ekrandar ornatý boıynsha jumys júrgizýde. Osy LED-ekrandarda aýanyń sapasy týraly málimet berilip jatyr. Sonymen qatar, atalǵan aqparat biriktirilgen sıpatqa ıe. Lastaýyshtardyń shyǵaryndylary men tasymaldarynyń tirkelimi sııaqty quraldardyń bolýy - halyqqa, kásiporyndar shyǵaryp jatqan zııandy zattar boıynsha derekterdi usynýǵa múmkindik beredi», - dedi M. Myrzaǵalıev.

Osy atalǵan Tirkelim hattamasy 64 qyzmet túrin jáne 86 lastaýshy zattardy qamtıdy. Atalǵan 64 qyzmet túriniń Qazaqstanda 32 túri jáne oǵan jatatyn 26 lastaýshy zattar qamtylady.

«Osy Tirkelimdi tsıfrlandyrý maqsatynda ıÝNITAR (BUU oqý jáne ǵylymı-zertteý ınstıtýty) qoldaýymen 10 mıllıon teńgege granttyq qarajat alynyp, veb-portal ázirlendi. Ony Zalaldy zattardyń shyǵarylý jáne tasymaldaý tirkelimi derekterimen tolyqtyrý júrgizildi. Tirkelim veb-portaly tájirıbelik paıdalanýǵa engizildi. Keleshekte osy Tirkelim portalyn Biryńǵaı memlekettik monıtorıng júıesi aıasynda basqa da aqparattyq júıelermen ózara ıntegratsııalaýdy josparlap otyrmyz. Mınıstrliktiń vedomstvolyq uıymymen ázirlengen Lastaýyshtardyń shyǵaryndylary men tasymaldarynyń tirkeliminiń veb-portaly kelesi jyly paıdalanýǵa beriledi. Jalpy, Qazaqstanda qorshaǵan ortany qorǵaý jáne tabıǵatty paıdalaný salasynda esep berý tetikteri bar, sondaı-aq olar tirkelim iske qosylǵan kezde paıdalanylatyn bolady», - dedi Myrzaǵalıev.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT